ಮುಂಬೈ: 2019ರಲ್ಲಿ ಕ್ರಿಕೆಟ್ಗೆ ನಿವೃತ್ತಿ ಘೋಷಿಸಿದ್ದ ಯುವರಾಜ್ ಸಿಂಗ್ ವಿದೇಶಿ ಕ್ರಿಕೆಟ್ ಆಡಲು ಬಿಸಿಸಿಐ ಆಯೋಜಿಸುವ ಎಲ್ಲಾ ಮಾದರಿಯ ಕ್ರಿಕೆಟ್ನಿ ನಿವೃತ್ತಿ ಘೋಷಿಸಿ, ಎನ್ಒಸಿ ಪಡೆದಿದ್ದರು.
ನಂತರ ಕೆನಡಾ ಗ್ಲೋಬಲ್ ಟಿ20 ಲೀಗ್, ಅಬುದಾಬಿ ಟಿ10 ಲೀಗ್ ಸೇರಿದಂತೆ ಕೆಲವು ಟಿ20 ಲೀಗ್ಗಳಲ್ಲೂ ಆಡಿದ್ದರು. ಆದರೆ ಕೆಲವು ದಿನಗಳ ಹಿಂದೆ ಪಂಜಾಬ್ ಕ್ರಿಕೆಟ್ ಬೋರ್ಡ್ ಮನವಿಯ ಮೇರೆಗೆ ನಿವೃತ್ತಿ ನಿರ್ಧಾರದಿಂದ ಹೊರಬಂದು ಮತ್ತೆ ಪಂಜಾಬ್ ಪರ ದೇಶಿ ಕ್ರಿಕೆಟ್ ಆಡಲು ಬಯಸಿ, ಅನುಮತಿಗಾಗಿ ಬಿಸಿಸಿಐಗೆ ಮನವಿ ಪತ್ರ ಸಲ್ಲಿಸಿದ್ದರು.
ಅಲ್ಲದೆ ಸಯ್ಯದ್ ಮುಷ್ತಾಕ್ ಅಲಿ ಟಿ20 ಟೂರ್ನಿಗಾಗಿ ಪಂಜಾಬ್ ಕ್ರಿಕೆಟ್ ಅಸೋಸಿಯೇಸನ್ ಘೋಷಿಸಿದ 30 ಸಂಭವನೀಯರ ಪಟ್ಟಿಯಲ್ಲಿ ಅವಕಾಶವನ್ನು ಗಿಟ್ಟಿಸಿದ್ದರು. ಆದರೆ ಬಿಸಿಸಿಐ ಎಡಗೈ ಆಟಗಾರನ ಆಸೆ ತಣ್ಣೀರೆರಚಿದ್ದು ಅವರಿಗೆ ದೇಶಿ ಕ್ರಿಕೆಟ್ ಮರಳುವ ಮನವಿಯನ್ನು ತಿರಸ್ಕರಿಸಿದೆ. ಆದರೆ ಯಾವ ಕಾರಣಕ್ಕೆ ಯುವಿ ಮನವಿಯನ್ನು ತಿರಸ್ಕರಿಸಲಾಗಿದೆ ಎನ್ನುವುದು ತಿಳಿದುಬಂದಿಲ್ಲ. ಈ ಕಾರಣ ಅವರು ದೇಸಿ ಕ್ರಿಕೆಟ್ನಲ್ಲಿ ಕಮ್ಬ್ಯಾಕ್ ಮಾಡುವ ಸಾಧ್ಯತೆ ಇಲ್ಲದಂತಾಗಿದೆ.
ಮಂದೀಪ್ ಸಿಂಗ್ಗೆ ಪಂಜಾಬ್ ನಾಯಕತ್ವ
ಯುವಿ ಅಲಭ್ಯತೆ ನಂತರ ಪಂಜಾಬ್ ತಂಡ ಮಂದೀಪ್ ಸಿಂಗ್ಗೆ ನಾಯಕತ್ವ ನೀಡಿದೆ. ಅವರ ಐಪಿಎಲ್ ಪ್ರದರ್ಶನ ನೋಡಿ ಪಂಜಾಬ್ ತಂಡದ ಜವಾಬ್ದಾರಿ ವಹಿಸಲಾಗಿದೆ. ಇನ್ನು ಚಂಡೀಗಢ ತಂಡದಿಂದ ಬಂದಿರುವ ಬರೀಂದರ್ ಸ್ರಾನ ತಂಡಕ್ಕೆ ಸೇರಿಕೊಂಡಿದ್ದಾರೆ. ಪಂಜಾಬ್ ತಂಡ ಉತ್ತರ ಪ್ರದೇಶದ ವಿರುದ್ಧ ತನ್ನ ಅಭಿಯಾನ ಆರಂಭಿಸಲಿದೆ.
