ಆ್ಯಶಸ್​ ಸರಣಿ : ಡೇ ಅಂಡ್​ ನೈಟ್​​ನಲ್ಲಿ ಆಸೀಸ್​ ಅಜೇಯ, ಇಂಗ್ಲೆಂಡ್​ ವಿರುದ್ಧ 275 ರನ್​ಗಳ ಜಯ

ಅಡಿಲೇಡ್​ನಲ್ಲಿ ನಡೆದ ಡೇ ಅಂಡ್​ ನೈಟ್​ ಟೆಸ್ಟ್​ ಪಂದ್ಯದಲ್ಲಿ ಪ್ರವಾಸಿ ಇಂಗ್ಲೆಂಡ್​ 192 ರನ್​ಗಳಿಗೆ ಆಲೌಟ್ ಆಗುವ ಮೂಲಕ 275 ರನ್​ಗಳ ಹೀನಾಯ ಸೋಲು ಕಂಡಿದೆ..

ಅಡಿಲೇಡ್ ​: 2ನೇ ಆ್ಯಶಸ್​ ಟೆಸ್ಟ್​ ಪಂದ್ಯದಲ್ಲೂ ಆಂಗ್ಲರ ವಿರುದ್ಧ ಅಧಿಪತ್ಯ ಸಾಧಿಸಿದ ಅತಿಥೇಯ ಆಸ್ಟ್ರೇಲಿಯಾ ತಂಡ ಇಂಗ್ಲೆಂಡ್ ತಂಡವನ್ನು ಕೇವಲ 192 ರನ್​ಗಳಿಗೆ ಆಲೌಟ್ ಮಾಡುವ ಮೂಲಕ 275 ರನ್​ಗಳ ಭರ್ಜರಿ ಜಯ ಸಾಧಿಸಿ 5 ಪಂದ್ಯಗಳ ಸರಣಿಯಲ್ಲಿ 2-0ಯಲ್ಲಿ ಮುನ್ನಡೆ ಪಡೆದಿದೆ.

468 ರನ್​ಗಳ ಬೃಹತ್​ ಗುರಿ ಬೆನ್ನತ್ತಿದ ಇಂಗ್ಲೆಂಡ್ 4ನೇ ದಿನ 82 ರನ್​ಗಳಿಸಿ 4 ವಿಕೆಟ್​ ಕಳೆದುಕೊಂಡಿತ್ತು. ಬೆನ್​ ಸ್ಟೋಕ್ಸ್​ 3 ರನ್​ಗಳಿಸಿ ಮೈದಾನದಲ್ಲಿದ್ದರು. ಕೊನೆಯ ದಿನವಾದ ಇಂದು ಬ್ಯಾಟಿಂಗ್ ಮುಂದುವರಿಸಿದ ಆಂಗ್ಲರು ದಿನದಾಟದ 3ನೇ ಓವರ್​ನಲ್ಲೇ ಹೊಸ ಬ್ಯಾಟರ್ ಪೋಪ್(4) ವಿಕೆಟ್​ ಕಳೆದುಕೊಂಡಿತು.

ಬೃಹತ್​ ಮೊತ್ತದ ಗುರಿಯಾಗಿದ್ದರಿಂದ ಇಂಗ್ಲೆಂಡ್​ ಈ ಪಂದ್ಯವನ್ನು ಡ್ರಾ ಮಾಡಿಕೊಳ್ಳಲು ಶತಪ್ರಯತ್ನ ಪಟ್ಟಿತು. ಆದರೆ, ಆಸ್ಟ್ರೇಲಿಯಾ ಬೌಲರ್​ಗಳನ್ನು ಜೋಶ್ ಬಟ್ಲರ್​ ಹೊರೆತುಪಡಿಸಿ ಯಾರೊಬ್ಬರು ಕ್ರೀಸ್​ನಲ್ಲಿ ಹೆಚ್ಚು ಹೊತ್ತು ನಿಲ್ಲಲಿಲ್ಲ.

ಬಟ್ಲರ್ ಮತ್ತು ವೋಕ್ಸ್​ ಬಿಟ್ಟರೆ ಸ್ವಲ್ಪ ಸಮಯ ಆಸೀಸ್​ ಬೌಲರ್​ಗಳನ್ನು ಕಾಡಿದರಾದರೂ ವೋಕ್ಸ್​ 44(97) ​ರನ್​ಗಳಿಸಿ ಔಟಾಗುತ್ತಿದ್ದಂತೆ ಆಂಗ್ಲರಿಗೆ ಸೋಲು ಖಚಿತವಾಯಿತು.

ಬೆನ್​ ಸ್ಟೋಕ್ಸ್​ 77 ಎಸೆತಗಳಲ್ಲಿ 12, ರಾಬಿನ್​ಸನ್​ 39 ಎಸೆತಗಳಲ್ಲಿ 8, ಜೋಶ್ ಆ್ಯಂಡರ್ಸನ್​ 2 ರನ್​ಗಳಿಸಿ ಔಟಾದರು. ಪಂದ್ಯವನ್ನು ಡ್ರಾಗೊಳಿಸಲು ಸಾಕಷ್ಟು ಹೋರಾಟ ನಡೆಸಿದ ಜೋಶ್ ಬಟ್ಲರ್​ ಹಿಟ್​ ವಿಕೆಟ್ ಆಗಿ ನಿರಾಶೆ ಅನುಭವಿಸಿದರು. ಅವರು 207 ಎಸೆತಗಳಲ್ಲಿ 26 ರನ್​ಗಳಿಸಿದ್ದರು.

• Jhye Richardson claims a five-wicket haul to set up a 275-run victory for Australia!
  
  The hosts go 2-0 up in the #Ashes series 💪#AUSvENG | #WTC23 pic.twitter.com/f6L2vRjH2l

  — ICC (@ICC) December 20, 2021 " class="align-text-top noRightClick twitterSection" data="

  Jhye Richardson claims a five-wicket haul to set up a 275-run victory for Australia!
  
  The hosts go 2-0 up in the #Ashes series 💪#AUSvENG | #WTC23 pic.twitter.com/f6L2vRjH2l

  — ICC (@ICC) December 20, 2021

  ">

  Jhye Richardson claims a five-wicket haul to set up a 275-run victory for Australia!
  
  The hosts go 2-0 up in the #Ashes series 💪#AUSvENG | #WTC23 pic.twitter.com/f6L2vRjH2l

  — ICC (@ICC) December 20, 2021

ಆಸ್ಟ್ರೇಲಿಯಾ ಪರ ಜೇ ರಿಚರ್ಡ್ಸನ್​ 42ಕ್ಕೆ 5, ಮಿಚೆಲ್ ಸ್ಟಾರ್ಕ್​ 43ಕ್ಕೆ 2, ನೇಥನ್ ಲಿಯಾನ್ 55ಕ್ಕೆ 2 ವಿಕೆಟ್ ಪಡೆದರು. ಡೇ ಅಂಡ್​ ನೈಟ್​ ಟೆಸ್ಟ್​​ನಲ್ಲಿ ಸೋಲೇ ಕಂಡಿಲ್ಲದ ಆಸ್ಟ್ರೇಲಿಯಾ ಟಾಸ್​ ಗೆದ್ದು ಮೊದಲ ಇನ್ನಿಂಗ್ಸ್​ನಲ್ಲಿ 473 ರನ್​ಗಳಿಸಿ ಡಿಕ್ಲೇರ್ ಘೋಷಿಸಿಕೊಂಡಿತ್ತು.

ಲಾಬುಶೇನ್ 103, ಡೇವಿಡ್ ವಾರ್ನರ್​ 85 ಮತ್ತು ನಾಯಕ ಸ್ಮಿತ್ 93 ರನ್​ಗಳಿಸಿದ್ದರು. ಇದಕ್ಕುತ್ತರವಾಗಿ ಇಂಗ್ಲೆಂಡ್​ 236ಕ್ಕೆ ಆಲೌಟ್​ ಆಗಿತ್ತು. ಆಸೀಸ್​ 2ನೇ ಇನ್ನಿಂಗ್ಸ್​ನಲ್ಲಿ 230 ರನ್​ಗಳಿಗೆ ಡಿಕ್ಲೇರ್​ ಘೋಷಿಸಿ 468 ರನ್​ಗಳ ಬೃಹತ್ ಟಾರ್ಗೆಟ್ ನೀಡಿತ್ತು. ಮೊದಲ ಇನ್ನಿಂಗ್ಸ್​ನಲ್ಲಿ 103 ಮತ್ತು 2ನೇ ಇನ್ನಿಂಗ್ಸ್​ನಲ್ಲಿ 51 ರನ್​ಗಳಿಸಿದ್ದ ಮಾರ್ನಸ್ ಲಾಬುಶೇನ್​ ಪಂದ್ಯ ಶ್ರೇಷ್ಠ ಪ್ರಶಸ್ತಿ ಪಡೆದರು.

ಇದನ್ನೂ ಓದಿ:ಮತ್ತೆ ಪಾಕಿಸ್ತಾನ ಪ್ರವಾಸ ಕೈಗೊಳ್ಳಲಿದೆ ನ್ಯೂಜಿಲ್ಯಾಂಡ್​, 5 ತಿಂಗಳ ಅಂತರದಲ್ಲಿ 15 ಪಂದ್ಯಗಳ್ನಾಡಲಿರುವ ಕಿವೀಸ್​