ಲಾಹೋರ್ : ಪಾಕಿಸ್ತಾನದ ನಾಯಕ ಬಾಬರ್ ಅಜಮ್ ಅವರ ತಾಳ್ಮೆಯ ಸ್ವಭಾವವೇ ವಿರಾಟ್ ಕೊಹ್ಲಿ ಅವರನ್ನು ಮೀರಿಸುವಂತೆ ಮಾಡುತ್ತಿದೆ ಎಂದು ಪಾಕಿಸ್ತಾನದ ಮಾಜಿ ಕ್ರಿಕೆಟಿಗ ಸಕ್ಲೇನ್ ಮುಷ್ತಾಕ್ ಹೇಳಿದ್ದಾರೆ.
ಕೊರೊನಾ ಲಾಕ್ಡೌನ್ನಿಂದ ಕಳೆದೆರಡು ಮೂರು ವಾರಗಳಿಂದ ವಿಶ್ವಶ್ರೇಷ್ಠ ಬ್ಯಾಟ್ಸ್ಮನ್ ವಿರಾಟ್ ಕೊಹ್ಲಿ ಜೊತೆ ಪಾಕ್ ಯುವ ಬ್ಯಾಟ್ಸ್ಮನ್ ಬಾಬರ್ ಅಜಮ್ ಜೊತೆ ಹೋಲಿಕೆ ಮಾಡುತ್ತಿದ್ದಾರೆ. ಇದೀಗ ಮಾಜಿ ಪಾಕಿಸ್ತಾನ ಆಟಗಾರ ಸಕ್ಲೇನ್ ಮುಷ್ತಾಕ್ ಕೂಡ ಇಬ್ಬರು ಪ್ರತಿಭಾವಂತ ಆಟಗಾರರ ಹೋಲಿಕೆ ಮಾಡಿದ್ದಲ್ಲದೆ ಅದಕ್ಕೆ ಕಾರಣವನ್ನು ನೀಡಿದ್ದಾರೆ.
ವಿರಾಟ್ ಕೊಹ್ಲಿ ಅವರ ಆಕ್ರಮಣಶೀಲತೆಯನ್ನು ಮೆಚ್ಚಿಕೊಂಡಿರುವ ಸಕ್ಲೇನ್, ಬಾಬರ್ ಅಜಮ್ರ ವಿನಮ್ರತಾ ಭಾವನೆ ಕೊಹ್ಲಿಯನ್ನು ಮೀರಿಸುವಂತೆ ಮಾಡಿದೆ ಎಂದು ಬಹಿರಂಗ ಪಡಿಸಿದ್ದಾರೆ. ಆದರೂ ಈ ಇಬ್ಬರು ಪ್ರತಿಭಾವಂತ ಬ್ಯಾಟ್ಸ್ಮನ್ಗಳ ಹೋಲಿಕೆಯನ್ನು ಮಾಡುವುದು ಸರಿಯಲ್ಲ ಎಂದಿರುವ ಅವರು, ವಿಶ್ವ ಕ್ರಿಕೆಟ್ನಲ್ಲಿ ಬಾಬರ್, ಕೊಹ್ಲಿಗಿಂತ ಹೆಚ್ಚಿನ ಅನುಭವವಿದೆ. ಇವರಿಬ್ಬರ ಅನುಭವವನ್ನು ಪರಿಗಣಿಸಿದರೆ ವಿಶ್ವವೇದಿಕೆಯಲ್ಲಿ ಹೋಲಿಕೆ ಮಾಡುವುದು ಅನ್ಯಾಯವಾಗಲಿದೆ ಎಂದು ಸಕ್ಲೇನ್ ಹೇಳಿದ್ದಾರೆ.
'ಇಬ್ಬರೂ ಶ್ರೇಷ್ಠ ಆಟಗಾರರು. ಜೊತೆಗೆ ಇಬ್ಬರಲ್ಲೂ ವಿಶೇಷ ಕೌಶಲಗಳಿವೆ. ಇಬ್ಬರ ಮಾನಸಿಕ ಸ್ಥಿತಿ ಬಲಿಷ್ಠವಾಗಿದೆ. ಇಬ್ಬರಲ್ಲೂ ಹಸಿವಿದೆ, ಹೆಚ್ಚು ರನ್ ಗಳಿಸುವ ಹಂಬಲವಿದೆ" ಎಂದು ಪಾಕಿಸ್ತಾನದ ಮುಂಚೂಣಿ ಮಾಧ್ಯಮಕ್ಕೆ ನೀಡಿದ ಸಂದರ್ಶನದಲ್ಲಿ ಸಕ್ಲೇನ್ ಹೇಳಿಕೊಂಡಿದ್ದಾರೆ.
'ಕೊಹ್ಲಿ ಹೆಚ್ಚು ಆಕ್ರಮಣಕಾರಿ ಆಟಗಾರ. ಆದರೆ, ಬಾಬರ್ ವಿನಮ್ರತೆಯುಳ್ಳ ಆಟಗಾರ. ಕ್ರೀಡಾ ವಿಜ್ಞಾನದಿಂದ ನಾವು ನೋಡಿದ್ರೆ ಬಾಬರ್‌ನ ತಾಳ್ಮೆಯ ಮನೋಭಾವ ಕೊಹ್ಲಿಯನ್ನು ಮೀರಿಸುವಂತೆ ಮಾಡಿದೆ. ಆದರೆ, ಬಾಬರ್ ಅವರನ್ನು ಕೊಹ್ಲಿಗೆ ಹೋಲಿಸುವುದು ನ್ಯಾಯಯುತವಲ್ಲ. ಯಾಕೆಂದರೆ, ಕೊಹ್ಲಿ ದೀರ್ಘಕಾಲದಿಂದ, ವಿಶ್ವದಾದ್ಯಂತ ಆಡಿದ ಅನುಭವ ಹೊಂದಿದ್ದಾರೆ' ಎಂದು ಉಲ್ಲೇಖಿಸಿದ್ದಾರೆ.
ಸಕ್ಲೇನ್ ಮುಷ್ತಾಕ್ ಪಾಕಿಸ್ತಾನ ತಂಡದ ಪರ 49 ಟೆಸ್ಟ್ ಹಾಗೂ 169 ಏಕದಿನ ಪಂದ್ಯಗಳನ್ನಾಡಿದ್ದಾರೆ. ಟೆಸ್ಟ್ನಲ್ಲಿ 208 ಹಾಗೂ ಏಕದಿನ ಕ್ರಿಕೆಟ್ನಲ್ಲಿ 288 ವಿಕೆಟ್ ಪಡೆದಿದ್ದಾರೆ.
