ನವದೆಹಲಿ : ಡ್ರೆಸ್ಸಿಂಗ್ ರೂಂನಲ್ಲಿರುವ ಆಟಗಾರರ ಜೊತೆ ಮತ್ತೊಮ್ಮೆ ಬೆರೆಯುವುದಕ್ಕಾಗಿ ನನಗೆ ಕಾಯಲು ಸಾಧ್ಯವಿಲ್ಲ ಎಂದು ಟೀಂ ಇಂಡಿಯಾ ಟೆಸ್ಟ್ ಸ್ಪೆಷಲಿಸ್ಟ್ ಚೇತೇಶ್ವರ ಪೂಜಾರ ಹೇಳಿದ್ದಾರೆ.
ಕಳೆದ ವರ್ಷ ಆಸ್ಟ್ರೇಲಿಯಾದಲ್ಲಿ ಸರಣಿಯ ಗೆಲುವು ಆಚರಿಸಿದ ತಮ್ಮ ತಂಡದ ಫೋಟೋವನ್ನು ಪೂಜಾರಾ ಹಂಚಿಕೊಂಡಿದ್ದು, "ಮಿಸ್ ಹ್ಯಾಂಗಿಂಗ್ ಔಟ್ ವಿಥ್ ದ ಗೈಸ್, ಡ್ರೆಸ್ಸಿಂಗ್ ರೂಂನಲ್ಲಿರುವ ಆಟಗಾರರ ಜೊತೆ ಮತ್ತೊಮ್ಮೆ ಬೆರೆಯಲು ನನಗೆ ಕಾಯಲು ಸಾಧ್ಯವಿಲ್ಲ" ಎಂದು ಟ್ವೀಟ್ ಮಾಡಿದ್ದಾರೆ. ಫೋಟೋದಲ್ಲಿ ಹಾರ್ದಿಕ್ ಪಾಂಡ್ಯ, ಕುಲದೀಪ್ ಯಾದವ್, ಮುರಳಿ ವಿಜಯ್, ಇಶಾಂತ್ ಶರ್ಮಾ ಮತ್ತು ಜಸ್ಪ್ರೀತ್ ಬುಮ್ರಾ ಬಾರ್ಡರ್ - ಗವಾಸ್ಕರ್ ಟ್ರೋಫಿಯನ್ನು ಹಿಡಿದಿದ್ದು ಕಾಣಬಹುದು.
-
Miss hanging out with the guys. Can't wait to get back into that dressing room! #ThrowbackThursday #GoodTimes pic.twitter.com/TtrfM9G0Qu
— cheteshwar pujara (@cheteshwar1) July 2, 2020 " class="align-text-top noRightClick twitterSection" data="
">Miss hanging out with the guys. Can't wait to get back into that dressing room! #ThrowbackThursday #GoodTimes pic.twitter.com/TtrfM9G0Qu
— cheteshwar pujara (@cheteshwar1) July 2, 2020Miss hanging out with the guys. Can't wait to get back into that dressing room! #ThrowbackThursday #GoodTimes pic.twitter.com/TtrfM9G0Qu
— cheteshwar pujara (@cheteshwar1) July 2, 2020
2018/19 ಟೆಸ್ಟ್ ಸರಣಿಯಲ್ಲಿ ಮೊದಲ ಬಾರಿಗೆ ಭಾರತ ತಂಡವು ಆಸ್ಟ್ರೇಲಿಯಾವನ್ನು ಸೋಲಿಸುವಲ್ಲಿ ಯಶಸ್ವಿಯಾಗಿತ್ತು. ಪೂಜಾರ ಭಾರತದ ಅತ್ಯುತ್ತಮ ಬ್ಯಾಟ್ಸ್‌ಮನ್ ಆಗಿದ್ದು, ಸರಣಿಯಲ್ಲಿ ಅತಿ ಹೆಚ್ಚು ಸ್ಕೋರರ್ ಆಗಿ 74.42 ಸರಾಸರಿಯಲ್ಲಿ 521 ರನ್ ಗಳಿಸಿದ್ದರು.
ಈ ವರ್ಷ ಆಸ್ಟ್ರೇಲಿಯಾದಲ್ಲಿ ನಡೆಯಲಿರುವ ಟಿ -20 ವಿಶ್ವಕಪ್ಗೆ ಕೊರೊನಾ ಕರಿನೆರಳು ಬಿದ್ದಿದೆ. ಆಸ್ಟ್ರೇಲಿಯಾದಲ್ಲಿ ಭಾರತದ ಮುಂದಿನ ಸರಣಿ ಟೆಸ್ಟ್ ಸರಣಿಯೇ ಆಗಿರಲಿದೆ. ನಾಲ್ಕು ಪಂದ್ಯಗಳ ಈ ಟೆಸ್ಟ್ ಸರಣಿಯು ಡಿಸೆಂಬರ್ 3 ರಂದು ಪ್ರಾರಂಭವಾಗಲಿದ್ದು, ವೇಳಾಪಟ್ಟಿಯನ್ನು ಕ್ರಿಕೆಟ್ ಆಸ್ಟ್ರೇಲಿಯಾ ಈಗಾಗಲೇ ಬಿಡುಗಡೆ ಮಾಡಿದೆ. ಗಬ್ಬಾ, ಅಡಿಲೇಡ್ ಓವಲ್, ಮೆಲ್ಬೋರ್ನ್ ಕ್ರಿಕೆಟ್ ಮೈದಾನ (ಎಂಸಿಜಿ) ಮತ್ತು ಸಿಡ್ನಿ ಕ್ರಿಕೆಟ್ ಮೈದಾನ (ಎಸ್‌ಸಿಜಿ)ದಲ್ಲಿ ಪಂದ್ಯಗಳು ನಡೆಯಲಿವೆ.
ಕಳೆದ ಮಾರ್ಚ್‌ನಲ್ಲಿ ಕ್ರೈಸ್ಟ್‌ ಚರ್ಚ್‌ನಲ್ಲಿ ನಡೆದ ನ್ಯೂಜಿಲ್ಯಾಂಡ್ ವಿರುದ್ಧದ ಎರಡನೇ ಟೆಸ್ಟ್ ಪಂದ್ಯದಲ್ಲಿ ಕೊನೆಯ ಬಾರಿಗೆ ಪೂಜಾರ ಭಾರತದ ಪರ ಆಡಿದ್ದರು.
