ಮೋಡಿ ಮಾಡಿದ ಸ್ಪಿನ್ನರ್ಸ್: ಭಾರತಕ್ಕೆ 263 ರನ್​ಗಳ ಸಾಧಾರಣ ಗುರಿ ನೀಡಿದ ಲಂಕಾ

ಕೊನೆಯ ಓವರ್​ಗಳಲ್ಲಿ ಚಮೀರ (13) ಮತ್ತು ಚಮಿಕಾ ಕರುಣರತ್ನೆ (43) ಅಬ್ಬರದ ಬ್ಯಾಟಿಂಗ್ ಪ್ರದರ್ಶನ ತೋರಿ ಕೇವಲ 19 ಎಸೆತಗಳಲ್ಲಿ 40 ರನ್​ಗಳ ಕಾಣಿಕೆ ನೀಡಿದರು. ಕರುಣ ರತ್ನೆ 35 ಎಸೆತಗಳಲ್ಲಿ 2 ಸಿಕ್ಸರ್ ಮತ್ತು 1 ಬೌಂಡರಿ ಸಹಿತ ಅಜೇಯ 43 ರನ್​ಗಳಿಸಿ 262 ರನ್​ಗಳ ಸ್ಪರ್ಧಾತ್ಮಕ ಮೊತ್ತಕ್ಕೆ ಕಾರಣರಾದರು.

ಕೊಲಂಬೊ: ಕೃನಾಲ್ ಪಾಂಡ್ಯ, ಕುಲದೀಪ್ ಯಾದವ್​ ಮತ್ತು ಯುಜುವೇಂದ್ರ ಚಹಾಲ್ ಅವರ ಬೌಲಿಂಗ್ ನೆರವಿನಿಂದ ಪ್ರವಾಸಿ ಭಾರತ ತಂಡ ಶ್ರೀಲಂಕಾವನ್ನು 262 ರನ್​ಗಳಿಗೆ ನಿಯಂತ್ರಿಸಿದೆ. ಅಲ್ಪಮೊತ್ತಕ್ಕೆ ಕುಸಿಯುವ ಭೀತಿಯಲ್ಲಿದ್ದ ಲಂಕಾ ತಂಡಕ್ಕೆ ಕರುಣರತ್ನೆ 43 ರನ್​ಗಳಿಸಿ ಸ್ಪರ್ಧಾತ್ಮಕ ಮೊತ್ತ ದಾಖಲಿಸಲು ನೆರವಾದರು.

ಟಾಸ್​ ಗೆದ್ದು ಬ್ಯಾಟಿಂಗ್ ಆರಂಭಿಸಿದ ಆತಿಥೇಯ ತಂಡ ಮೊದಲ ವಿಕೆಟ್​ಗೆ 49 ರನ್​ ಸೇರಿಸುವ ಮೂಲಕ ಉತ್ತಮ ಆರಂಭ ಪಡೆಯಿತು. ಈ ಹಂತದಲ್ಲಿ ಕಣಕ್ಕಿಳಿದ ಚಹಲ್ 35 ಎಸೆತಗಳಲ್ಲಿ 32 ರನ್​ಗಳಿಸಿದ್ದ ಆವಿಷ್ಕಾ ಫರ್ನಾಂಡೊ ವಿಕೆಟ್​ ಪಡೆದು ಭಾರತಕ್ಕೆ ಬ್ರೇಕ್ ನೀಡಿದರು.

3ನೇ ಕ್ರಮಾಂಕದಲ್ಲಿ ಬಂದ ಪದಾರ್ಪಣೆ ಆಟಗಾರ ಭನುಕ ರಾಜಪಕ್ಷ ಹೊಡೆಬಡಿ ಆಟಕ್ಕೆ ಮುಂದಾಗಿ ಕುಲ್ದೀಪ್ ಬೌಲಿಂಗ್​ನಲ್ಲಿ ಧವನ್ ಹಿಡಿದ ಅದ್ಭುತ ಕ್ಯಾಚ್​ಗೆ ಬಲಿಯಾದರು. ಇವರ ಬೆನ್ನಲ್ಲೇ ಮತ್ತೊಬ್ಬ ಆರಂಭಿಕ ಬ್ಯಾಟ್ಸ್​ಮನ್ ಮಿನೋದ್ ಭನುಕ ಕೂಡ ಕುಲ್ದೀಪ್​ಗೆ 2ನೇ ಬಲಿಯಾದರು.

• A late innings flourish from the batters allow Sri Lanka to post 262/9 on the board 🙌
  
  Will the visitors chase this total down? #SLvIND | https://t.co/trHbMrCpo8 pic.twitter.com/Xbed5Cco98

  — ICC (@ICC) July 18, 2021 " class="align-text-top noRightClick twitterSection" data="

  A late innings flourish from the batters allow Sri Lanka to post 262/9 on the board 🙌
  
  Will the visitors chase this total down? #SLvIND | https://t.co/trHbMrCpo8 pic.twitter.com/Xbed5Cco98

  — ICC (@ICC) July 18, 2021

  ">

  A late innings flourish from the batters allow Sri Lanka to post 262/9 on the board 🙌
  
  Will the visitors chase this total down? #SLvIND | https://t.co/trHbMrCpo8 pic.twitter.com/Xbed5Cco98

  — ICC (@ICC) July 18, 2021

4ನೇ ಕ್ರಮಾಂಕದಲ್ಲಿ ಕ್ರೀಸ್​ಗೆ ಆಗಮಿಸಿದ ಧನಂಜಯ ಡಿ ಸಿಲ್ವಾ 27 ಎಸೆತಗಳಲ್ಲಿ 14 ರನ್​ಗಳಿಸಿ ಬಂದಷ್ಟೇ ವೇಗವಾಗಿ ಪೆವಿಲಿಯನ್ ಸೇರಿಕೊಂಡರು.

ನಾಯಕ ಶನಕ ಮತ್ತು ಚರಿತ್​ ಅಸಲಂಕಾ 5ನೇ ವಿಕೆಟ್ ಜೊತೆಯಾಟದಲ್ಲಿ 49 ರನ್​ ಸೇರಿಸಿ ಚೇತರಿಕೆ ನೀಡಿದರು. ದೀಪಕ್​ ಚಹಾರ್ 38 ರನ್​ಗಳಿಸಿದ್ದ ಅಸಲಂಕಾ ವಿಕೆಟ್ ಪಡೆಯುವ ಮೂಲಕ ಅಪಾಯಕಾರಿಯಾಗುತ್ತಿದ್ದ ಜೋಡಿಯನ್ನು ಬೇರ್ಪಡಿಸಿದರು.

ಈ ವಿಕೆಟ್ ಬೇರ್ಪಡುತ್ತಿದ್ದಂತೆ ಲಂಕಾ 2ನೇ ಬಾರಿಗೆ ದಿಢೀರ್ ಕುಸಿತ ಕಂಡಿತು. ಆಲ್​ರೌಂಡರ್​ ಹಸರಂಗ(8), ನಾಯಕ ಶನಾಕ (39) ಮತ್ತು ಉದಾನ 8 ರನ್​ಗಳಿಸಿ ಔಟಾದರು.

ಆದರೆ ಕೊನೆಯ 2 ಓವರ್​ನಲ್ಲಿ ಚಮೀರ(13) ಮತ್ತು ಚಮಿಕಾ ಕರುಣರತ್ನೆ(43) ಅಬ್ಬರದ ಬ್ಯಾಟಿಂಗ್ ಪ್ರದರ್ಶನ ತೋರಿ ಕೇವಲ 19 ಎಸೆತಗಳಲ್ಲಿ 40 ರನ್​ಗಳ ಕಾಣಿಕೆ ನೀಡಿದರು. ಕರುಣ ರತ್ನೆ 35 ಎಸೆತಗಳಲ್ಲಿ 2 ಸಿಕ್ಸರ್ ಮತ್ತು 1 ಬೌಂಡರಿ ಸಹಿತ ಅಜೇಯ 43 ರನ್​ಗಳಿಸಿ 262 ರನ್​ಗಳ ಸ್ಪರ್ಧಾತ್ಮಕ ಮೊತ್ತಕ್ಕೆ ಕಾರಣರಾದರು.

ಭಾರತದ ಪರ ದೀಪಕ್ ಚಹಾರ್ 37ಕ್ಕೆ 2, ಕುಲದೀಪ್ ಯಾದವ್​ 48ಕ್ಕೆ 2, ಯುಜ್ವೇಂದ್ರ ಚಹಲ್ 52ಕ್ಕೆ 2, ಕೃನಾಲ್ ಪಾಂಡ್ಯ 26ಕ್ಕೆ1 ಮತ್ತು ಹಾರ್ದಿಕ್ ಪಾಂಡ್ಯ 33ಕ್ಕೆ 1 ವಿಕೆಟ್​ ಪಡೆದು ಮಿಂಚಿದರು.

ಇದನ್ನೂ ಓದಿ: ಜನ್ಮದಿನದಂದೇ ಏಕದಿನ ಕ್ರಿಕೆಟ್​ಗೆ ಇಶಾನ್ ಕಿಶನ್ ಪದಾರ್ಪಣೆ