Ashes 2023: ಆ್ಯಶಸ್ ಟೆಸ್ಟ್‌- 325ಕ್ಕೆ ಇಂಗ್ಲೆಂಡ್​ ಆಲೌಟ್; ಆಸ್ಟ್ರೇಲಿಯಾಗೆ 91 ರನ್ ಮುನ್ನಡೆ

ಆ್ಯಶಸ್​ ಸರಣಿಯ ಎರಡನೇ ಟೆಸ್ಟ್​ನ ಮೊದಲ ಇನ್ನಿಂಗ್ಸ್​ನಲ್ಲಿ ಇಂಗ್ಲೆಂಡ್​ ತಂಡ 325ಕ್ಕೆ ಆಲೌಟ್ಗಿದ್ದು, ಆಸ್ಟ್ರೇಲಿಯಾ 91 ರನ್​ ಮುನ್ನಡೆ ಸಾಧಿಸಿದೆ.

ಲಾರ್ಡ್ಸ್​ (ಲಂಡನ್​): ಐತಿಹಾಸಿಕ ಕ್ರಿಕೆಟ್ ಮೈದಾನ ಲಾರ್ಡ್ಸ್‌ನಲ್ಲಿ ನಡೆಯುತ್ತಿರುವ ಎರಡನೇ ಆ್ಯಶಸ್​ ಟೆಸ್ಟ್​ನಲ್ಲಿ ಇಂಗ್ಲೆಂಡ್​​ ಹಿನ್ನಡೆ ಅನುಭವಿಸಿದೆ. ಮೊದಲ ಇನ್ನಿಂಗ್ಸ್​​ನಲ್ಲಿ ಕಾಂಗರೂ ಪಡೆಯ ಬೌಲರ್‌ಗಳು ಹೆಚ್ಚು ಸಾಮರ್ಥ್ಯ ಪ್ರದರ್ಶಿಸಿದ್ದು, ಇಂಗ್ಲೆಂಡ್​ 325 ರನ್​ಗಳಿಗೆ ಸರ್ವಪತನ ಕಂಡಿತು. ಮೂರನೇ ದಿನ ಬೌಲಿಂಗ್​ ಆರಂಭಿಸಿದ ಆಸಿಸ್​ ಪಡೆ ಇಂಗ್ಲೆಂಡ್​ 74 ರನ್​ ಕಲೆಹಾಕುವಷ್ಟರಲ್ಲಿ 6 ವಿಕೆಟ್ ಉರುಳಿಸಿತು. ಇದರಿಂದಾಗಿ ಆಸ್ಟ್ರೇಲಿಯಾ 91 ರನ್​ಗಳ ಮುನ್ನಡೆಯೊಂದಿಗೆ ಎರಡನೇ ಇನ್ನಿಂಗ್ಸ್ ಆರಂಭಿಸಿದೆ. ಭೋಜನ ವಿರಾಮದ ವೇಳೆಗೆ ತಂಡ ವಿಕೆಟ್​ ನಷ್ಟವಿಲ್ಲದೇ 12 ರನ್​ ಗಳಿಸಿದೆ.

ಟಾಸ್​ ಗೆದ್ದು ಫೀಲ್ಡಿಂಗ್​ ಆಯ್ದುಕೊಂಡಿದ್ದ ಇಂಗ್ಲೆಂಡ್​ಗೆ ಆಸ್ಟ್ರೇಲಿಯಾವನ್ನು ಮೊದಲ ಇನ್ನಿಂಗ್ಸ್​ನಲ್ಲಿ ಅಲ್ಪ ಮೊತ್ತಕ್ಕೆ ಕಟ್ಟಿಹಾಕಲು ಸಾಧ್ಯವಾಗಲಿಲ್ಲ. ಒಂದೂವರೆ ದಿನ ಆಡಿದ ತಂಡ 100.4 ಓವರ್​ನಲ್ಲಿ ಸ್ಟೀವ್​ ಸ್ಮಿತ್​ ಅವರ ಆಕರ್ಷಕ ಶತಕ (110) ಮತ್ತು ಹೆಡ್​ ಅರ್ಧಶತಕದ (77) ನೆರವಿನಿಂದ 416 ರನ್​ ಗಳಿಸಿತ್ತು.

• Quick turnaround as Australia wrap up England's innings! #WTC25 | #ENGvAUS 📝: https://t.co/liWqlPCKqn pic.twitter.com/9fUH5dlKiD

  — ICC (@ICC) June 30, 2023 " class="align-text-top noRightClick twitterSection" data="

  Quick turnaround as Australia wrap up England's innings! #WTC25 | #ENGvAUS 📝: https://t.co/liWqlPCKqn pic.twitter.com/9fUH5dlKiD

  — ICC (@ICC) June 30, 2023

  ">

  Quick turnaround as Australia wrap up England's innings! #WTC25 | #ENGvAUS 📝: https://t.co/liWqlPCKqn pic.twitter.com/9fUH5dlKiD

  — ICC (@ICC) June 30, 2023

ಮೊದಲ ಇನ್ನಿಂಗ್ಸ್​ ಆರಂಭಿಸಿದ ಇಂಗ್ಲೆಂಡ್​ ತಂಡ ಝಾಕ್ ಕ್ರಾಲಿ 48, ಬೆನ್ ಡಕೆಟ್ 98 ಮತ್ತು ಆಲಿ ಪೋಪ್ 42 ರನ್​ಗಳ ಸಹಾಯದಿಂದ ದಿನದಂತ್ಯಕ್ಕೆ 4 ವಿಕೆಟ್​ ನಷ್ಟಕ್ಕೆ 61 ಓವರ್‌ಗಳಲ್ಲಿ 278 ರನ್​ ಗಳಿಸಿತ್ತು. ಇಂಗ್ಲೆಂಡ್​ ತನ್ನ ಬಾಸ್​ಬಾಲ್​ ನೀತಿ ಅನುಸರಿಸಿ 61 ಓವರ್‌ಗಳಲ್ಲಿ 300 ರನ್ ಸನಿಹ ಸ್ಕೋರ್​ ಕಲೆಹಾಕಿತ್ತು.

ಕ್ರೀಸ್​ನಲ್ಲಿ ಹ್ಯಾರಿ ಬ್ರೂಕ್ (45*) ಮತ್ತು ಬೆನ್ ಸ್ಟೋಕ್ಸ್ (17*) ಇದ್ದರು. ಮೂರನೇ ದಿನವಾದ ಇಂದು ಇಂಗ್ಲೆಂಡ್​ 138 ರನ್​ಗಳ ಹಿನ್ನಡೆಯೊಂದಿಗೆ ಆರು ವಿಕೆಟ್​ಗಳನ್ನು ಉಳಿಸಿಕೊಂಡಿತ್ತು. ಆದರೆ ಇಂದು ಕ್ರೀಸ್​ಗೆ ಬರುತ್ತಿದಂತೆ ಎರಡನೇ ಬಾಲ್​ನಲ್ಲಿ ನಾಯಕ ಬೆನ್ ಸ್ಟೋಕ್ಸ್ ವಿಕೆಟ್​ ಕೊಟ್ಟರು. ಅವರ ಬೆನ್ನಲ್ಲೇ 5 ರನ್​ ಗಳಿಸಿ ಅರ್ಧಶತಕ ಮಾಡಿಕೊಂಡು ಹ್ಯಾರಿ ಬ್ರೂಕ್ ಸಹ ಔಟಾದರು. ಜಾನಿ ಬೈರ್‌ಸ್ಟೋವ್ ಮತ್ತು ಸ್ಟುವರ್ಟ್ ಬ್ರಾಡ್ ಕ್ರಮವಾಗಿ 16, 12 ರನ್​ ಗಳಿಸಿ ವಿಕೆಟ್​ ಕೊಟ್ಟರು. ಆಸ್ಟ್ರೇಲಿಯಾದ ಪ್ರಬಲ ದಾಳಿಯ ಮುಂದೆ ಇಂಗ್ಲೆಂಡ್​ನ ಮಧ್ಯಮ ಕ್ರಮಾಂಕದ ಬ್ಯಾಟರ್​ಗಳು ಹೆಚ್ಚೊತ್ತು ನಿಲ್ಲಲಿಲ್ಲ.

• It's Lunch time at Lord's!#WTC25 | #ENGvAUS 📝: https://t.co/TvNVw1baJk pic.twitter.com/lCa920hxj5

  — ICC (@ICC) June 30, 2023 " class="align-text-top noRightClick twitterSection" data="

  It's Lunch time at Lord's!#WTC25 | #ENGvAUS 📝: https://t.co/TvNVw1baJk pic.twitter.com/lCa920hxj5

  — ICC (@ICC) June 30, 2023

  ">

  It's Lunch time at Lord's!#WTC25 | #ENGvAUS 📝: https://t.co/TvNVw1baJk pic.twitter.com/lCa920hxj5

  — ICC (@ICC) June 30, 2023

ಕೊನೆಯಲ್ಲಿ ಬಾಲಂಗೋಚಿಗಳನ್ನು ಹೆಚ್ಚೊತ್ತು ಕ್ರೀಸ್​ನಲ್ಲಿ ನಿಲ್ಲಲು ಆಸಿಸ್​ ಬೌಲರ್​ಗಳು ಬಿಡಲಿಲ್ಲ. ಆಲಿ ರಾಬಿನ್ಸನ್ 9 ಮತ್ತು ಜೋಶ್ ಟಂಗ್ 1 ರನ್​ ಗಳಿಸಿ ಪೆವಿಲಿಯನ್​ ದಾರಿ ಹಿಡಿದರು. ಇದರಿಂದ ಇಂಗ್ಲೆಂಡ್​ ಇಂದು ಮೊದಲ ಸೆಷನ್​ ಪೂರ್ಣವಾಗಿ ಆಡುವ ಮುನ್ನವೇ ಕೇವಲ 74 ರನ್​ ಗಳಿಸಿ ಆರು ವಿಕೆಟ್​ ಕಳೆದುಕೊಂಡಿತು. ಆಸ್ಟ್ರೇಲಿಯಾ ಪರ ಸ್ಟಾರ್ಕ್​ 3, ಜೋಶ್ ಹ್ಯಾಜಲ್‌ವುಡ್ ಮತ್ತು ಟ್ರಾವಿಸ್ ಹೆಡ್ ತಲಾ ಎರಡು ವಿಕೆಟ್​ ಪಡೆದರು. ಪ್ಯಾಟ್ ಕಮಿನ್ಸ್, ನಾಥನ್ ಲಿಯಾನ್ ಮತ್ತು ಕ್ಯಾಮೆರಾನ್ ಗ್ರೀನ್ ಒಂದೊಂದು ವಿಕೆಟ್​ ಕಿತ್ತರು.

ಇದನ್ನೂ ಓದಿ: England vs Australia, Ashes 2nd Test: ಆ್ಯಶಸ್ ಸರಣಿ- ಲಾರ್ಡ್ಸ್‌​​ನಲ್ಲಿ ದಾಖಲೆಗಳ ಸುರಿಮಳೆ ಸೃಷ್ಟಿಸಿದ ಸ್ಟೀವ್ ಸ್ಮಿತ್!