ಮುಂಬೈ: ಭಾರತ ಮಹಿಳಾ ತಂಡದ ಆಲ್ರೌಂಡರ್ ದೀಪ್ತಿ ಶರ್ಮಾ ಕಿಯಾ ಸೂಪರ್ ಲೀಗ್ನಲ್ಲಿ ಆಡುವ ಅವಕಾಶ ಪಡೆದುಕೊಂಡಿದ್ದು, ಈ ಲೀಗ್ನಲ್ಲಿ ಆಡಲಿರುವ ಭಾರತದ ನಾಲ್ಕನೇ ಕ್ರಿಕೆಟರ್ ಎಂಬ ಖ್ಯಾತಿಗೆ ಪಾತ್ರರಾಗಿದ್ದಾರೆ.
21 ವರ್ಷದ ದೀಪ್ತಿ ಶರ್ಮಾ ಇಂಗ್ಲೆಂಡ್ನಲ್ಲಿ ನಡೆಯಲಿರುವ ಕಿಯಾ ಸೂಪರ್ ಲೀಗ್ ಟಿ-20 ಯಲ್ಲಿ(KSL) ವೆಸ್ಟರ್ನ್ ಸ್ಟಾರ್ಮ್ ತಂಡದ ಪರ ಆಡಲಿದ್ದಾರೆ.
ಈಗಾಗಲೆ ಈ ಟೂರ್ನಿಗೆ ಭಾರತ ಟಿ -20 ತಂಡದ ನಾಯಕಿ ಹರ್ಮನ್ ಪ್ರೀತ್ ಕೌರ್, ಹಾಗೂ ಉಪನಾಯಕಿ ಸ್ಮೃತಿ ಮಂಧಾನ ಕಿಯಾ ಸೂಪರ್ ಲೀಗ್ನಲ್ಲಿ ಆಡಿದ್ದರು. ಕಳೆದ ವರ್ಷದ ಲೀಗ್ನಲ್ಲಿ ಮಂಧಾನ ಅದ್ಭುತ ಬ್ಯಾಟಿಂಗ್ ಪ್ರದರ್ಶನ ತೋರುವ ಮೂಲಕ ಟೂರ್ನಿಯ ಗರಿಷ್ಠ ಸ್ಕೋರರ್ ಎನಿಸಿದ್ದರು.
ಕಳೆದ ವರ್ಷ ಮಂಧಾನ ವೆಸ್ಟರ್ನ್ ಸ್ಟಾರ್ಮ್ ತಂಡದ ಪರ ಹಾಗೂ ಕೌರ್ ಲಾಂಕೆಶೈರ್ ತಂಡಕ್ಕಾಗಿ ಆಡಿದ್ದರು. ಇವರಿಬ್ಬರ ನಂತರ ಯುವ ಆಟಗಾರ್ತಿ ಜಮೈಮಾ ರೋಡ್ರಿಗಾಸ್ ಕೂಡ ಯಾರ್ಕ್ಶೈರ್ ಡೈಮಂಡ್ ಪರ ಆಡಲು ಒಪ್ಪಂದಕ್ಕೆ ಸಹಿ ಮಾಡಿದ್ದರು. ಇದೀಗ ದೀಪ್ತಿ ಶರ್ಮಾ ನಾಲ್ಕನೇ ಭಾರತೀಯ ಆಟಗಾರ್ತಿಯಾಗಿ ಕೆಎಸ್ಎಲ್ ಲೀಗ್ನಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.
