ಬೆಂಗಳೂರು: ದಕ್ಷಿಣ ಆಫ್ರಿಕಾದ ಶ್ರೇಷ್ಠ ಫೀಲ್ಡರ್ ಡೇವಿಡ್ ಮಿಲ್ಲರ್ ಟಿ-20 ಕ್ರಿಕೆಟ್ನಲ್ಲಿ 50 ಕ್ಯಾಚ್ ಪಡೆಯುವುದರ ಮೂಲಕ್ ಪಾಕಿಸ್ತಾನದ ಶೋಯಬ್ ಮಲಿಕ್ ಅವರೊಂದಿಗೆ ಜಂಟಿ ಅಗ್ರಸ್ಥಾನ ಹಂಚಿಕೊಂಡಿದ್ದಾರೆ.
ಭಾನುವಾರ ನಡೆದ ಭಾರತದ ವಿರುದ್ಧದ ಪಂದ್ಯದಲ್ಲಿ ಕೊನೆಯ ಓವರ್ನಲ್ಲಿ ಹಾರ್ದಿಕ್ ಪಾಂಡ್ಯ ಅವರ ಕ್ಯಾಚ್ ಪಡೆಯುವ ಮೂಲಕ ಟಿ-20 ಕ್ರಿಕೆಟ್ನಲ್ಲಿ 50 ಕ್ಯಾಚ್ ಪಡೆದು ಮಲಿಕ್ ದಾಖಲೆ ಸರಿಗಟ್ಟಿದರು.
ಡೇವಿಡ್ ಮಿಲ್ಲರ್ ಈ ಮೈಲಿಗಲ್ಲಿಗಾಗಿ 72 ಟಿ-20 ಪಂದ್ಯ ತೆಗೆದುಕೊಂಡರೆ, ಶೋಯಬ್ ಮಲಿಕ್ 111 ಪಂದ್ಯಗಳಲ್ಲಿ ಈ ಸಾಧನೆ ಮಾಡಿದ್ದಾರೆ. ಮಿಲ್ಲರ್ 39 ಪಂದ್ಯಗಳ ಬಾಕಿ ಉಳಿದಿರುವಂತೆ 50 ಕ್ಯಾಚ್ ಪಡೆದು ಟಿ-20 ಕ್ರಿಕೆಟ್ನ ಅತ್ಯುತ್ತಮ ಫೀಲ್ಡರ್ ಎನಿಸಿಕೊಂಡಿದ್ದಾರೆ.
ಇನ್ನು ದಕ್ಷಿಣ ಆಫ್ರಿಕಾದ ಮಾಜಿ ಕ್ರಿಕೆಟಿಗ ಎಬಿ ಡಿ ವಿಲಿಯರ್ಸ್ 78 ಪಂದ್ಯಗಳಿಂದ 44, ರಾಸ್ ಟೇಲರ್ 90 ಪಂದ್ಯಗಳಿಂದ 44, ಹಾಗೂ ಸುರೇಶ್ ರೈನಾ 79 ಪಂದ್ಯಗಳಿಂದ 42 ಕ್ಯಾಚ್ ಪಡೆದು ನಂತರದ ಸ್ಥಾನದಲ್ಲಿದ್ದಾರೆ.
