ಲಂಡನ್: 2019ರ ವಿಶ್ವಕಪ್ ತಂಡದ ನೂತನ ಮುಖ್ಯ ಕೋಚ್ ಆಗಿ ಇಂಗ್ಲೆಂಡ್ ತಂಡದ ಮಾಜಿ ವೇಗಿ ಹಾಗೂ ಹಾಲಿ ಬೌಲಿಂಗ್ ಕೋಚ್ ಆಗಿದ್ದ ಕ್ರಿಸ್ ಸಿಲ್ವರ್ವುಡ್ ನೇಮಕಗೊಂಡಿದ್ದಾರೆ.
ಹಾಲಿ ಕೋಚ್ ಆಗಿರುವ ಟ್ರೆವರ್ ಬೇಲಿಸ್ ಅವಧಿ 2019ರ ಬೇಸಿಗೆಗೆ ಮುಗಿಯುವುದರಿಂದ ಇಸಿಬಿ ನಿರ್ದೇಶಕ ಆಶ್ಲೆ ಗಿಲ್ಸ್ ಹೊಸ ಕೋಚ್ ನೇಮಕ ಮಾಡುವ ಜವಾಬ್ದಾರಿಯನ್ನು ತೆಗೆದುಕೊಂಡಿದ್ದು, ಕೋಚ್ ಹುದ್ದೆಗೆ ಅರ್ಜಿ ಸಲ್ಲಿಸಿದ್ದ ಅಲೆಕ್ ಸ್ಟೆವರ್ಟ್, ಗ್ಯಾರಿ ಕಸ್ಟರ್ನ್ ಹಾಗೂ ಗ್ರಹಾಂ ಫಾರ್ಡ್ ಹಾಗೂ ಸಿಲ್ವರ್ವುಡ್ರನ್ನು ಸಂದರ್ಶನ ನಡೆಸಿದ್ದರು.
ಕೋಚ್ ಹುದ್ದೆಯ ಪ್ರಮುಖ ರೇಸ್ನಲ್ಲಿದ್ದ ಭಾರತ ಹಾಗೂ ದಕ್ಷಿಣ ಆಫ್ರಿಕಾ ತಂಡಗಳಿಗೆ ಕೋಚ್ ಆಗಿ ಸೇವೆ ಸಲ್ಲಿಸಿರುವ ಗ್ಯಾರಿ ಕಸ್ಟರ್ನ್ ಸಂದರ್ಶನದಲ್ಲಿ ವಿಫಲವಾದ್ದರಿಂದ 44 ವರ್ಷದ ಸಿಲ್ವರ್ವುಡ್ರನ್ನು ನೇಮಕ ಮಾಡಲಾಗಿದೆ. ಸಿಲ್ವರ್ವುಡ್ ಈ ಹಿಂದೆ ಎಸ್ಸೆಕ್ಸ್ ತಂಡದ ಮುಖ್ಯ ಕೋಚ್ ಆಗಿ ಆಯ್ಕೆಯಾಗಿದ್ದರು. ಇವರು ಕೋಚ್ ಆದ ಮೇಲೆ ಎಸ್ಸೆಕ್ಸ್ ತಂಡ 25 ವರ್ಷಗಳ ನಂತರ ಮೊದಲ 2017ರಲ್ಲಿ ಕೌಂಟಿ ಚಾಂಪಿಯನ್ಶಿಪ್ ಗೆದ್ದುಕೊಂಡಿತ್ತು.
ಸಿಲ್ವರ್ವುಡ್ ಇಂಗ್ಲೆಂಡ್ ಪರ 6 ಟೆಸ್ಟ್, 7 ಏಕದಿನ ಪಂಡ್ಯವಾಡಿದ್ದಾರೆ. 184 ಪ್ರಥಮ ದರ್ಜೆ ಪಂದ್ಯಗಳಿಂದ 577 ವಿಕೆಟ್ , 202 ಲಿಸ್ಟ್ ಎ ಪಂದ್ಯಗಳಿಂದ 259 ವಿಕೆಟ್ ಪಡೆದಿದ್ದಾರೆ.
