ಇಶಾನ್ ವೇಗದ ದ್ವಿಶತಕ, ವಿರಾಟ್​ ದಾಖಲೆಯ ಶತಕ.. ಬಾಂಗ್ಲಾಗೆ 410 ರನ್​ಗಳ ಬೃಹತ್​ ಗುರಿ

ಬಾಂಗ್ಲಾದೇಶ ತಂಡದ ಗೆಲುವಿಗೆ ಟೀಂ ಇಂಡಿಯಾ 410 ರನ್​ಗಳ ಬೃಹತ್​ ಮೊತ್ತದ ಟಾರ್ಗೆಟ್​ ನೀಡಿದೆ.

ಚಿತ್ತಗಾಂಗ್​ (ಬಾಂಗ್ಲಾದೇಶ): ಏಕದಿನ ಸರಣಿಯ ಮೂರನೇ ಪಂದ್ಯದಲ್ಲಿ ಬಾಂಗ್ಲಾದೇಶಕ್ಕೆ ಭಾರತ ಬೃಹತ್​ ಮೊತ್ತದ ಟಾರ್ಗೆಟ್​ ನೀಡಿದೆ. ಇಶಾನ್​ ಕಿಶನ್ ವೇಗದ ದ್ವಿಶತಕ ಮತ್ತು ವಿರಾಟ್​ ಕೊಹ್ಲಿ ​ದಾಖಲೆಯ ಶತಕದಾಟದಿಂದ ಟೀಂ ಇಂಡಿಯಾ ನಿಗದಿತ 50 ಓವರ್​ಗಳಲ್ಲಿ ಎಂಟು ವಿಕೆಟ್​ ನಷ್ಟಕ್ಕೆ 409 ರನ್​​ಗಳನ್ನು ಪೇರಿಸಿದೆ.

ಚಿತ್ತಗಾಂಗ್​ನ ಜಹುರ್ ಅಹ್ಮದ್ ಚೌಧರಿ ಮೈದಾನದಲ್ಲಿ ನಡೆಯುತ್ತಿರುವ ಪಂದ್ಯದಲ್ಲಿ ಟಾಸ್​​ ಗೆದ್ದ ಬಾಂಗ್ಲಾದೇಶ ಮೊದಲ ಬೌಲಿಂಗ್​ ಆಯ್ಕೆ ಮಾಡಿಕೊಂಡಿತ್ತು. ಟಾಸ್​ ಸೋತು ಬ್ಯಾಟಿಂಗ್​ಗೆ ಇಳಿದ ಟೀಂ ಇಂಡಿಯಾ ಆರಂಭಿಕ ಆಘಾತವನ್ನು ಅನುಭವಿಸಿತ್ತು. ತಂಡದ 15 ರನ್​​ ಆಗುಷ್ಟರಲ್ಲಿ ಶಿಖರ್​ ಧವನ್​ (3) ಮೆಹಿದಿ ಹಸನ್ ಮಿರಾಜ್ ಬೌಲಿಂಗ್​ನಲ್ಲಿ ಎಲ್​ಬಿಡಬ್ಲ್ಯೂ ಬಲೆಗೆ ಬಿದ್ದರು.

ಇದನ್ನೂ ಓದಿ: ಏಕದಿನ ಪಂದ್ಯದಲ್ಲಿ ಇಶಾನ್ ಕಿಶನ್ ವಿಶ್ವದಾಖಲೆಯ ದ್ವಿಶತಕ!

190 ಎಸೆತಗಳಲ್ಲಿ 290 ರನ್​ಗಳ ಜೊತೆಯಾಟ: ಮತ್ತೊಬ್ಬ ಆರಂಭಿಕ ಇಶಾನ್​ ಕಿಶನ್ ಜೊತೆಗೂಡಿದ ವಿರಾಟ್​ ಕೊಹ್ಲಿ ಭರ್ಜರಿ ಆಟ ಪ್ರದರ್ಶಿಸಿದರು. ಇಬ್ಬರೂ ಕೂಡ ಅದ್ಭುತ ಹಾಗೂ ಆಕರ್ಷಕ ಆಟವಾಡಿ ಕೇವಲ 190 ಎಸೆತಗಳಲ್ಲಿ ಬೃಹತ್​ 290 ರನ್​ಗಳ ಜೊತೆಯಾಟ ನೀಡಿದರು.

• Innings Break!
  
  Sensational batting display from #TeamIndia 👌 👌
  
  A cracking 210 for @ishankishan51 ⚡️
  
  A fine 113 for @imVkohli 👏
  
  Scorecard 👉 https://t.co/HGnEqtZJsM#BANvIND pic.twitter.com/UhTce3aHu4

  — BCCI (@BCCI) December 10, 2022 " class="align-text-top noRightClick twitterSection" data="

  Innings Break!
  
  Sensational batting display from #TeamIndia 👌 👌
  
  A cracking 210 for @ishankishan51 ⚡️
  
  A fine 113 for @imVkohli 👏
  
  Scorecard 👉 https://t.co/HGnEqtZJsM#BANvIND pic.twitter.com/UhTce3aHu4

  — BCCI (@BCCI) December 10, 2022

  ">

  Innings Break!
  
  Sensational batting display from #TeamIndia 👌 👌
  
  A cracking 210 for @ishankishan51 ⚡️
  
  A fine 113 for @imVkohli 👏
  
  Scorecard 👉 https://t.co/HGnEqtZJsM#BANvIND pic.twitter.com/UhTce3aHu4

  — BCCI (@BCCI) December 10, 2022

ಅದರಲ್ಲೂ, ಇಶಾನ್​ ಕಿಶನ್​ ಸ್ಫೋಟಕ ಬ್ಯಾಟಿಂಗ್​ ಮಾಡಿ, 85 ಎಸೆತಗಳಲ್ಲಿ ತಮ್ಮ ಚೊಚ್ಚಲ ಶತಕ ದಾಖಲಿಸಿದರು. ನಂತರ ಮತ್ತಷ್ಟು ಬಿರುಸಿನ ಆಟವಾಡಿದ ಅವರು ಸಿಕ್ಸರ್​ ಮತ್ತು ಬೌಂಡರಿಗಳೊಂದಿಗೆ ಕೇವಲ 126 ಎಸೆತಗಳಲ್ಲಿ ವೇಗದ ದ್ವಿಶತಕ ದಾಖಲಿಸಿದರು. ಈ ಮೂಲಕ ದ್ವಿಶತಕ ದಾಖಲಿಸಿದ ಭಾರತದ ನಾಲ್ಕನೇ ಆಟಗಾರರ ಎಂಬ ಕೀರ್ತಿಗೆ ಇಶಾನ್​ ಕಿಶನ್​ ಪಾತ್ರರಾದರು.

ಸಿಕ್ಸರ್​ ಮತ್ತು ಬೌಂಡರಿಗಳಿಂದ ಬಂದ 156 ರನ್​: ದ್ವಿಶಕತದ ನಂತರ ಒಂದು ಬೌಂಡರಿ ಮತ್ತು ಸಿಕ್ಸರ್​ ಸಿಡಿಸಿದ ಇಶಾನ್​ ಕಿಶನ್​ ತಸ್ಕಿನ್ ಅಹ್ಮದ್ ಬೌಲಿಂಗ್​ನಲ್ಲಿ ಓಟಾದರು. ಆದರೆ, ಒಟ್ಟಾರೆ 131 ಎಸೆತಗಳಲ್ಲಿ 10 ಸಿಕ್ಸರ್​ಗಳು ಮತ್ತು 24 ಬೌಂಡರಿಗಳ ಸಮೇತ 210 ರನ್​ಗಳನ್ನು ಇಶಾನ್​ ಬಾರಿಸಿದರು. ಇದರಲ್ಲಿ ಸಿಕ್ಸರ್​ ಮತ್ತು ಬೌಂಡರಿಗಳಿಂದಲೇ 156 ರನ್​ಗಳು ಬಂದಿವೆ. ಇಶಾನ್​ 160 ರನ್​ ರೇಟ್​ನಲ್ಲಿ ಡಬಲ್​ ಸೆಂಚುರಿ ದಾಖಲಿಸಿದ್ದು, ಏಕದಿನ ಕ್ರಿಕೆಟ್​ ದಾಖಲಾದ ವೇಗದ ದ್ವಿಶತಕ ಇದಾಗಿದೆ.

ಕಿಂಗ್ ಕೊಹ್ಲಿ ವಿರಾಟ ರೂಪ: ಮತ್ತೊಂದೆಡೆ ವಿರಾಟ್​ ಕೊಹ್ಲಿ ಕೂಡ ಆಕರ್ಷಕ ಬ್ಯಾಟಿಂಗ್​ ಮಾಡಿದರು. 86 ಎಸೆತಗಳಲ್ಲಿ ಶತಕ ಸಿಡಿಸಿ ವಿರಾಟ್​ ಮಿಂಚಿದರು. ಇದು ಏಕದಿನದಲ್ಲಿ ಕೊಹ್ಲಿ ಬಾರಿಸಿದ 44ನೇ ಶತಕವಾಗಿದ್ದು, ಒಟ್ಟಾರೆ 72ನೇ ಶತಕವನ್ನು ರನ್​ ಮಿಷನ್​ ದಾಖಲಿಸಿದರು. ಆದರೆ, ಶತಕದ ನಂತರ ಬೇಗ ಔಟಾದ ವಿರಾಟ್​ 91 ಎಸೆತಗಳಲ್ಲಿ 2 ಸಿಕ್ಸರ್​ ಮತ್ತು 11 ಬೌಂಡರಿಗಳೊಂದಿಗೆ 113 ರನ್​ ಕಲೆ ಹಾಕಿದರು.

ವಿಕೆಟ್​ಗಳ ಪತನ: ಇಶಾನ್​ ಮತ್ತು ಕೊಹ್ಲಿ ಔಟಾದ ಬಳಿಕ ಟೀಂ ಇಂಡಿಯಾದ ಆಟಗಾರರು ಅಷ್ಟೊಂದು ಬ್ಯಾಟ್​ ಬೀಸಲಿಲ್ಲ. ಶ್ರೇಯಸ್​ ಅಯ್ಯರ್​ (3), ನಾಯಕ ಕೆಎಲ್​ ರಾಹುಲ್​ (8) ಬೇಗ ಪೆವಿಲಿಯನ್​ ಸೇರಿದರು. ನಂತರದಲ್ಲಿ ವಾಷಿಂಗ್ಟನ್​ ಸುಂದರ್​ (37) ಮತ್ತು ಅಕ್ಷರ್​ ಪಟೇಲ್​ (20) ಕೊಂಚ ಉತ್ತಮವಾಗಿ ಆಟವಾಡಿದರು. ಶಾರ್ದೂಲ್ ಠಾಕೂರ್ ಕೇವಲ 3 ರನ್​ಗೆ ವಿಕೆಟ್​ ಒಪ್ಪಿಸಿದರು.

ಹೀಗಾಗಿ 40 ಓವರ್​​ಗಳಲ್ಲಿ 3 ವಿಕೆಟ್​ ನಷ್ಟಕ್ಕೆ 339 ರನ್​ ಗಳಿಸಿದ್ದ ಭಾರತ ತಂಡ ನಂತರದ 10 ಓವರ್​ಗಳಲ್ಲಿ ಕೇವಲ 70 ರನ್​ಗಳ ಮಾತ್ರ ಗಳಿಸಲು ಸಾಧ್ಯವಾಯಿತು. ಜೊತೆಗೆ ಕೊನೆಯ 10 ಓವರ್​ಗಳಲ್ಲಿ 5 ವಿಕೆಟ್​ ಕಳೆದುಕೊಂಡು ಅಂತಿಮವಾಗಿ 409 ರನ್​ಗಳನ್ನು ಟೀಂ ಇಂಡಿಯಾ ಪೇರಿಸಿತು. ಬಾಂಗ್ಲಾ ಪರವಾಗಿ ತಸ್ಕಿನ್ ಅಹ್ಮದ್, ಎಬಾಡೋಟ್ ಹೊಸೈನ್ ಮತ್ತು ಶಕೀಬ್ ಅಲ್ ಹಸನ್ ತಲಾ ವಿಕೆಟ್​ ಪಡೆದರೆ, ಮುಸ್ತಫಿಜುರ್ ಹಾಗೂ ಮೆಹಿದಿ ಹಸನ್ ಮಿರಾಜ್ ತಲಾ 1 ವಿಕೆಟ್​ ಪಡೆದರು.

ಇದನ್ನೂ ಓದಿ: ಬಾಂಗ್ಲಾ ವಿರುದ್ಧ ವಿರಾಟ್ ಭರ್ಜರಿ ಸೆಂಚುರಿ: ವಿಶ್ವ ಕ್ರಿಕೆಟ್​ನಲ್ಲಿ ಪಾಂಟಿಂಗ್​ ದಾಖಲೆ ಮುರಿದ ಕಿಂಗ್​ ಕೊಹ್ಲಿ