ನವದೆಹಲಿ: 2008ರ ಅಂಡರ್-19 ವಿಶ್ವಕಪ್ ಗೆಲುವಿನಲ್ಲಿ ಪ್ರಮುಖ ಪಾತ್ರವಹಿಸಿದ್ದ ಡೆಲ್ಲಿಯ ಪ್ರದೀಪ್ ಸಂಗ್ವಾನ್ ಐಪಿಎಲ್ನಲ್ಲಿ ಪದಾರ್ಪಣೆ ಮಾಡಿದ್ದ ಡೆಲ್ಲಿ ಡೇರ್ಡೆವಿಲ್ಸ್ ತಂಡಕ್ಕೆ ನೆಟ್ಬೌಲರ್ ಆಗಿ ಆಯ್ಕೆಯಾಗಿದ್ದಾರೆ.
2008ರ ಐಪಿಎಲ್ನಲ್ಲಿ ಅಂಡರ್ 19 ಕ್ರಿಕೆಟಿಗರಿಗೆ ಹರಾಜಿನಲ್ಲಿ ಪಾಲ್ಗೊಳ್ಳುವ ಅವಕಾಶ ನೀಡಿಲ್ಲವಾದ್ದರಿಂದ ಫ್ರಾಂಚೈಸಿಗಳು ನಿರ್ದಿಷ್ಟ ಮೂಲಬೆಲೆಗೆ(ಡ್ರಾಫ್ಟ್ ಮೂಲಕ) ಕೆಲವು ಆಟಗಾರರನ್ನು ಕೊಂಡುಕೊಂಡಿದ್ದರು. ಕೊಹ್ಲಿ ಕೂಡ ಅದೇ ಮಾದರಿಯಲ್ಲಿ ಆರ್ಸಿಬಿ ತಂಡಕ್ಕೆ ಸೇರ್ಪಡೆಗೊಂಡಿದ್ದರು.
ಸಂಗ್ವಾನ್ ಡೆಲ್ಲಿ ಡೇರ್ ಡೇವಿಲ್ಸ್, ಕೋಲ್ಕತ್ತಾ ನೈಟ್ರೈಡರ್ಸ್, ಗುಜರಾತ್ ಲಯನ್ಸ್ ಹಾಗೂ ಮುಂಬೈ ಇಂಡಿಯನ್ಸ್ ತಂಡದಲ್ಲಿ ಆಡಿದ್ದರು. ಅವರು 39 ಪಂದ್ಯಗಳಲ್ಲಿ 35 ವಿಕೆಟ್ ವಿಕೆಟ್ ಪಡೆದಿದ್ದಾರೆ. ಆದರೆ ಆಗಿಂದಾಗ್ಗೆ ಕಾಣಿಸಿಕೊಂಡ ಗಾಯ ಅವರ ಐಪಿಎಲ್ ವೃತ್ತಿ ಜೀವನಕ್ಕೆ ಮುಳುವಾಗಿತ್ತು. ಪರಿಣಾಮ ಇದೀಗ ಅವರು ತಾವೂ ಪದಾರ್ಪಣೆ ಮಾಡಿದ್ದ ತಂಡಕ್ಕೆ ನೆಟ್ ಬೌಲರ್ ಆಗಿ ತೆರಳಿದ್ದಾರೆ. ವಿಶೇಷವೆಂದರೆ ಅಂದು ಡೆಲ್ಲಿ ವಿರಾಟ್ ಕೊಹ್ಲಿಯನ್ನು ಕಡೆಗಣಿಸಿ ಪ್ರದೀಪ್ ಸಂಗ್ವಾನ್ರನ್ನು ಖರೀದಿಸಿತ್ತು.
ಇವರ ಜೊತೆಗೆ ಹರ್ಷ್ ತ್ಯಾಗಿ, ಪವನ್ ಸುಯೆಲ್ ಸೇರಿದಂತೆ 5 ಬೌಲರ್ಗಳನ್ನು ಡೆಲ್ಲಿ ಕ್ಯಾಪಿಟಲ್ ದುಬೈಗೆ ಕಳುಹಿಸಿಕೊಟ್ಟಿದೆ.
