ಮೆಕಾಯ್(ಆಸ್ಟ್ರೇಲಿಯಾ): ಬ್ಯಾಟಿಂಗ್ ಮತ್ತು ಬೌಲಿಂಗ್ ವಿಭಾಗದಲ್ಲಿ ಭಾರತೀಯ ಮಹಿಳಾ ಕ್ರಿಕೆಟ್ ತಂಡದ ವೈಫಲ್ಯ ಮರುಕಳಿಸಿದೆ. ಮೂರು ಏಕದಿನ ಸರಣಿಯ ಮೊದಲ ಪಂದ್ಯದಲ್ಲಿ ಭಾರತದ ಮಿಥಾಲಿ ರಾಜ್ ತಂಡದೆದುರು ಶಕ್ತಿಶಾಲಿ ಪ್ರದರ್ಶನ ತೋರಿದ ಮೆಗ್ ಲ್ಯಾನಿಂಗ್ ನೇತೃತ್ವದ ಆಸೀಸ್ ಪಡೆ ಅಧಿಕಾರಯುತ ಗೆಲುವು ದಾಖಲಿಸಿತು. ಈ ಮೂಲಕ ಸರಣಿಯಲ್ಲಿ 1-0 ಅಂತರದ ಮುನ್ನಡೆ ಪಡೆಯಿತು.
ಈ ಗೆಲುವಿನ ಮೂಲಕ ಆಸ್ಟ್ರೇಲಿಯಾ ಮಹಿಳಾ ತಂಡದ ಏಕದಿನ 25 ಏಕದಿನ ಪಂದ್ಯಗಳನ್ನು ಗೆದ್ದುಕೊಡು ಹೊಸ ದಾಖಲೆ ಬರೆದಿದೆ.
ಸೋಮವಾರದಿಂದ ಆರಂಭವಾಗಿರುವ ಸರಣಿಯ ಮೊದಲ ಪಂದ್ಯದಲ್ಲಿ ಟಾಸ್ ಸೋತ ಭಾರತವನ್ನು ಆಸೀಸ್ ತಂಡ ಬ್ಯಾಟಿಂಗ್‌ಗೆ ಆಹ್ವಾನಿಸಿತು. ಆಸೀಸ್ ಬೌಲರ್‌ಗಳ ಮಾರಕ ದಾಳಿಗೆ ತತ್ತರಿಸಿದ ಮಿಥಾಲಿ ಪಡೆ 50 ಓವರ್ಗಳಲ್ಲಿ 8 ವಿಕೆಟ್ ನಷ್ಟಕ್ಕೆ 225 ರನ್ ಗಳಿಸಲಷ್ಟೇ ಶಕ್ತವಾಯಿತು.
ಪಂದ್ಯದಲ್ಲಿ ನಾಯಕಿ ಮಿಥಾಲಿ ರಾಜ್ 63 ರನ್ಗಳಿಸಿ ತಮ್ಮ 59ನೇ ಅರ್ಧಶತಕ ಪೂರೈಸಿದರು. ಆದರೆ ಇದಕ್ಕಾಗಿ ಅವರು ಬರೋಬ್ಬರಿ 107 ಎಸೆತಗಳನ್ನೇ ಎದುರಿಸಬೇಕಾಯ್ತು. ಇನ್ನು ಪದಾರ್ಪಣೆ ಆಟಗಾರ್ತಿ ಯಸ್ತಿಕಾ ಭಾಟಿಯಾ 35, ರಿಚಾ ಘೋಶ್ ಅಜೇಯ 32 ರನ್ಗಳಿಸಿ ತಂಡದ ಮೊತ್ತವನ್ನು 200ರ ಗಡಿ ದಾಟಿಸುವಲ್ಲಿ ಯಶ ಕಂಡರು.
ಆಸ್ಟ್ರೇಲಿಯಾ ಪರ ಡಾರ್ಸಿ ಬ್ರೌನ್ 33ಕ್ಕೆ 4 ವಿಕೆಟ್ ಪಡೆದರೆ, ಇನ್ನುಳಿದಂತೆ, ಮೊಲಿನೆಕ್ಸ್ 39ಕ್ಕೆ 2 ಮತ್ತು ಡಾರ್ಲಿಂಗ್ಟನ್ 29ಕ್ಕೆ 2 ವಿಕೆಟ್ ಪಡೆದರು.
ಭಾರತ ತಂಡ ನೀಡಿದ ಸಾಧಾರಣ 226 ರನ್ ಗುರಿ ಪಡೆದ ಆಸ್ಟ್ರೇಲಿಯಾ 41 ಓವರ್ಗಳಲ್ಲಿ ಕೇವಲ ಒಂದು ವಿಕೆಟ್ ಕಳೆದುಕೊಂಡು ಗುರಿ ತಲುಪಿ ವಿಜಯಘೋಷ ಮೊಳಗಿಸಿತು.
ಆರಂಭಿಕ ಬ್ಯಾಟರ್ ರೇಚಲ್ ಹೇನ್ಸ್ 100 ಎಸೆತಗಳಲ್ಲಿ 7 ಬೌಂಡರಿಸಹಿತ ಅಜೇಯ 93, ಮೆಗ್ ಲ್ಯಾನಿಂಗ್ 69 ಎಸೆತಗಳಲ್ಲಿ 7 ಬೌಂಡರಿ ಸಹಿತ ಅಜೇಯ 53 ರನ್ಗಳಿಸಿ ತಂಡವನ್ನು ಗೆಲುವಿನೆಡೆ ಕೊಂಡೊಯ್ದರು. ವಿಕೆಟ್ ಕೀಪರ್ ಅಲಿಸಾ ಹೀಲಿ 77 ಎಸೆತಗಳಲ್ಲಿ 8 ಬೌಂಡರಿ ಮತ್ತು 2 ಸಿಕ್ಸರ್ಗಳ ಸಹಿತ 77 ರನ್ ಕಲೆ ಹಾಕಿದರು.
ಆಸ್ಟ್ರೇಲಿಯಾ ವಿಶೇಷ ದಾಖಲೆ:
ಆಸ್ಟ್ರೇಲಿಯಾ ಈ ಗೆಲುವಿನ ಮೂಲಕ ಏಕದಿನ ಕ್ರಿಕೆಟ್ನಲ್ಲಿ ಸತತ 25ನೇ ಜಯ ಸಾಧಿಸಿತು. 2008 ಮಾರ್ಚ್ನಿಂದ ಆಸೀಸ್ ಮಹಿಳಾ ತಂಡ ಇದುವರೆಗೂ ಸೋಲು ಕಾಣದೇ ಮುನ್ನುಗ್ಗುತ್ತಿದೆ.
ಇದನ್ನೂ ಓದಿ:ಭಾರತ ಆಸ್ಟ್ರೇಲಿಯಾ ಏಕದಿನ ಪಂದ್ಯ: ಕ್ರಿಕೆಟ್ ಜೀವನದಲ್ಲಿ 20 ಸಾವಿರ ರನ್ ಗಳಿಸಿ ದಾಖಲೆ ಬರೆದ ಮಿಥಾಲಿ
