ಮುಂಬೈ: ರಿಷಭ್ ಪಂತ್ ಮುಂಬರುವ ಐಪಿಎಲ್ನಲ್ಲಿ ಡೆಲ್ಲಿ ಕ್ಯಾಪಿಟಲ್ಸ್ ತಂಡದ ಹೆಚ್ಚುವರಿಯಾಗಿ ಬಂದಿರುವ ನಾಯಕತ್ವದ ಜವಾಬ್ದಾರಿಯನ್ನು ಆನಂದಿಸಲಿದ್ದಾರೆ ಎಂದು ಮುಖ್ಯ ಕೋಚ್ ರಿಕಿ ಪಾಂಟಿಂಗ್ ಭಾವಿಸಿದ್ದಾರೆ.
ಖಾಯಂ ನಾಯಕ ಶ್ರೇಯಸ್ ಅಯ್ಯರ್ ಇಂಗ್ಲೆಂಡ್ ವಿರುದ್ಧದ ಸರಣಿ ವೇಳೆ ಭುಜದ ಗಾಯದಿಂದ ಹೊರಬಿದ್ದ ಹಿನ್ನಲೆ ಡೆಲ್ಲಿ ಕ್ಯಾಪಿಟಲ್ಸ್ ವಿಕೆಟ್ ಕೀಪರ್ ಬ್ಯಾಟ್ಸ್ಮನ್ ರಿಷಭ್ ಪಂತ್ರನ್ನು ನಾಯಕನನ್ನಾಗಿ ನೇಮಿಸಿದೆ.
" ಹೆಚ್ಚುವರಿ ಜವಾಬ್ದಾರಿ ಅವರೊಂದಿಗೆ ಚೆನ್ನಾಗಿ ಹೊಂದಿಕೊಳ್ಳಲಿದೆ ಎಂದು ನಾನು ಭಾವಿಸುತ್ತೇನೆ. ಪಂತ್ ಜವಾಬ್ದಾರಿಯನ್ನು ಇಷ್ಟಪಡುವ, ಮುಖ್ಯ ವ್ಯಕ್ತಿಯಾಗಲು ಬಯಸುವ ಮತ್ತು ನಾಯಕನಾಗಲು ಬಯಸುವ ವ್ಯಕ್ತಿಯಾಗಿದ್ದಾರೆ. ಆದ್ದರಿಂದ ನಾನೂ ಕೂಡ ಅವರು ಈ ಹೇಗೆ ನಾಯಕನಾಗಿ ತಂಡವನ್ನು ಮುನ್ನಡೆಸಲಿದ್ದಾರೆ ಎಂದು ನೋಡಲು ನಿಜವಾಗಿಯೂ ಉತ್ಸುಕನಾಗಿದ್ದೇನೆ " ಎಂದು ರಿಕಿ ಪಾಂಟಿಂಗ್ ತಿಳಿಸಿದ್ದಾರೆ.
" ನಾವು ಅವರಿಗೆ(ಪಂತ್) ಸಹಾಯ ಮಾಡುತ್ತೇವೆ, ಆದರೆ ಪ್ರಾಮಾಣಿಕವಾಗಿ ಹೇಳುವುದಾದರೆ ಅವರಿಗೆ ಹೆಚ್ಚಿನ ಸಹಾಯ ಬೇಕಾಗುತ್ತದೆ ಎಂದು ನನಗನ್ನಿಸುತ್ತಿಲ್ಲ" ಎಂದು ಪಾಂಟಿಂಗ್ ಡೆಲ್ಲಿ ಬಿಡುಗಡೆ ಮಾಡಿರುವ ಮಾಧ್ಯಮ ಪ್ರಕಟಣೆಯಲ್ಲಿ ಉಲ್ಲೇಖಿಸಿದ್ದಾರೆ.
ಹೊಸ ನಾಯಕನಿಗೆ ಬೆಂಬಲವಾಗಿ ನಿಲ್ಲಬೇಕಾದದ್ದು ಸೀನಿಯರ್ ಆಟಗಾರರು ಮತ್ತು ಕೋಚ್ಗಳ ಕರ್ತವ್ಯ ಅದನ್ನು ನಾವು ಮಾಡಲಿದ್ದೇವೆ ಎಂದು ಪಾಂಟಿಂಗ್ ಹೇಳಿದ್ದಾರೆ.
ಇದನ್ನು ಓದಿ:ಪೃಥ್ವಿ ಶಾ ಅದೊಂದು ಕೆಟ್ಟ ಸಿದ್ಧಾಂತ ಬದಲಾಯಿಸಿಕೊಂಡ್ರೆ ಭಾರತದ ಸೂಪರ್ ಸ್ಟಾರ್ ಆಗ್ತಾರೆ : ಪಾಂಟಿಂಗ್ ಭವಿಷ್ಯ
