ಮುಂಬೈ: ಐಪಿಎಲ್ಗೆ 9ನೇ ತಂಡವನ್ನು ಸೇರ್ಪಡೆಗೊಳಿಸುವ ವಿಚಾರವಾಗಿ ನಿರ್ಧಾರ ತೆಗೆದುಕೊಳ್ಳಲು ಬಿಸಿಸಿಐ ಡಿಸೆಂಬರ್ ತಿಂಗಳಲ್ಲಿ ವಾರ್ಷಿಕ ಸಭೆ ಕರೆಯುವ ನಿರೀಕ್ಷೆಯಿದೆ. ದೀಪಾವಳಿ ಬಳಿಕ ವಾರ್ಷಿಕ ಸಾಮಾನ್ಯ ಸಭೆಯ ದಿನಾಂಕದ ಬಗ್ಗೆ ನಿರ್ಧಾರ ತೆಗೆದುಕೊಳ್ಳುವ ಸಾಧ್ಯತೆಯಿದೆ ಎಂದು ರಾಷ್ಟ್ರೀಯ ದಿನಪತ್ರಿಕೆಯೊಂದು ವರದಿ ಮಾಡಿದೆ.
ಈ ಹಿಂದೆ ಒಂದು ಹೊಸ ತಂಡವನ್ನು ಸೇರ್ಪಡೆ ಮಾಡಲು ಬಿಸಿಸಿಐ ಚಿಂತಿಸುತ್ತಿದೆ ಎನ್ನಲಾಗಿತ್ತು. ವರದಿಯ ಪ್ರಕಾರ ಬಿಸಿಸಿಐ ಎರಡು ಫ್ರಾಂಚೈಸಿಗಳಿಗಾಗಿ ಟೆಂಡರ್ ಕರೆಯಲು ಗಂಭೀರವಾಗಿ ಆಲೋಚಿಸುತ್ತಿದೆ ಎಂದು ತಿಳಿದು ಬಂದಿದೆ.
ಒಂದು ವೇಳೆ ಬಿಸಿಸಿಐ ವಾರ್ಷಿಕ ಸಭೆ 2 ತಂಡಗಳ ಕ್ರಮವನ್ನು ಅಂಗೀಕರಿಸಿದರೆ, ಮುಂದಿನ ವರ್ಷದ ಆರಂಭದಲ್ಲೇ ಮೆಗಾ ಹರಾಜು ನಡೆಯಲಿದೆ. ಆಗ ಎಲ್ಲಾ ತಂಗಳಿಗೂ ಆಯ್ಕೆಗಾರರನ್ನು ಕೊಳ್ಳಲು ಸಮಾನ ಅವಕಾಶ ದೊರೆಯಲಿದೆ.
ಒಂದೇ ವೇಳೆ ಎರಡು ಫ್ರಾಂಚೈಸಿಗಳಿಗೆ ಟೆಂಡರ್ ನಡೆದರೆ ಐಪಿಎಲ್ ಸ್ವರೂಪದಲ್ಲಿ ಕೆಲವು ಬದಲಾವಣೆ ಕಾಣಬಹುದು ಎನ್ನಲಾಗುತ್ತಿದೆ.
