'ನಿನ್ನೆಯಷ್ಟೇ ಅವರೊಂದಿಗೆ ಮಾತನಾಡಿದ್ದೆ, ದೊಡ್ಡದು ನಡೆಯುವ ಸೂಚನೆ ಸಿಕ್ಕಿತ್ತು': ಎಬಿಡಿ

ವಿರಾಟ್​​ ಕೊಹ್ಲಿ ಶತಕ ಸಾಧನೆಗೆ ಮೆಚ್ಚುಗೆ ವ್ಯಕ್ತಪಡಿಸಿರುವ ದಕ್ಷಿಣ ಆಫ್ರಿಕಾ ದಿಗ್ಗಜ ಕ್ರಿಕೆಟಿಗ ಎಬಿಡಿ, ಟ್ವೀಟ್ ಮೂಲಕ ಅಭಿನಂದನೆ ಸಲ್ಲಿಸಿದ್ದಾರೆ.

ದುಬೈ(ಯುಎಇ): ಏಷ್ಯಾ ಕಪ್​​​ನಲ್ಲಿ ಅಫ್ಘಾನಿಸ್ತಾನ ತಂಡದ ವಿರುದ್ಧ ನಡೆದ ಭಾರತದ ಕೊನೆಯ ಪಂದ್ಯದಲ್ಲಿ ವಿರಾಟ್​ ಕೊಹ್ಲಿ ಅಬ್ಬರಿಸಿದ್ದು, ಟಿ20ಯಲ್ಲಿ ಚೊಚ್ಚಲ ಹಾಗೂ ಅಂತಾರಾಷ್ಟ್ರೀಯ ಕ್ರಿಕೆಟ್​​ನಲ್ಲಿ 71ನೇ ಶತಕ ಸಾಧನೆ ಮಾಡಿದ್ದಾರೆ. ಕೊಹ್ಲಿ ಅವರ ಈ ಗಮನಾರ್ಹ ಪ್ರದರ್ಶನಕ್ಕೆ ಎಬಿಡಿ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.

• When I spoke to him yesterday I knew something was brewing💪
  Well played my friend

  — AB de Villiers (@ABdeVilliers17) September 8, 2022 " class="align-text-top noRightClick twitterSection" data="

  When I spoke to him yesterday I knew something was brewing💪
  Well played my friend

  — AB de Villiers (@ABdeVilliers17) September 8, 2022

  ">

  When I spoke to him yesterday I knew something was brewing💪
  Well played my friend

  — AB de Villiers (@ABdeVilliers17) September 8, 2022

"ಪಂದ್ಯದ ಹಿಂದಿನ ದಿನ ನಾನು ಕೊಹ್ಲಿ ಅವರೊಂದಿಗೆ ಮಾತನಾಡಿದ್ದೆ. ಏನೋ ದೊಡ್ಡದಾಗಿ ನಡೆಯಲಿದೆ ಎಂಬಂತೆ ಭಾಸವಾಗಿತ್ತು. ಅದ್ಭುತವಾಗಿ ಆಡಿದ್ದೀರಿ, ಮೈ ಫ್ರೆಂಡ್"​ ಎಂದು ಟ್ವೀಟ್ ಮಾಡಿದ್ದಾರೆ.

ವಿರಾಟ್​ ಕೊಹ್ಲಿ ಹಾಗೂ ಎಬಿ ಡಿವಿಲಿಯರ್ಸ್​ ಇಬ್ಬರೂ ಉತ್ತಮ ಸ್ನೇಹಿತರು. ಕೊಹ್ಲಿ ಬ್ಯಾಟಿಂಗ್​ನಲ್ಲಿ ಕೆಟ್ಟ ದಿನಗಳನ್ನು ಅನುಭವಿಸುತ್ತಿದ್ದಾಗ ಅವರ ಪರವಾಗಿ ನಿಂತು ಪ್ರೋತ್ಸಾಹಕ ನುಡಿಗಳನ್ನಾಡಿದ್ದ 'ಮಿ.360', ಅನೇಕ ಸಲಹೆಗಳನ್ನೂ ನೀಡುತ್ತಿದ್ದರು. ಐಪಿಎಲ್​​ನಲ್ಲಿ ಇಬ್ಬರು ಅನೇಕ ಪಂದ್ಯಗಳಲ್ಲಿ ಜೊತೆಯಾಟವಾಡಿ ತಂಡವನ್ನು ಗೆಲುವಿನ ದಡ ಸೇರಿಸಿದ್ದಾರೆ. ಇಬ್ಬರ ನಡುವಿನ ಸ್ನೇಹ ಗಾಢವಾಗಿದ್ದು, ಮೇಲಿಂದ ಮೇಲೆ ಫೋನ್​​ನಲ್ಲಿ ಮಾತನಾಡುತ್ತಾರೆ. ಅಫ್ಘಾನಿಸ್ತಾನ ವಿರುದ್ಧದ ಪಂದ್ಯಕ್ಕೂ ಮೊದಲು ಇಬ್ಬರು ಮಾತನಾಡಿದ್ದರು.

ನಿನ್ನೆಯ ಪಂದ್ಯದಲ್ಲಿ 200 ಸ್ಟ್ರೆಕ್​ ರೇಟ್​​ನಲ್ಲಿ ಬ್ಯಾಟ್​ ಬೀಸಿರುವ ವಿರಾಟ್ ಕೊಹ್ಲಿ​​ 6 ಸಿಕ್ಸರ್​, 12 ಬೌಂಡರಿ ಸೇರಿದಂತೆ ಕೇವಲ 61 ಎಸೆತಗಳಲ್ಲಿ 122ರನ್ ​​ಗಳಿಸಿದ್ದಾರೆ. ಈ ಹಿಂದೆ 2019ರಲ್ಲಿ ಬಾಂಗ್ಲಾದೇಶದ ವಿರುದ್ಧ ಕೊನೆಯ ಶತಕ ಸಿಡಿಸಿದ್ದರು. ಇದಾದ ಬಳಿಕ ಬ್ಯಾಟಿಂಗ್​ ವೈಫಲ್ಯ ಅನುಭವಿಸುತ್ತಿದ್ದು ಅನೇಕ ಟೀಕೆಗಳಿಗೂ ಒಳಗಾಗಿದ್ದರು. ಏಷ್ಯಾ ಕಪ್​ ಮೂಲಕ ಭರ್ಜರಿ ಫಾರ್ಮ್​​ಗೆ ಮರಳಿರುವ ವಿರಾಟ್,​ 2 ಅರ್ಧಶತಕ ಹಾಗೂ ಒಂದು ಶತಕ ಸಿಡಿಸಿ ಮಿಂಚಿದ್ದಾರೆ.

• #NewCoverPic 📸 pic.twitter.com/kpoZlvArVa

  — ICC (@ICC) September 8, 2022 " class="align-text-top noRightClick twitterSection" data="

  #NewCoverPic 📸 pic.twitter.com/kpoZlvArVa

  — ICC (@ICC) September 8, 2022

  ">

  #NewCoverPic 📸 pic.twitter.com/kpoZlvArVa

  — ICC (@ICC) September 8, 2022

ಟ್ವಿಟರ್‌ ಡಿಪಿ ಚೇಂಜ್ ಮಾಡಿದ ಐಸಿಸಿ​: ವಿರಾಟ್​​ ಕೊಹ್ಲಿ ಶತಕ ಸಾಧನೆ ಮಾಡುತ್ತಿದ್ದಂತೆ ಅಂತಾರಾಷ್ಟ್ರೀಯ ಕ್ರಿಕೆಟ್​ ಬೋರ್ಡ್​​(ಐಸಿಸಿ) ತನ್ನ ಟ್ವಿಟರ್​ ಡಿಪಿ ಸಹ ಚೇಂಜ್ ಮಾಡಿದೆ. ವಿರಾಟ್​​ ಕೊಹ್ಲಿ ಶತಕ ಸಾಧನೆ ಮಾಡಿ, ಸಂಭ್ರಮಿಸುತ್ತಿರುವ ಫೋಟೋ ಹಾಕಿಕೊಂಡಿದೆ. ಈ ಮೂಲಕ ರನ್​ ಮಷಿನ್​​ಗೆ ಮತ್ತಷ್ಟು ಪ್ರೋತ್ಸಾಹ ನೀಡಿದೆ. ಶತಕ ಸಾಧನೆಗೆ ಅನೇಕರು ಟ್ವೀಟ್ ಮಾಡಿ ಶುಭ ಹಾರೈಸಿದ್ದಾರೆ.