ಅಕ್ಸರ್‌‌, ಅಶ್ವಿನ್‌ ದಾಳಿಗೆ ಇಂಗ್ಲೆಂಡ್​ 205ಕ್ಕೆ ಆಲೌಟ್; ಮೊದಲ ಓವರ್‌ನಲ್ಲೇ‌ ವಿಕೆಟ್‌ ಕಳೆದುಕೊಂಡ ಭಾರತ

ಅದ್ಭುತ ಬೌಲಿಂಗ್​ ದಾಳಿ ಮುಂದುವರಿಸಿದ ಅಕ್ಸರ್ ಪಟೇಲ್ 68ಕ್ಕೆ 4, ರವಿಚಂದ್ರನ್ ಅಶ್ವಿನ್ 47ಕ್ಕೆ 3, ಮೊಹಮ್ಮದ್ ಸಿರಾಜ್​ 45ಕ್ಕೆ 2 ಮತ್ತು ಸುಂದರ್​ 14ಕ್ಕೆ 1 ವಿಕೆಟ್​ ಪಡೆದರು.

ಅಹ್ಮದಾಬಾದ್​: ಅಕ್ಸರ್ ಪಟೇಲ್​ ದಾಳಿಗೆ ಸಿಲುಕಿದ ಇಂಗ್ಲೆಂಡ್ ತಂಡ ನಾಲ್ಕನೇ ಹಾಗೂ ಅಂತಿಮ ಟೆಸ್ಟ್​ನ ಮೊದಲ ಇನ್ನಿಂಗ್ಸ್​ನಲ್ಲಿ ಕೇವಲ 205 ರನ್​ಗಳಿಗೆ ಆಲೌಟ್​ ಆಗಿದೆ. ಇನ್ನು ಮೊದಲ ಇನ್ನಿಂಗ್ಸ್ ಆರಂಭಿಸಿರುವ ಭಾರತ ತಂಡ ಖಾತೆ ತೆರೆಯುವ ಮುನ್ನವೇ ಶುಬ್ಮನ್ ಗಿಲ್​ ವಿಕೆಟ್​ ಪಡೆದುಕೊಂಡಿದೆ.

• England are all out for 205!
  
  Axar Patel is the pick of the bowlers with returns of 4/68.#INDvENG | https://t.co/6OuUwURcgX pic.twitter.com/UHk8tQCIp9

  — ICC (@ICC) March 4, 2021 " class="align-text-top noRightClick twitterSection" data="

  England are all out for 205!
  
  Axar Patel is the pick of the bowlers with returns of 4/68.#INDvENG | https://t.co/6OuUwURcgX pic.twitter.com/UHk8tQCIp9

  — ICC (@ICC) March 4, 2021

  ">

  England are all out for 205!
  
  Axar Patel is the pick of the bowlers with returns of 4/68.#INDvENG | https://t.co/6OuUwURcgX pic.twitter.com/UHk8tQCIp9

  — ICC (@ICC) March 4, 2021

ನರೇಂದ್ರ ಮೋದಿ ಸ್ಟೇಡಿಯಂನಲ್ಲಿ ನಡೆಯುತ್ತಿರುವ ಪಂದ್ಯದಲ್ಲಿ ಟಾಸ್​ ಗೆದ್ದ ಇಂಗ್ಲೆಂಡ್ ತಂಡ ಬ್ಯಾಟಿಂಗ್ ಆಯ್ಕೆ ಮಾಡಿಕೊಂಡಿತು. ಆದರೆ ಈ ಪಂದ್ಯದಲ್ಲೂ ಇಂಗ್ಲೆಂಡ್​ನ ಆರಂಭಿಕರು ಉತ್ತಮ ಆರಂಭ ಒದಗಿಸಿಕೊಡುವಲ್ಲಿ ವಿಫಲರಾದರು. ಡೊಮಿನಿಕ್ ಬೆಸ್​ (2)​ ಮತ್ತು ಜಾಕ್ ಕ್ರಾಲೆ(9) ಅಕ್ಷರ್ ಪಟೇಲ್​ಗೆ ವಿಕೆಟ್​ ಒಪ್ಪಿಸಿದರು.

ನಂತರ ಬಂದ ಜಾನಿ ಬೈರ್ಸ್ಟೋವ್​ 28 ರನ್​ ಮತ್ತು ರೂಟ್​ 5 ರನ್​ಗಳಿಸಿ ವೇಗಿ ಸಿರಾಜ್​ಗೆ ವಿಕೆಟ್​ ಒಪ್ಪಿಸಿದರು. ಈ ಹಂತದಲ್ಲಿ ಒಂದಾದ ಆಲ್​ರೌಂಡರ್​ ಬೆನ್​ ಸ್ಟೋಕ್ಸ್​ ಮತ್ತು ಒಲಿ ಪೋಪ್ 5ನೇ ವಿಕೆಟ್​ ಜೊತೆಯಾಟದಲ್ಲಿ 43 ರನ್​​ಗಳಿಸಿದರು.

121 ಎಸೆತಗಳಲ್ಲಿ 2 ಸಿಕ್ಸರ್​ ಮತ್ತು 6 ಬೌಂಡರಿ ಸಹಿತ 55 ರನ್​ಗಳಿಸಿದ್ದ ಬೆನ್​ ಸ್ಟೋಕ್ಸ್​ ಯುವ ಆಲ್​ರೌಂಡರ್​ ವಾಷಿಂಗ್ಟನ್​ ಸುಂದರ್​ ಓವರ್​ನಲ್ಲಿ ಎಲ್​ಬಿ ಬಲೆಗೆ ಬಿದ್ದರು. ನಿಧಾನಗತಿ ಆಟಕ್ಕೆ ಮೊರೆ ಹೋದ ಪೋಪ್​ 87 ಎಸೆತಗಳಲ್ಲಿ 2 ಬೌಂಡರಿ ಸಹಿತ 29 ರನ್​ಗಳಿಸಿದ್ದಲ್ಲದೆ, ಲಾರೆನ್ಸ್​ ಜೊತೆಗೆ 45 ರನ್​ಗಳ ಜೊತೆಯಾಟ ನೀಡಿ ತಂಡವನ್ನು 150ರ ಗಡಿ ದಾಟಿಸಿ ಅಶ್ವಿನ್​ಗೆ ಮೊದಲ ಬಲಿಯಾದರು.

ಇವರ ವಿಕೆಟ್ ಬೀಳುತ್ತಿದ್ದಂತೆ ಇಂಗ್ಲೆಂಡ್ ತಂಡ ಸತತ 3 ವಿಕೆಟ್​ ಕಳೆದುಕೊಂಡಿತು. 74 ಎಸೆತಗಳಲ್ಲಿ 46 ರನ್​ಗಳಿಸಿದ್ದ ಲಾರೆನ್ಸ್​, 1 ರನ್​ಗಳಿಸಿದ್ದ ಫೋಕ್ಸ್​ ಹಾಗೂ 6 ರನ್​ಗಳಿಸಿದ್ದ ಡೊಮಿನಿಕ್ ಬೆಸ್​ ಬಂದಷ್ಟೇ ವೇಗವಾಗಿ ಪೆವಿಲಿಯನ್ ಸೇರಿಕೊಂಡರು.

ಆದರೆ ಕೊನೆಯ ವಿಕೆಟ್​ಗೆ ಅನುಭವಿ ವೇಗಿ ಜೇಮ್ಸ್​ ಆ್ಯಂಡರ್ಸನ್(10) ಹಾಗೂ ಜಾಕ್ ಲೀಚ್​ (7) 16 ರನ್​ಗಳ ಜೊತೆಯಾಟ ನಡೆಸಿ ತಂಡದ ಮೊತ್ತವನ್ನು 200ರ ಗಡಿದಾಟಿಸಿದರು.

ಇತ್ತೀಚಿನ ವರದಿಯಂತೆ ಮೊದಲ ಓವರ್‌ನಲ್ಲೇ ಶುಬಮನ್‌ ಗಿಲ್‌ ವಿಕೆಟ್‌ ಕಳೆದುಕೊಂಡಿದ್ದು, ಕ್ರೀಸ್‌ನಲ್ಲಿ ರೋಹಿತ್‌ ಶರ್ಮಾ ಹಾಗು ಚೇತೇಶ್ವರ್ ಪೂಜಾರ ಬ್ಯಾಟಿಂಗ್ ಮಾಡುತ್ತಿದ್ದಾರೆ.

ಭಾರತದ ತಮ್ಮ ಅದ್ಭುತ ಬೌಲಿಂಗ್​ ದಾಳಿಯನ್ನು ಮುಂದುವರಿಸಿದ ಅಕ್ಷರ್ ಪಟೇಲ್ 68ಕ್ಕೆ 4, ರವಿಚಂದ್ರನ್ ಅಶ್ವಿನ್ 47ಕ್ಕೆ 3, ಮೊಹಮ್ಮದ್ ಸಿರಾಜ್​ 45ಕ್ಕೆ 2 ಮತ್ತು ಸುಂದರ್​ 14ಕ್ಕೆ 1 ವಿಕೆಟ್​ ಪಡೆದರು ಮಿಂಚಿದರು.