ರಹಮಾನುಲ್ಲಾ ಗುರ್ಬಾಜ್: ಪದಾರ್ಪಣೆ ಪಂದ್ಯದಲ್ಲಿ ಶತಕ ಸಿಡಿಸಿದ ಮೊದಲ ಅಫ್ಘನ್ ಬ್ಯಾಟ್ಸ್​​​ಮನ್​

ಅಬುಧಾಬಿ ಶೇಕ್ ಜಾಯೇದ್​ ಸ್ಟೇಡಿಯಂನಲ್ಲಿ ನಡೆದ 3 ಏಕದಿನ ಪಂದ್ಯಗಳ ಮೊದಲ ಪಂದ್ಯದಲ್ಲಿ ರಹಮಾನುಲ್ಲಾ ಗುರ್ಬಾಜ್ 127 ರನ್​ ಸಿಡಿಸಿದರು. ಅವರ ಈ ಇನ್ನಿಂಗ್ಸ್​ನಲ್ಲಿ 8 ಬೌಂಡರಿ ಹಾಗೂ 9 ಸಿಕ್ಸರ್​ ಒಳಗೊಂಡಿವೆ.

ಅಬುಧಾಬಿ: ಐರ್ಲೆಂಡ್​ ವಿರುದ್ಧ ಸ್ಫೋಟಕ ಶತಕ ಸಿಡಿಸಿ ತಂಡದ ಗೆಲುವಿಗೆ ಪ್ರಮುಖ ಪಾತ್ರ ವಹಿಸಿದ ಗುರ್ಬಾಜ್​ ಪದಾರ್ಪಣೆ ಮಾಡಿದ ಪಂದ್ಯದಲ್ಲೇ ಶಕತ ಸಿಡಿಸಿದ ಮೊದಲ ಅಫ್ಘಾನಿಸ್ತಾನ ಹಾಗೂ ವಿಶ್ವದ 16ನೇ ಬ್ಯಾಟ್ಸ್​ಮನ್ ಎಂಬ ದಾಖಲೆಗೆ ಪಾತ್ರರಾಗಿದ್ದಾರೆ.

ಇಂದು ಅಬುಧಾಬಿ ಶೇಕ್ ಜಾಯೇದ್​ ಸ್ಟೇಡಿಯಂನಲ್ಲಿ ನಡೆದ 3 ಏಕದಿನ ಪಂದ್ಯಗಳ ಮೊದಲ ಪಂದ್ಯದಲ್ಲಿ ರಹಮಾನುಲ್ಲಾ ಗುರ್ಬಾಜ್ 127 ರನ್​ ಸಿಡಿಸಿದರು. ಅವರ ಈ ಇನ್ನಿಂಗ್ಸ್​ನಲ್ಲಿ 8 ಬೌಂಡರಿ ಹಾಗೂ 9 ಸಿಕ್ಸರ್​ ಒಳಗೊಂಡಿವೆ. ಇವರ ಶತಕ ಹಾಗೂ ರಶೀದ್ ಖಾನ್​ ಅವರ ಸ್ಫೋಟಕ ಅರ್ಧಶತಕದ ನೆರವಿನಿಂದ ಅಫ್ಘಾನಿಸ್ತಾನ ತಂಡ 50 ಓವರ್​ಗಳಲ್ಲಿ 9 ವಿಕೆಟ್ ಕಳೆದುಕೊಂಡು 287 ರನ್​ ಗಳಿಸಿತ್ತು. ರಶೀದ್ ಕೇವಲ 30 ಎಸೆತಗಳಲ್ಲಿ 5 ಸಿಕ್ಸರ್​ ಹಾಗೂ 2 ಬೌಂಡರಿ ಸಹಿತ 55 ರನ್​ ಗಳಿಸಿದರು.

ಐರ್ಲೆಂಡ್ ಪರ ಆ್ಯಂಡಿ ಮೆಕ್​ಬ್ರೈನ್ 5 ವಿಕೆಟ್​ ಪಡೆದು ಮಿಂಚಿದರೆ, ಗ್ಯಾರೆತ್ ಡೆಲಾನಿ, ಸಿಮಿ ಸಿಂಗ್ ಹಾಗೂ ಮೆಕಾರ್ಟಿ ತಲಾ ಒಂದು ವಿಕೆಟ್ ಪಡೆದರು.

• 💥 127 runs
  💥 Eight fours, nine sixes
  
  Rahmanullah Gurbaz, the first batsman from Afghanistan to score an ODI hundred on debut 👏 pic.twitter.com/poAz6D6bfK

  — ICC (@ICC) January 21, 2021 " class="align-text-top noRightClick twitterSection" data="

  💥 127 runs
  💥 Eight fours, nine sixes
  
  Rahmanullah Gurbaz, the first batsman from Afghanistan to score an ODI hundred on debut 👏 pic.twitter.com/poAz6D6bfK

  — ICC (@ICC) January 21, 2021

  ">

  💥 127 runs
  💥 Eight fours, nine sixes
  
  Rahmanullah Gurbaz, the first batsman from Afghanistan to score an ODI hundred on debut 👏 pic.twitter.com/poAz6D6bfK

  — ICC (@ICC) January 21, 2021

287 ರನ್​ಗಳ ಸ್ಪರ್ಧಾತ್ಮಕ ಗುರಿ ಬೆನ್ನತ್ತಿದ ಐರ್ಲೆಂಡ್​ ವಿಕೆಟ್ ಕೀಪರ್ ಲಾರ್ಕನ್ ಟಕ್ಕರ್​ ಅವರ ಅದ್ಭುತ ಬ್ಯಾಟಿಂಗ್ ಹೊರತಾಗಿಯೂ 50 ಓವರ್​ಗಳಲ್ಲಿ 9 ವಿಕೆಟ್ ಕಳೆದುಕೊಂಡು 271 ರನ್​ ಗಳಿಸಿ 16 ರನ್​ಗಳ ಸೋಲು ಕಂಡಿತು. ಟಕ್ಕರ್ 96 ಎಸೆತಗಳಲ್ಲಿ ತಲಾ 3 ಬೌಂಡರಿ-ಸಿಕ್ಸರ್​ಗಳ ನೆರವಿನಿಂದ 83 ರನ್​ ಗಳಿಸಿದರು. ಪಾಲ್ ಸ್ಟಿರ್ಲಿಂಗ್ 39, ಕರ್ಟಿಸ್ ಕ್ಯಾಂಫರ್​ 39 ರನ್ ​ಗಳಿಸಿ ಗೆಲುವಿಗಾಗಿ ತೀವ್ರ ಪೈಪೋಟಿ ನಡೆಸಿದರು.

ಅಫ್ಘಾನಿಸ್ತಾನದ ಪರ ನವೀನ್ ಉಲ್ ಹಕ್​ 3, ಮುಜೀಬ್ ಉರ್ ರಹಮಾನ್, ರಶೀದ್ ಖಾನ್ ತಲಾ 2, ನೈಬ್ ಮತ್ತು ನಬಿ ತಲಾ ಒಂದು ವಿಕೆಟ್​ ಪಡೆದು ಗೆಲುವಿನಲ್ಲಿ ಸಹಕಾರಿಯಾದರು.

ಇದನ್ನು ಓದಿ:ಭಾರತ ವಿರುದ್ಧದ ಮೊದಲೆರಡು ಟೆಸ್ಟ್​ ಪಂದ್ಯಗಳಿಗೆ 16 ಸದಸ್ಯರ ಬಲಿಷ್ಠ ತಂಡ ಪ್ರಕಟಿಸಿದ ಇಸಿಬಿ