ದಿನೇಶ್​ ಕಾರ್ತಿಕ್​ಗೆ ಬಿಸಿಸಿಐ ಶೋಕಾಸ್​ ನೋಟಿಸ್​​... ಸಂಕಷ್ಟದಲ್ಲಿ ಅನುಭವಿ ಪ್ಲೇಯರ್​!

ಟೀಂ ಇಂಡಿಯಾ ಕ್ರಿಕೆಟ್​ನ ಅನುಭವಿ ಆಟಗಾರ ದಿನೇಶ್​ ಕಾರ್ತಿಕ್​​​ ಕೆರಿಬಿಯನ್​ ಪ್ರೀಮಿಯರ್​ ಲೀಗ್​ನ ಪ್ರಚಾರ ಕಾರ್ಯದಲ್ಲಿ ಭಾಗಿಯಾಗಿದ್ದಕ್ಕಾಗಿ ಬಿಸಿಸಿಐ ಶೋಕಾಸ್​ ನೋಟಿಸ್​ ಜಾರಿ ಮಾಡಿದೆ.

ಮುಂಬೈ: ಟೀಂ ಇಂಡಿಯಾ ಕ್ರಿಕೆಟ್​ನ ಅನುಭವಿ ಬ್ಯಾಟ್ಸ್​ಮನ್​ ಕಮ್​ ವಿಕೆಟ್​ ಕೀಪರ್​ ದಿನೇಶ್​ ಕಾರ್ತಿಕ್​​ಗೆ ಭಾರತೀಯ ಕ್ರಿಕೆಟ್​ ಮಂಡಳಿ ಶೋಕಾಸ್​ ನೋಟಿಸ್​ ಜಾರಿ ಮಾಡಿದ್ದು, ಇದರಿಂದ ಹಿರಿಯ ಪ್ಲೇಯರ್​ ಸಂಕಷ್ಟದಲ್ಲಿ ಸಿಲುಕಿಕೊಂಡಿದ್ದಾರೆ.

ಕೆರಿಬಿಯನ್​ ಪ್ರೀಮಿಯರ್​ ಲೀಗ್​​ನ ಪ್ರಚಾರ ಕಾರ್ಯದಲ್ಲಿ ಟ್ರಿನ್​​ಬಾಗೊ ನೈಟ್​ ರೈಡರ್ಸ್​​​ ತಂಡದ ಪ್ರರ ಕಾಣಿಸಿಕೊಂಡಿದ್ದಕ್ಕಾಗಿ ಅವರಿಗೆ ಬಿಸಿಸಿಐ ನೋಟಿಸ್​ ಜಾರಿ ಮಾಡಿದೆ. 34 ವರ್ಷದ ದಿನೇಶ್​ ಕಾರ್ತಿಕ್​ ಟ್ರಿನ್​ಬಾಗೋ ನೈಟ್​ ರೈಡರ್ಸ್​ ಡ್ರೆಸ್ಸಿಂಗ್​ ರೂಮ್​​ನಲ್ಲಿ ಕಾಣಿಸಿಕೊಂಡು, ಸಿಪಿಎಲ್​ ಉದ್ಘಾಟನಾ ಪಂದ್ಯದ ವೇಳೆ ಉಪಸ್ಥಿತವಿರುವುದೇ ಬಿಸಿಸಿಐ ಕೆಂಗಣ್ಣಿಗೆ ಕಾರಣವಾಗಿದೆ.

ದಿನೇಶ್​ ಕಾರ್ತಿಕ್​​

ಟ್ರಿನ್​​ಬಾಗೊ ನೈಟ್​ ರೈಡರ್ಸ್​​​ ತಂಡ ಬಾಲಿವುಡ್​​ನ ಶಾರುಖ್​ ಖಾನ್​ ಮಾಲೀಕತ್ವದ ತಂಡವಾಗಿದೆ. ಇದು ಬಿಸಿಸಿಐ ಗಮನಕ್ಕೆ ಬರುತ್ತಿದ್ದಂತೆ ಬಿಸಿಸಿಐ ಸಿಇಒ ರಾಹುಲ್​ ಜೋಹ್ರಾ ಇದರ ಬಗ್ಗೆ ಮಾಹಿತಿ ನೀಡುವಂತೆ ತಿಳಿಸಿದ್ದಾರೆ.

ಭಾರತ ಪರ 26 ಟೆಸ್ಟ್‌, 94 ಏಕದಿನ ಮತ್ತು 32 ಟಿ20 ಪಂದ್ಯಗಳನ್ನು ಆಡಿರುವ ದಿನೇಶ್ ಕಾರ್ತಿಕ್, ಇಂಡಿಯನ್​ ಪ್ರೀಮಿಯರ್​ ಲೀಗ್​​ನಲ್ಲಿ ಕೋಲ್ಕತ್ತಾ ನೈಟ್​ ರೈಡರ್ಸ್​ ಪರ ಆಡುತ್ತಿದ್ದಾರೆ. ವಿಶ್ವಕಪ್​ ತಂಡದ ಸದಸ್ಯರಾಗಿದ್ದ ಇವರು ಎರಡು ಪಂದ್ಯಗಳಿಂದ 8 ಹಾಗೂ 6ರನ್​ಗಳಿಕೆ ಮಾಡಿದ್ದರು.