ಕೊಲಂಬೊ: ಆತಿಥೇಯ ಲಂಕಾ ವಿರುದ್ಧದ ಕ್ರಿಕೆಟ್ ಸರಣಿಯಲ್ಲಿ ಭಾಗಿಯಾಗಲು ಸಜ್ಜಾಗಿರುವ ಯಂಗ್ ಇಂಡಿಯಾ ಇಂದಿನಿಂದ ಅಭ್ಯಾಸದಲ್ಲಿ ಭಾಗಿಯಾಗಿದೆ. ಮುಂಬೈನಲ್ಲಿ 14 ದಿನಗಳ ಕಡ್ಡಾಯ ಕ್ವಾರಂಟೈನ್ ಮುಗಿಸಿ ಕೊಲಂಬೊಗೆ ಆಗಮಿಸಿದ್ದ ಶಿಖರ್ ಧವನ್ ಪಡೆ 3 ದಿನಗಳ ಕ್ವಾರಂಟೈನ್ನಲ್ಲಿತ್ತು. ಇದೀಗ ಯಶಸ್ವಿಯಾಗಿ ಕ್ವಾರಂಟೈನ್ ಮುಗಿಸಿರುವ ತಂಡ ಇದೀಗ ಅಭ್ಯಾಸದಲ್ಲಿ ಭಾಗಿಯಾಗಿದೆ.
ಎಲ್ಲ ಪ್ಲೇಯರ್ಸ್ ಅಭ್ಯಾಸದಲ್ಲಿ ಭಾಗಿಯಾಗಿರುವ ಕೆಲವೊಂದು ಫೋಟೋಗಳನ್ನ ಭಾರತೀಯ ಕ್ರಿಕೆಟ್ ಮಂಡಳಿ ಟ್ವೀಟ್ ಮಾಡಿದ್ದು, ಟೀಂ ಇಂಡಿಯಾ ತರಬೇತಿ ಶುರುಗೊಂಡಿದೆ ಎಂದು ಹೇಳಿದೆ. ಶಿಖರ್ ಧವನ್ ನಾಯಕತ್ವ ಹಾಗೂ ದ್ರಾವಿಡ್ ಕೋಚ್ ಆಗಿರುವ ಈ ತಂಡದಲ್ಲಿ ಬಹುತೇಕರು ಯಂಗ್ ಪ್ಲೇಯರ್ಸ್ ಇದ್ದಾರೆ. ಬರುವ ದಿನಗಳಲ್ಲಿ ಟೀಂ ಇಂಡಿಯಾದಲ್ಲಿ ಖಾಯಂ ಸ್ಥಾನ ಪಡೆದುಕೊಳ್ಳುವ ಉದ್ದೇಶದಿಂದ ಎಲ್ಲರೂ ಉತ್ತಮ ಪ್ರದರ್ಶನ ನೀಡುವ ಸಾಧ್ಯತೆ ಇದೆ.
ಇದನ್ನೂ ಓದಿರಿ: ಲಂಕಾದಲ್ಲಿ ಕ್ವಾರಂಟೈನ್ ಮುಗಿಸಿದ ಧವನ್ ಪಡೆ: ಸ್ವಿಮ್ಮಿಂಗ್ ಪೂಲ್ನಲ್ಲಿ ಫುಲ್ ಜಾಲಿ
ಜುಲೈ 13ರಿಂದ ಟೂರ್ನಿ ಆರಂಭಗೊಳ್ಳಲಿದ್ದು, ಆರಂಭದಲ್ಲಿ ಮೂರು ಏಕದಿನ ಪಂದ್ಯ ನಡೆಯಲಿದ್ದು, ತದನಂತರ ಮೂರು ಟಿ-20 ಪಂದ್ಯಗಳ ಸರಣಿ ಆಯೋಜನೆಗೊಂಡಿದೆ. ತಂಡದಲ್ಲಿ ಯಜುವೇಂದ್ರ ಚಹಾಲ್, ಕೃನಾಲ್ ಪಾಂಡ್ಯಾ ಹಾರ್ದಿಕ್ ಪಾಂಡ್ಯಾ, ನಿತೀಶ್ ರಾಣಾ, ಇಶನ್ ಕಿಶನ್, ದೇವದತ್ ಪಡಿಕ್ಕಲ್, ಮನೀಷ್ ಪಾಂಡೆ ಸೇರಿದಂತೆ ಎಲ್ಲರೂ ಬಹುತೇಕ ಯುವಕರಿದ್ದಾರೆ.
ಶ್ರೀಲಂಕಾ ವಿರುದ್ಧದ ಸರಣಿಗೋಸ್ಕರ ಆಯ್ಕೆಯಾಗಿರುವ ತಂಡದಲ್ಲಿ ಶಿಖರ್ ಧವನ್, ಮನೀಷ್ ಪಾಂಡೆ, ಹಾರ್ದಿಕ್ ಪಾಂಡ್ಯಾ,ಯಜುವೇಂದ್ರ ಚಹಲ್,ಕೃನಾಲ್ ಪಾಂಡ್ಯಾ, ಭುವನೇಶ್ವರ್ ಕುಮಾರ್ ಮಾತ್ರ ಅನುಭವ ಹೊಂದಿದ್ದು, ಉಳಿದಂತೆ ಬಹುತೇಕ ಪ್ಲೇಯರ್ಸ್ ಮೊದಲ ಅಂತಾರಾಷ್ಟ್ರೀಯ ಪಂದ್ಯವನ್ನಾಡಲು ಸನ್ನದ್ಧಗೊಳ್ಳುತ್ತಿದ್ದಾರೆ.
ತಂಡದಲ್ಲಿ ಯಾರೆಲ್ಲ ಇದ್ದಾರೆ ನೋಡಿ
ಶಿಖರ್ ಧವನ್(ಕ್ಯಾಪ್ಟನ್), ಭುವನೇಶ್ವರ್ ಕುಮಾರ್(ಉಪ ನಾಯಕ), ಪೃಥ್ವಿ ಶಾ, ದೇವದತ್ ಪಡಿಕ್ಕಲ್, ಋತುರಾಜ್ ಗಾಯಕ್‌ವಾಡ್, ಸೂರ್ಯಕುಮಾರ್, ಮನೀಷ್ ಪಾಂಡೆ, ಹಾರ್ದಿಕ್ ಪಾಂಡ್ಯಾ, ಕೃನಾಲ್ ಪಾಂಡ್ಯಾ, ನಿತೀಶ್ ರಾಣಾ, ಇಶನ್ ಕಿಶನ್(ವಿ.ಕೀ), ಸಂಜು ಸ್ಯಾಮ್ಸನ್( ವಿ.ಕೀ), ಯಜುವೇಂದ್ರ ಚಹಲ್, ಆರ್.ಚಹರ್, ಕೆ.ಗೌತಮ್, ಕುಲ್ದೀಪ್ ಯಾದವ್, ವರುಣ್ ಚಕ್ರವರ್ತಿ, ದೀಪಕ್ ಚಹರ್, ನವದೀಪ್ ಸೈನಿ ಹಾಗೂ ಚೇತನ್ ಸಕಾರಿಯಾ
