ಮಯಾಂಕ್​@ 29: ಮೈದಾನದಲ್ಲೇ ಬರ್ತ್‌ಡೇ ಆಚರಿಸಿದ ಟೀಂ​ ಇಂಡಿಯಾ ಆಟಗಾರರು

ಕನ್ನಡಿಗ ಹಾಗೂ ಟೀಮ್​ ಇಂಡಿಯಾ ಓಪನರ್​ ಮಯಾಂಕ್​ ಅಗರ್​ವಾಲ್ ಇಂದು ತಮ್ಮ 29 ನೇ ಹುಟ್ಟುಹಬ್ಬ ಆಚರಿಸಿಕೊಳ್ಳುತ್ತಿದ್ದಾರೆ.

ಹ್ಯಾಮಿಲ್ಟನ್​: ಕನ್ನಡಿಗ ಮಯಾಂಕ್​ ಅಗರ್​ವಾಲ್​ ಭಾನುವಾರ 29 ವಸಂತಕ್ಕೆ ಕಾಲಿರಿಸಿದ್ದು, ಟೀಮ್​ ಇಂಡಿಯಾ ಆಟಗಾರರು ಕ್ರಿಕೆಟ್​ ಸ್ಟೇಡಿಯಂನಲ್ಲೇ ಅವರ ಹುಟ್ದಬ್ಬ ಆಚರಿಸಿದರು.

ಫೆಬ್ರವರಿ 16, 1991 ರಲ್ಲಿ ಬೆಂಗಳೂರಿನಲ್ಲಿ ಜನಸಿದ ಮಯಾಂಕ್​ ಅಗರ್​ವಾಲ್​ ಹ್ಯಾಮಿಲ್ಟನ್​ ಕ್ರಿಕೆಟ್​ ಮೈದಾನದಲ್ಲಿ ಇಂದು ತಮ್ಮ 29 ನೇ ಹುಟ್ಟುಹಬ್ಬ ಆಚರಿಸಿಕೊಂಡರು. ನ್ಯೂಜಿಲ್ಯಾಂಡ್​ ಇಲೆವೆನ್​ ವಿರುದ್ಧ 3 ದಿನಗಳ ಅಭ್ಯಾಸ ಪಂದ್ಯದಲ್ಲಿ ಅಬ್ಬರದ ಬ್ಯಾಟಿಂಗ್ ಪ್ರದರ್ಶನ ತೋರಿದ್ದ ಅವರು ಟೆಸ್ಟ್​ ಸರಣಿಗೂ ಮುನ್ನ ತಮ್ಮ ಎಂದಿನ ಫಾರ್ಮ್​ಗೆ ಮರಳಿರುವುದು ಖುಷಿಯ ವಿಚಾರವಾಗಿದೆ.

2018ರಲ್ಲಿ ಆಸ್ಟ್ರೇಲಿಯಾ ವಿರುದ್ಧ ಟೆಸ್ಟ್​ ಕ್ರಿಕೆಟ್​ಗೆ ಪದಾರ್ಪಣೆ ಮಾಡಿದ ಅಗರ್​ವಾಲ್​ 9 ಅಂತಾರಾಷ್ಟ್ರೀಯ ಪಂದ್ಯಗಳಲ್ಲಿ 872 ರನ್​ಗಳಿಸಿದ್ದಾರೆ. ಇದರಲ್ಲಿ 2 ದ್ವಿಶತಕ ಸೇರಿದಂತೆ 3 ಶತಕ ಹಾಗೂ 3 ಅರ್ಧಶತಕಗಳು ಸೇರಿವೆ. ಇದೇ ವರ್ಷ ಕಿವೀಸ್​ ವಿರುದ್ಧ ಏಕದಿನ ಕ್ರಿಕೆಟ್​ಗೆ ಪದಾರ್ಪಣೆ ಮಾಡಿದ್ದ ಅಗರ್​ವಾಲ್​ ಆಡಿದ ಮೂರು ಪಂದ್ಯಗಳಲ್ಲೂ ವೈಫಲ್ಯ ಅನುಭವಿಸಿದ್ದರು.

• Just birthday things 😃😃
  
  Happy Birthday, Mayank Agarwal 🍰🥞🎂 pic.twitter.com/fwAUc8G9yS

  — BCCI (@BCCI) February 16, 2020 " class="align-text-top noRightClick twitterSection" data="

  Just birthday things 😃😃
  
  Happy Birthday, Mayank Agarwal 🍰🥞🎂 pic.twitter.com/fwAUc8G9yS

  — BCCI (@BCCI) February 16, 2020

  ">

  Just birthday things 😃😃
  
  Happy Birthday, Mayank Agarwal 🍰🥞🎂 pic.twitter.com/fwAUc8G9yS

  — BCCI (@BCCI) February 16, 2020

ಮಯಾಂಕ್​ ಕರ್ನಾಟಕ ಪರ 62 ಪ್ರಥಮ ದರ್ಜೆ ಪಂದ್ಯಗಳನ್ನಾಡಿದ್ದು, 11 ಶತಕಗಳ ಸಹಿತ 4849 ರನ್​ ಪೇರಿಸಿದ್ದಾರೆ. 85 ಲಿಸ್ಟ್​ ಎ ಪಂದ್ಯಗಳಿಂದ 13 ಶತಕಗಳ ಸಹಿತ 4031 ರನ್​ಗಳಿಸಿದ್ದಾರೆ.

ಮಯಾಂಕ್​ ಅಗರ್​ವಾಲ್​ರ ಸ್ಮರಣೀಯ ಇನ್ನಿಂಗ್ಸ್​ಗಳು:

ಪದಾರ್ಪಣೆ ಪಂದ್ಯದಲ್ಲೇ 76 ರನ್​ (2018)

ಮಯಾಂಕ್​ ಆಸ್ಟ್ರೇಲಿಯಾ ವಿರುದ್ಧ ಪದಾರ್ಪಣೆ ಮಾಡಿದ ಪಂದ್ಯದಲ್ಲೇ 76 ರನ್​ಗಳಿಸಿದ್ದರು. ಈ ಮೂಲಕ​ ಆಸ್ಟ್ರೇಲಿಯಾ ವಿರುದ್ಧ ಪದಾರ್ಪಣೆ ಪಂದ್ಯದಲ್ಲಿ ಗರಿಷ್ಠ ರನ್​ ಸಿಡಿಸಿದ ಬ್ಯಾಟ್ಸ್​ಮನ್​ ಎನ್ನಿಸಿಕೊಂಡಿದ್ದಲ್ಲದೆ 76 ವರ್ಷಗಳ ದಾಖಲೆ ಮುರಿದಿದ್ದರು.

77 ಆಸ್ಟ್ರೇಲಿಯಾ ವಿರುದ್ಧ 2019(ಸಿಡ್ನಿ)

ಪದಾರ್ಪಣೆ ಮಾಡಿದ ಪಂದ್ಯದಲ್ಲೇ ಮಿಂಚಿದ ನಂತರ ಅದೇ ಸರಣಿಯ ತಮ್ಮ ಎರಡನೇ ಪಂದ್ಯದಲ್ಲಿ ಮತ್ತೆ 77 ರನ್​ಗಳಿಸಿ ಮಿಂಚಿದ್ದರು.

ದಕ್ಷಿಣ ಆಫ್ರಿಕಾ ವಿರುದ್ಧ 215 ರನ್​

2020ರ ವಿಶ್ವ ಟೆಸ್ಟ್​ ಚಾಂಪಿಯನ್​ಶಿಪ್​ನಲ್ಲಿ ತಮ್ಮ ದಕ್ಷಿಣ ಆಫ್ರಿಕಾ ವಿರುದ್ದ ಚೊಚ್ಚಲ ಶತಕ ಬಾರಿಸಿದ್ದ ಅವರು ನಂತರ ಅದನ್ನು ದ್ವಿಶತಕಕ್ಕೆ ಪರಿವರ್ತಿಸಿಕೊಂಡು ಚೊಚ್ಚಲ ಶತಕವನ್ನು ಸ್ಮರಣೀಯವಾಗಿಸಿಕೊಂಡಿದ್ದರು. ನಂತರದ ಪಂದ್ಯದಲ್ಲೂ 108 ರನ್​ಗಳಸಿ ಮಿಂಚಿದ್ದರು.

ಬಾಂಗ್ಲಾದೇಶದ ವಿರುದ್ಧ 243

ದಕ್ಷಿಣ ಆಫ್ರಿಕಾ ವಿರುದ್ಧದ ಸರಣಿಯಲ್ಲಿ ಅದ್ಭುತ ಪ್ರದರ್ಶನ ತೋರಿದ ನಂತರ ಅದೇ ಪ್ರದರ್ಶನವನ್ನು ಬಾಂಗ್ಲಾದೇಶದ ವಿರುದ್ಧವೂ ಮುಂದುವರಿಸಿದ ಮಯಾಂಕ್​ 243 ರನ್​ ದಾಖಲಿಸಿ ಬ್ಯಾಕ್​ ಟು ಬ್ಯಾಕ್​ ದ್ವಿಶತಕ ಸಾಧನೆ ಮಾಡಿದ್ದರು.

ಪ್ರಸ್ತುತ ಕಿವೀಸ್​ ಪ್ರವಾಸದಲ್ಲಿರುವ ಅವರು ಯಾವ ರೀತಿ ಪ್ರದರ್ಶನ ನೀಡಲಿದ್ದಾರೆ ಎಂಬುದನ್ನು ಕಾದು ನೋಡಬೇಕಿದೆ. ಅಲ್ಲದೆ ಮಯಾಂಕ್​ ಅಗರ್​ವಾಲ್​ ಐಪಿಎಲ್​ನಲ್ಲಿ ಕಿಂಗ್ಸ್​ ಇಲೆವೆನ್​ ಪಂಜಾಬ್​ ತಂಡದ ಪರ ಆಡಲಿದ್ದು, ಈ ಬಾರಿಯ ಐಪಿಎಲ್​ ಅವರ ಸೀಮಿತ ಓವರ್​ಗಳ ಕ್ರಿಕೆಟ್​ ಭವಿಷ್ಯವನ್ನು ನಿರ್ಧರಿಸಲಿದೆ.