ಸಾತಾಂಪ್ಟನ್: ಭಾರತ ತಂಡದ ಸ್ಪಿನ್ ಬೌಲರ್ ಮತ್ಯು ಆಸ್ಟ್ರೇಲಿಯಾದ ಬ್ಯಾಟ್ಸ್ಮನ್ ಮಾರ್ನಸ್ ಲಾಬುಶೇನ್ ಚೊಚ್ಚಲ ವಿಶ್ವ ಟೆಸ್ಟ್ ಚಾಂಪಿಯನ್ಶಿಪ್ನಲ್ಲಿ ಬೌಲಿಂಗ್ ಮತ್ತು ಬ್ಯಾಟಿಂಗ್ ವಿಭಾಗದಲ್ಲಿ ಪ್ರಾಬಲ್ಯ ಸಾಧಿಸಿದ್ದಾರೆ.
ಕೇನ್ ವಿಲಿಯಮ್ಸನ್ ನೇತೃತ್ವದ ಕಿವೀಶ್ ಪಡೆ ಬುಧವಾರ ಅಂತ್ಯಗೊಂಡ ಚೊಚ್ಚಲ ಟೆಸ್ಟ್ ಚಾಂಪಿಯನ್ ಗೆದ್ದು ಬೀಗಿದೆ. ಎರಡು ವರ್ಷಗಳ ಕಾಲ ನಡೆದ ಟೂರ್ನಿಯಲ್ಲಿ ಕೆಲವು ವೈಯಕ್ತಿಕ ದಾಖಲೆ ಟೆಸ್ಟ್ ಕ್ರಿಕೆಟ್ ಬೆಳೆಸುವ ಐಸಿಸಿ ಯೋಜನೆಗೆ ಬಲ ತುಂಬಿದೆ. ಎರಡು ವರ್ಷಗಳಲ್ಲಿ ಕೆಲವು ವಿಶೇಷ ದಾಖಲೆಗಳಿಗೆ ಪಾತ್ರರಾದ ಕ್ರಿಕೆಟಿಗರ ಸಾಧನೆ ಇಲ್ಲಿದೆ.
ಗರಿಷ್ಠ ವಿಕೆಟ್: ರವಿಚಂದ್ರನ್ ಅಶ್ವಿನ್(71)
ಭಾರತ ತಂಡದ ರವಿಚಂದ್ರನ್ ಅಶ್ವಿನ್ ಟೂರ್ನಿಯಲ್ಲಿ ಗರಿಷ್ಠ ವಿಕೆಟ್ ಪಡೆದ ಬೌಲರ್ ಆಗಿದ್ದಾರೆ. ಅವರು ಬುಧವಾರ WTCಯ ಕೊನೆಯ ದಿನ ಕಿವೀಸ್ನ 2 ವಿಕೆಟ್ ಪಡೆಯುವ ಮೂಲಕ ಆಸ್ಟ್ರೇಲಿಯಾದ ಪ್ಯಾಟ್ ಕಮಿನ್ಸ್ ಅವರನ್ನು(70) ಹಿಂದಿಕ್ಕಿ ಟೂರ್ನಿ ಶ್ರೇಷ್ಠ ಬೌಲರ್ ಎನಿಸಿಕೊಂಡರು.
ಹೆಚ್ಚು 5 ವಿಕೆಟ್ ಗೊಂಚಲು: ಕೈಲ್ ಜೆಮೀಸನ್(5)
ನ್ಯೂಜಿಲ್ಯಾಂಡ್ ಆಲ್ರೌಂಡರ್ ಕೈಲ್ ಜೆಮೀಸ್ನ ಐಸಿಸಿ ವಿಶ್ವಟೆಸ್ಟ್ ಚಾಂಪಿಯನ್ಶಿಪ್ನಲ್ಲಿ ಹೆಚ್ಚು ಬಾರಿ 5 ವಿಕೆಟ್ ಪಡೆದ ದಾಖಲೆಗೆ ಪಾತ್ರರಾಗಿದ್ದಾರೆ. ಚೊಚ್ಚಲ ಟೂರ್ನಿಯ ಫೈನಲ್ ಸೇರಿದಂತೆ ಕಿವೀಸ್ ಸ್ಟಾರ್ ಒಟ್ಟು 8 ಪಂದ್ಯಗಳಲ್ಲಿ 46 ವಿಕೆಟ್ ಪಡೆದಿದ್ದಾರೆ.
ಹೆಚ್ಚು ರನ್, ಶತಕ ಅರ್ಧಶತಕ: ಮಾರ್ನಸ್ ಲಾಬುಶೇನ್ -1675
ಆಸ್ಟ್ರೇಲಿಯಾದ ಉದಯೋನ್ಮುಖ ಬ್ಯಾಟ್ಸ್ಮನ್ ಮಾರ್ನಸ್ ಲಾಬುಶೇನ್ 13(23 ಇನ್ನಿಂಗ್ಸ್) ಪಂದ್ಯಗಳಿಂದ 1675 ರನ್ ಬಾರಿಸಿ ಟೂರ್ನಿಯಲ್ಲಿ ಹೆಚ್ಚು ರನ್ ದಾಖಲಿಸಿದ ಬ್ಯಾಟ್ಸ್ಮನ್ ಎನಿಸಿಕೊಂಡಿದ್ದಾರೆ. ಜೊತೆಗೆ 5, 9 ಅರ್ಧಶತಕ ಗಳಿಸುವ ಮೂಲಕ ಈ ವಿಭಾಗದಲ್ಲಿ ಅಗ್ರಸ್ಥಾನ ಪಡೆದುಕೊಂಡಿದ್ದಾರೆ. ತಂಡದಲ್ಲಿ ಸ್ಮಿತ್ಗೆ ಕನ್ಕಷನ್ ಬದಲೀ ಆಟಗಾರನಾಗಿ ಅವಕಾಶ ಪಡೆದು ಖಾಯಂ ಆಟಗಾರನಾಗಿ ತಮ್ಮನ್ನು ತಾವೂ ಸ್ಥಾಪಿಸಿಕೊಂಡಿದ್ದು ಶ್ಲಾಘನೀಯ.
ಹೆಚ್ಚು ಕ್ಯಾಚ್: ಜೋ ರೂಟ್ 34
ಇಂಗ್ಲೆಂಡ್ ತಂಡದ ನಾಯಕ ಜೋ ರೂಟ್ WTCಯಲ್ಲಿ ಹೆಚ್ಚು ಕ್ಯಾಚ್ ಪಡೆದ ದಾಖಲೆಗೆ ಪಾತ್ರರಾಗಿದ್ದಾರೆ. ಇಂಗ್ಲೆಂಡ್ ಕ್ಯಾಪ್ಟನ್ 20 ಪಂದ್ಯಗಳಲ್ಲಿ 34 ಕ್ಯಾಚ್ ಪಡೆದಿದ್ದಾರೆ.
ಆಸ್ಟ್ರೇಲಿಯಾದ ಡೇವಿಡ್ ವಾರ್ನರ್ ವೈಯಕ್ತಿಕ ಗರಿಷ್ಠ ಸ್ಕೋರರ್(335), ಭಾರತದ ಅಕ್ಷರ್ ಪಟೇಲ್(70ಕ್ಕೆ11 ವಿಕೆಟ್) ವೈಯಕ್ತಿಕ ಬೆಸ್ಟ್ ಬೌಲಿಂಗ್ ದಾಖಲೆ, ಆಸ್ಟ್ರೇಲಿಯಾದ ಟಿಮ್ ಪೇನ್(65) ಗರಿಷ್ಠ ಬಲಿ ಪಡೆದ ವಿಕೆಟ್ ಕೀಪರ್ ಎಂಬ ವೈಯಕ್ತಿಕ ದಾಖಲೆಗೆ ಪಾತ್ರರಾಗಿದ್ದಾರೆ.
ಇದನ್ನು ಓದಿ:ಒಂದೇ ಪಂದ್ಯದಿಂದ ಅತ್ಯುತ್ತಮ ಟೆಸ್ಟ್ ತಂಡ ನಿರ್ಧಾರವಾಗಲ್ಲ: ಕೊಹ್ಲಿ
