ಕೋಲ್ಕತ್ತಾ: ಸಯ್ಯದ್ ಮುಷ್ತಾಕ್ ಅಲಿ ಟಿ-20 ಟೂರ್ನಿಯಲ್ಲಿ 19 ವರ್ಷದ ಯುವ ಆಟಗಾರ ದೇವದತ್ ಪಡಿಕ್ಕಲ್ ಆಂಧ್ರಪ್ರದೇಶದ ವಿರುದ್ಧ ಸ್ಫೋಟಕ ಶತಕ ಸಿಡಿಸಿ ಕರ್ನಾಟಕಕ್ಕೆ 5 ವಿಕೆಟ್ಗಳ ಗೆಲುವು ತಂದುಕೊಟ್ಟಿದ್ದಾರೆ.
ಮೊದಲು ಬ್ಯಾಟಿಂಗ್ ನಡೆಸಿದ ಆಂಧ್ರಪ್ರದೇಶ ತಂಡ 5 ವಿಕೆಟ್ ಕಳೆದುಕೊಂಡು 184 ರನ್ಗಳಿಸಿತ್ತು. ಆರಂಭಿಕ ಅಶ್ವಿನ್ ಹೆಬ್ಬಾರ್ 61, ಪ್ರಶಾಂತ್ ಕುಮಾರ್ ದಾರ 79 ರನ್ಗಳಿಸಿ ಬೃಹತ್ ಮೊತ್ತಕ್ಕೆ ನೆರವಾದರು. ಕರ್ನಾಟಕ ಪರ ವಿ ಕೌಶಿಕ್ 3 ವಿಕೆಟ್, ಗೋಪಾಲ್ ಹಾಗೂ ಮಿಥುನ್ ತಲಾ ಒಂದು ವಿಕೆಟ್ ಪಡೆದರು.
ಕೊಹ್ಲಿ ಮನಸ್ಸು ಮಾಡಿದ್ರೆ ಈತ RCBಗೆ ಅದ್ಭುತ ಓಪನರ್ ಆಗ್ತಾನೆ!
185 ರನ್ಗಳ ಟಾರ್ಗೆಟ್ ಪಡೆದ ಕರ್ನಾಟಕ ಕೇವಲ 7 ರನ್ಗಳಾಗುವಷ್ಟರಲ್ಲಿ ಆರಂಭಿಕರಾದ ರೋಹನ್ ಕದಮ್(1) ಹಾಗೂ ಲುವನೀತ್ ಸಿಸೋಡಿಯಾ(1) ವಿಕೆಟ್ ಕಳೆದುಕೊಂಡು ಆಘಾತಕ್ಕೊಳಗಾಯಿತು. ಈ ಸಂದರ್ಭದಲ್ಲಿ ಮೂರನೇ ಕ್ರಮಾಂಕಕ್ಕೆ ಬಡ್ತಿ ಪಡೆದು ಬಂದ ಕೆ ಗೌತಮ್(35) ದೇವದತ್ ಪಡಿಕ್ಕಲ್(122) ಜೊತೆಗೂಡಿ 63 ರನ್ ಸೇರಿಸಿ ತಂಡವನ್ನು ಆಘಾತದಿಂದ ಪಾರು ಮಾಡಿದರು.
ಇವರು ದೇಶಕ್ಕೆ ಮತ್ತೊಂದು ವಿಶ್ವಕಪ್‌ ತರುವ ಭರವಸೆ ಹುಟ್ಟಿಸಿದ ಟೀನೇಜ್ ಕ್ರಿಕೆಟರ್ಸ್ .!
17 ಎಸೆತಗಳಲ್ಲಿ 5 ಬೌಂಡರಿ ಹಾಗೂ 1 ಸಿಕ್ಸರ್ ಸಿಡಿಸಿ 35 ರನ್ಗಳಿಸಿದ್ದ ಗೌತಮ್ ಔಟಾದರೆ, ನಂತರ ಬಂದ ಕರುಣ್ 3 ರನ್ಗಳಿಸಿ ರನ್ಔಟ್ ಆದರು. ಒಂದು ಕಡೆ ವಿಕೆಟ್ ಬೀಳುತ್ತಿದ್ದರು ತನ್ನ ಸ್ಫೋಟಕ ಬ್ಯಾಟಿಂಗ್ ಮುಂದುವರಿಸಿದ ಪಡಿಕ್ಕಲ್, ಶ್ರೇಯಸ್ ಗೋಪಾಲ್ ಜೊತೆ ಸೇರಿ 5 ನೇ ವಿಕೆಟ್ಗೆ 64 ರನ್ ಸೇರಿಸಿದರು. ಇದರಲ್ಲಿ ಗೋಪಾಲ್ ಕೊಡುಗೆ 11 ರನ್ ಮಾತ್ರ. ಗೋಪಾಲ್ ಔಟಾದ ನಂತರ ಪ್ರವೀಣ್ ದುಬೆ(13) ಜೊತೆ ಸೇರಿದ ಪಡಿಕ್ಕಲ್ ಮುರಿಯದ 6 ನೇ ವಿಕೆಟ್ ಜೊತೆಯಾಟದಲ್ಲಿ 30 ರನ್ ಸೇರಿಸಿ ತಂಡಕ್ಕೆ 5 ವಿಕೆಟ್ಗಳ ಗೆಲುವು ತಂದುಕೊಟ್ಟರು.
48 ಎಸೆತಗಳಲ್ಲಿ ಶತಕ ಸಿಡಿಸಿದ ದೇವದತ್ ಪಡಿಕ್ಕಲ್ 60 ಎಸೆತಗಳಲ್ಲಿ 7 ಸಿಕ್ಸರ್ ಹಾಗೂ 13 ಬೌಂಡರಿ ಸಹಿತ 122 ರನ್ಗಳಿಸಿದರು.ಈ ಗೆಲುವಿನೊಂದಿಗೆ ಕರ್ನಾಟಕ ತಂಡ 3 ಪಂದ್ಯಗಳಲ್ಲಿ ಒಂದು ಸೋಲು 2 ಗೆಲುವಿನೊಂದಿಗೆ ಎ ಗುಂಪಿನಲ್ಲಿ 3ನೇ ಸ್ಥಾನಕ್ಕೇರಿದೆ.
