ಮುಂಬೈ (ಮಹಾರಾಷ್ಟ್ರ): ಭಾರತ ಕ್ರಿಕೆಟ್ ನಿಯಂತ್ರಣ ಮಂಡಳಿ (ಬಿಸಿಸಿಐ) ಗುರುವಾರ 2022-23ರ ಸೀಸನ್ಗಾಗಿ ಟೀಮ್ ಇಂಡಿಯಾದ ವಾರ್ಷಿಕ ಆಟಗಾರರ ಒಪ್ಪಂದಗಳನ್ನು ಪ್ರಕಟಿಸಲಾಗಿದೆ. ಮಹಿಳಾ ಕ್ರಿಕೆಟ್ ತಂಡದ ಒಪ್ಪಂದಗಳನ್ನು ಮೂರು ಗ್ರೇಡ್‌ಗಳಾಗಿ ವಿಂಗಡಿಸಲಾಗಿದೆ. ಪುರುಷರ ತಂಡವನ್ನು ನಾಲ್ಕು ಗ್ರೇಡ್‌ಗಳಾಗಿ ವಿಭಜಿಸಲಾಗಿದೆ. ಮಹಿಳಾ ಕ್ರಿಕೆಟ್ ತಂಡದಲ್ಲಿ ಎ-ಪ್ಲಸ್ ಗ್ರೇಡ್ ಅನ್ನು ಇಟ್ಟುಕೊಂಡಿಲ್ಲ. ಈ ಒಪ್ಪಂದದಲ್ಲಿ ಮಹಿಳಾ ಕ್ರಿಕೆಟಿಗರನ್ನು ಎ, ಬಿ ಮತ್ತು ಸಿ ಗ್ರೇಡ್‌ಗಳಾಗಿ ವಿಭಜಿಸಲಾಗಿದೆ.
ಭಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿಯಿಂದ ಒಪ್ಪಂದದ ಪಟ್ಟಿ ಬಿಡುಗಡೆ: "ಭಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿಯು 2022-23ರ ಸೀಸನ್ಗಾಗಿ ಟೀಮ್ ಇಂಡಿಯಾ (ಹಿರಿಯ ಮಹಿಳಾ ಆಟಗಾರರು) ವಾರ್ಷಿಕ ಆಟಗಾರರ ಒಪ್ಪಂದಗಳನ್ನು ಗುರುವಾರ ಪ್ರಕಟಿಸಿದೆ" ಎಂದು ಬಿಸಿಸಿಐ ತಿಳಿಸಿದೆ. ನಾಯಕಿ ಹರ್ಮನ್‌ಪ್ರೀತ್ ಕೌರ್, ಉಪನಾಯಕಿ ಸ್ಮೃತಿ ಮಂಧಾನ ಮತ್ತು ಆಲ್‌ರೌಂಡರ್ ದೀಪ್ತಿ ಶರ್ಮಾ ಅವರು ಮುಂಬರುವ ಸೀಸನ್ನಲ್ಲಿ ಬಿಸಿಸಿಐ ಕೇಂದ್ರ ಒಪ್ಪಂದದ ಪಟ್ಟಿಯಲ್ಲಿ ಅಗ್ರ ಎ-ಗ್ರೇಡ್ ನಲ್ಲಿದ್ದಾರೆ. ಅಂದ್ರೆ ಐಎನ್‌ಆರ್ 50 ಲಕ್ಷ ಮೌಲ್ಯದ ಗ್ರೇಡ್-ಎ ವಿಭಾಗದಲ್ಲಿ ಸ್ಥಾನ ಗಳಿಸಿದ್ದಾರೆ.
ಐದರಿಂದ ಮೂರಕ್ಕೆ ಇಳಿದ ಅಗ್ರ ಆಟಗಾರರು: ಅಗ್ರ ಬ್ರಾಕೆಟ್‌ನಲ್ಲಿರುವ ಆಟಗಾರರನ್ನು ಕಳೆದ ವರ್ಷ ಐದರಿಂದ ಮೂರಕ್ಕೆ ಇಳಿಸಲಾಗಿದೆ. ರಾಜೇಶ್ವರಿ ಗಾಯಕ್ವಾಡ್ ಗ್ರೇಡ್- ಬಿ, 30 ಲಕ್ಷ ರೂಪಾಯಿಗೆ ಇಳಿದಿದ್ದಾರೆ. ಪೂನಮ್ ಯಾದವ್ ಕೇಂದ್ರೀಯ ಒಪ್ಪಂದವನ್ನು ಸಂಪೂರ್ಣವಾಗಿ ಕಳೆದುಕೊಂಡಿದ್ದಾರೆ. ಯುವ ಆಟಗಾರರಾದ ಜೆಮಿಮಾ ರಾಡ್ರಿಗಸ್, ರಿಚಾ ಘೋಷ್ ಮತ್ತು ಶಫಾಲಿ ವರ್ಮಾ ಗ್ರೇಡ್-ಬಿ ನಲ್ಲಿ ಇದ್ದಾರೆ. ಹಿಂದಿನ ಇಬ್ಬರು, ರೇಣುಕಾ ಠಾಕೂರ್ ಜೊತೆಗೆ, ಕಳೆದ ವರ್ಷದಲ್ಲಿ ವಿಶೇಷವಾಗಿ 2022ರ ಮಹಿಳಾ ವಿಶ್ವಕಪ್ ಮತ್ತು 2023 ರ ಟಿ-20 ವಿಶ್ವಕಪ್ನಲ್ಲಿ ತಮ್ಮ ಪ್ರಭಾವಶಾಲಿ ಪ್ರದರ್ಶನಗಳ ನಂತರ, ಗ್ರೇಡ್- ಸಿ ನಿಂದ ಗ್ರೇಡ್- ಬಿ ಗೆ ಜಿಗಿತ ಕಂಡುದ್ದಾರೆ.
ಗ್ರೇಡ್-ಸಿಯಲ್ಲಿವೆ ಹೊಸ ಮುಖಗಳು: ಅನೇಕ ಹೊಸ ಮುಖಗಳಿಗೆ 10 ಲಕ್ಷ ರೂ. ಮೌಲ್ಯದ ಗ್ರೇಡ್- ಸಿ ವರ್ಗದಲ್ಲಿ ಮೊದಲ ಕೇಂದ್ರ ಒಪ್ಪಂದದೊಂದಿಗೆ ಬಹುಮಾನ ನೀಡಲಾಗಿದೆ. ಅದರಲ್ಲಿ ಮೇಘನಾ ಸಿಂಗ್, ದೇವಿಕಾ ವೈದ್ಯ, ಸಬ್ಬಿನೇನಿ ಮೇಘನಾ, ಅಂಜಲಿ ಸರ್ವಾಣಿ, ರಾಧಾ ಯಾದವ್ ಮತ್ತು ಯಾಸ್ತಿಕಾ ಭಾಟಿಯಾ, ಸ್ನೇಹ ರಾಣಾ ಮತ್ತು ಹರ್ಲೀನ್ ಡಿಯೋಲ್ ಅವರು ಗ್ರೇಡ್-ಸಿ ನಲ್ಲಿ ತಮ್ಮ ಸ್ಥಾನವನ್ನು ಉಳಿಸಿಕೊಂಡಿದ್ದಾರೆ. ಪೂಜಾ ವಸ್ತ್ರಾಕರ್ ಅವರು ಗ್ರೇಡ್ ಅನ್ನು ಕಳೆದುಕೊಂಡಿದ್ದಾರೆ.
ಈ ಹಿಂದೆ ಭಾರತೀಯ ಮಹಿಳಾ ಆಟಗಾರರು ಪ್ರದರ್ಶನ ಹೇಗಿತ್ತು?: ಕಳೆದ ವರ್ಷ ಅಂತಾರಾಷ್ಟ್ರೀಯ ಕ್ರಿಕೆಟ್‌ನಲ್ಲಿ ಭಾರತೀಯ ಮಹಿಳೆಯರು ಅಮೋಘ ಪ್ರದರ್ಶನ ಕಂಡಿದ್ದರು. 2022ರ ಮಹಿಳಾ ವಿಶ್ವಕಪ್ನಲ್ಲಿ ಗುಂಪು ಹಂತಗಳನ್ನು ದಾಟಲು ವಿಫಲವಾದ ನಂತರ, ಅವರು ಕಾಮನ್‌ವೆಲ್ತ್ ಕ್ರೀಡಾಕೂಟದಲ್ಲಿ ಕ್ರಿಕೆಟ್‌ನ ಉದ್ಘಾಟನಾ ಆವೃತ್ತಿಯ ಫೈನಲ್‌ಗೆ ಪ್ರವೇಶಿಸುವ ಮೂಲಕ ಮತ್ತೆ ಪುಟಿದು ಎದ್ದಿದ್ದರು. ಆಸ್ಟ್ರೇಲಿಯಾ ವಿರುದ್ಧ ಬೆಳ್ಳಿ ಪದಕವನ್ನು ಪಡೆದರು. ಈ ವರ್ಷದ ಆರಂಭದಲ್ಲಿ ದಕ್ಷಿಣ ಆಫ್ರಿಕಾದಲ್ಲಿ ನಡೆದ ಮಹಿಳಾ ಟಿ-20 ವಿಶ್ವಕಪ್ನಲ್ಲಿ ಅಂತಿಮ ನಾಲ್ಕಕ್ಕೆ ಅರ್ಹತೆ ಪಡೆದಿದ್ದರು.
ವಾರ್ಷಿಕ ಆಟಗಾರರ ಒಪ್ಪಂದದ ಪಟ್ಟಿ:
- ಗ್ರೇಡ್- ಎ: ಹರ್ಮನ್‌ಪ್ರೀತ್ ಕೌರ್, ಸ್ಮೃತಿ ಮಂಧಾನ, ದೀಪ್ತಿ ಶರ್ಮಾ.
- ಗ್ರೇಡ್- ಬಿ: ರೇಣುಕಾ ಠಾಕೂರ್, ಜೆಮಿಮಾ ರಾಡ್ರಿಗಸ್, ಶಫಾಲಿ ವರ್ಮಾ, ರಿಚಾ ಘೋಷ್, ರಾಜೇಶ್ವರಿ ಗಾಯಕ್ವಾಡ್.
- ಗ್ರೇಡ್- ಸಿ: ಮೇಘನಾ ಸಿಂಗ್, ದೇವಿಕಾ ವೈದ್ಯ, ಸಬ್ಬಿನೇನಿ ಮೇಘನಾ, ಅಂಜಲಿ ಸರ್ವಾಣಿ, ಪೂಜಾ ವಸ್ತ್ರಾಕರ್, ಸ್ನೇಹ ರಾಣಾ, ರಾಧಾ ಯಾದವ್, ಹರ್ಲೀನ್ ಡಿಯೋಲ್, ಯಾಸ್ತಿಕಾ ಭಾಟಿಯಾ.
ಇದನ್ನೂ ಓದಿ: ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ಹೊಸ ಇತಿಹಾಸ ಬರೆದ ವಿರಾಟ್ ಕೊಹ್ಲಿ
