ಬಾರ್ಬಡೋಸ್: ಜಮೈಕಾ ತಲವಾಸ್ ಸಹಾಯಕ ಕೋಚ್ ರಾಮನರೇಶ್ ಸರವಣ್ ವೈಯಕ್ತಿಕ ಕಾರಣಗಳಿಂದ 2020ರ ಐಪಿಎಲ್ ಆವೃತ್ತಿಯಿಂದ ಹೊರಬರಲು ನಿರ್ಧರಿಸಿದ್ದಾರೆ. ಅವರ ಬದಲು ವೆಸ್ಟ್ ಇಂಡೀಸ್ನ ಮಾಜಿ ಸ್ಪಿನ್ನರ್ ರ್ಯಾನ್ ಆಸ್ಟಿನ್ ತಂಡ ಸೇರಿಕೊಂಡಿದ್ದಾರೆ.
"ಸರವಣ್ ವೈಯಕ್ತಿಕ ಕಾರಣಗಳಿಗಾಗಿ ರಜೆ ಕೋರಿದ್ದಾರೆ,ನಾವು ಅದಕ್ಕೆ ಅನುಮತಿ ನೀಡಿದ್ದೇವೆ" ಎಂದು ತಲವಾಸ್ ಸಿಇಒ ಜೆಫ್ ಮಿಲ್ಲರ್ ಟ್ರಿನಿಡಾಡ್ ಮತ್ತು ಟೊಬಾಗೊ ನ್ಯೂಸ್ ಗೆ ತಿಳಿಸಿದ್ದಾರೆ.
![ರಾಮನರೇಶ್ ಸರವಣ್](https://etvbharatimages.akamaized.net/etvbharat/prod-images/8401725_fd_1308newsroom_1597307579_207.jpg)
" ಸರವಣ್ ಇಲ್ಲದಿರುವುದು ಒಂದು ದೊಡ್ಡ ನಷ್ಟ. ಸಾರ್ಸ್ (ಸರವಣ್) ಅವರು ನಮಗಾಗಿ ಸಾಕಷ್ಟು ಪಂದ್ಯಗಳನ್ನು ಗೆಲ್ಲಲು ನೆರವಾಗುತ್ತಿದ್ದರು. ಅವರ ಜ್ಞಾನ, ಅನುಭವ ಮತ್ತು ಆಟಗಾರರೊಂದಿಗೆ ಅವರು ವ್ಯವಹರಿಸಿದ ರೀತಿ ಅತ್ಯುತ್ತಮವಾಗಿತ್ತು. ಆದ್ದರಿಂದ ಅವರ ಅನುಪಸ್ಥಿತಿ ದೊಡ್ಡ ನಷ್ಟವಾಗಿದೆ " ಎಂದಿದ್ದಾರೆ.
33 ಪಂದ್ಯಗಳ ಟೂರ್ನಮೆಂಟ್ ಆಗಸ್ಟ್ 18ರಂದು ಟ್ರಿನಿಡಾಡ್ ಮತ್ತು ಟೊಬಾಗೊದ ಎರಡು ಸ್ಟೇಡಿಯಂನಲ್ಲಿ ನಡೆಯಲಿದೆ.