ಮುಂಬೈ: ಕ್ರಿಕೆಟ್ ದೇವರೆಂದೇ ಕರೆಸಿಕೊಳ್ಳುವ ಸಚಿನ್ ತೆಂಡೂಲ್ಕರ್ ಮಳೆಯಲ್ಲಿ ಮಕ್ಕಳಂತೆ ಆಟವಾಡುವ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ.
ಕ್ರಿಕೆಟ್ನಿಂದ ದೂರವಿದ್ದರೂ ಸಾಮಾಜಿಕ ಬಾಧ್ಯತೆಗಳಿಂದ ದೂರವಾಗದ ಸಚಿನ್ ಹಲವು ದಿನಗಳಿಂದ ಕೊರೊನಾ ವಿರುದ್ಧ ಹೋರಾಡಲು ಸಾಮಾಜಿಕ ಜಾಲತಾಣಗಳಲ್ಲಿ ಅಭಿಮಾನಿಗಳಿಗೆ ಮನವಿ ಮಾಡುತ್ತಿದ್ದಾರೆ. ಅಲ್ಲದೆ ಇತ್ತೀಚೆಗೆ ಫ್ಲಾಸ್ಮಾ ಥೆರಫಿಗೂ ಚಾಲನೆ ನೀಡಿದ್ದ ಅವರು ಕೊರೊನಾದಿಂದ ಗುಣಮುಖರಾದವರು ಪ್ಲಾಸ್ಮಾ ನೀಡುವಂತೆ ವಿನಂತಿಸಿಕೊಂಡಿದ್ದರು.
- " class="align-text-top noRightClick twitterSection" data="
">
ಇನ್ನು ಹಲವು ಕ್ರಿಕೆಟಿಗರ ಜೊತೆ ವಿಶ್ಲೇಷಣೆ, ಚಾಲೆಂಜ್ಗಳಲ್ಲಿ ಸಕ್ರಿಯರಾಗುತ್ತಿದ್ದ ಸಚಿನ್ ಈಗ ತಮ್ಮ ಇನ್ಸ್ಟಾಗ್ರಾಮ್ನಲ್ಲಿ ವಿಡಿಯೋವೊಂದನ್ನು ಶೇರ್ ಮಾಡಿದ್ದಾರೆ. ಈ ವಿಡಿಯೋದಲ್ಲಿ ಸಚಿನ್ ಚಿಕ್ಕ ಮಕ್ಕಳಂತೆ ಮಳೆಯಲ್ಲಿ ನೆನೆಯುತ್ತಾ ಆಟವಾಡುತ್ತಿದ್ದಾರೆ. ಈ ವಿಡಿಯೋವನ್ನು ಮಗಳು ಸಾರಾ ತೆಂಡೂಲ್ಕರ್ ಸೆರೆ ಹಿಡಿದಿದ್ದಾರೆ.
ಕ್ಯಾಮರಾವುಮನ್ ಸಾರಾ ತೆಂಡೂಲ್ಕರ್ ನನ್ನ ಜೀವನದಲ್ಲಿ ಖುಷಿ ಅನುಭವಿಸುತ್ತಿರವ ಕ್ಷಣವನ್ನು ಸೆರೆ ಹಿಡಿದಿದ್ದಾಳೆ. ಈ ಮಳೆ ಹನಿಗಳು ನನಗೆ ನನ್ನ ಬಾಲ್ಯದ ನೆನಪುಗಳನ್ನು ಮರುಕಳಿಸುವಂತೆ ಮಾಡಿವೆ ಎಂದು ಸಚಿನ್ ಬರೆದುಕೊಂಡು ವಿಡಿಯೋ ಪೋಸ್ಟ್ ಮಾಡಿದ್ದಾರೆ.
ಈ ವಿಡಿಯೋ ಸುಮಾರು 26 ಲಕ್ಷಕ್ಕೂ ಹೆಚ್ಚು ಬಾರಿ ವೀಕ್ಷಣೆಯಾಗಿದೆ. ಮಾಜಿ ಕ್ರಿಕೆಟಿಗರಾದ ಹರ್ಭಜನ್ ಸಿಂಗ್ ಹಾಗೂ ದಿಲೀಪ್ ಸಿಂಗ್ ವಿಡಿಯೋಗೆ ಕಾಮೆಂಟ್ ಮಾಡಿದ್ದು, ಬಾಲ್ಯದ ನೆನಪುಗಳನ್ನು ಮರೆಯಬಾರದು, ನಮ್ಮ ಜೊತೆಯಲ್ಲೆ ಕೊಂಡೊಯ್ಯಬೇಕು ಎಂದಿದ್ದಾರೆ.
