Worst bowling: 1 ಎಸೆತದಲ್ಲಿ 18 ರನ್​, ತಮಿಳುನಾಡು ಪ್ರೀಮಿಯರ್​ ಲೀಗ್​ನಲ್ಲಿ ದುಬಾರಿ ಬೌಲಿಂಗ್​

ತಮಿಳುನಾಡು ಪ್ರೀಮಿಯರ್​ ಲೀಗ್​ನಲ್ಲಿ ಸೇಲಂ ಸ್ಪಾರ್ಟನ್ ತಂಡದ ನಾಯಕ ಅಭಿಷೇಕ್​ ತನ್ವರ್ ಕೊನೆಯ 1 ಎಸೆತದಲ್ಲಿ 18 ರನ್​ ಬಿಟ್ಟುಕೊಟ್ಟು ದುಬಾರಿ ಬೌಲರ್​ ಎನಿಸಿಕೊಂಡಿದ್ದಾರೆ. ಅತಿಕೆಟ್ಟ ಪ್ರದರ್ಶನದಿಂದ ಬೌಲರ್​ ಟೀಕೆಗೆ ಗುರಿಯಾಗಿದ್ದಾರೆ.

ಚೆನ್ನೈ (ತಮಿಳುನಾಡು): ಕ್ರೀಡೆ ಅಂದ್ರೇನೆ ಹಾಗೆ. ಅಚ್ಚರಿಗಳಿಗೆ ಇಲ್ಲಿ ಕೊರತೆಯಿಲ್ಲ. ಪಂದ್ಯ ಸೋತೆವು ಅನ್ನುವಷ್ಟರಲ್ಲಿ ಪವಾಡ ಎಂಬಂತೆ ತಂಡವೊಂದು ಪಂದ್ಯ ಗೆಲ್ಲುತ್ತೆ. ಗೆದ್ದೇ ಬಿಟ್ಟೆವು ಅನ್ನುವಷ್ಟರಲ್ಲಿ ಪ್ರಪಾತಕ್ಕೆ ಕುಸಿದು ಸೋಲಿನ ಬರೆ ಬಿದ್ದಿರುತ್ತೆ. ಅದೆಷ್ಟೋ ಪಂದ್ಯಗಳು ಕೊನೆಯ 1 ಎಸೆತದಲ್ಲಿ ನಿರ್ಧಾರವಾಗಿರುತ್ತವೆ. ಎಂತಹ ಕರಾರುವಾಕ್​ ಬೌಲರ್​ ಕೂಡ ತಪ್ಪಿನ ಮೇಲೆ ತಪ್ಪು ಮಾಡಿ ದಂಡಿಸಿಕೊಳ್ಳುತ್ತಾನೆ. ಇಂಥದ್ದೇ ಒಂದು ಪ್ರಸಂಗ ತಮಿಳುನಾಡು ಪ್ರೀಮಿಯರ್​ ಲೀಗ್​ನಲ್ಲಿ ನಡೆದಿದೆ.

• The most expensive delivery ever? 1 Ball 18 runs#TNPLonFanCode pic.twitter.com/U95WNslHav

  — FanCode (@FanCode) June 13, 2023 " class="align-text-top noRightClick twitterSection" data="

  The most expensive delivery ever? 1 Ball 18 runs#TNPLonFanCode pic.twitter.com/U95WNslHav

  — FanCode (@FanCode) June 13, 2023

  ">

  The most expensive delivery ever? 1 Ball 18 runs#TNPLonFanCode pic.twitter.com/U95WNslHav

  — FanCode (@FanCode) June 13, 2023

ಒಂದು ಎಸೆತದಲ್ಲಿ ಅಬ್ಬಬ್ಬಾ ಅಂದ್ರೂ 6 ರನ್​ ನೀಡಬಹುದು. ಆದರೆ, ನಡೆಯುತ್ತಿರುವ ತಮಿಳುನಾಡು ಪ್ರೀಮಿಯರ್​ ಲೀಗ್​ನಲ್ಲಿ ಬೌಲರ್​​ವೊಬ್ಬ ಬರೋಬ್ಬರಿ 18 ರನ್​ ನೀಡಿ ಎಲ್ಲರ ಹುಬ್ಬೇರುವಂತೆ ಮಾಡಿದ್ದಾನೆ. ಈತನ ಕಳಪೆ ಆಟದಿಂದ ತಂಡ ಟಿ-20 ಪಂದ್ಯದಲ್ಲಿ ಹೀನಾಯವಾಗಿ ಸೋಲು ಕಂಡಿದೆ. ಇಷ್ಟಲ್ಲದೇ, ಇದು ಟಿಎನ್​ಪಿಎಲ್​ನಲ್ಲಿ ಕಳಪೆ ದಾಖಲೆ ಸೃಷ್ಟಿಸಿದೆ.

ಚೆಪಾಕ್ ಸೂಪರ್ ಗಿಲ್ಲಿಸ್ ಮತ್ತು ಸೇಲಂ ಸ್ಪಾರ್ಟನ್ಸ್ ತಂಡಗಳ ನಡುವಿನ ಪಂದ್ಯದಲ್ಲಿ ಈ ಕೆಟ್ಟ ದಾಖಲೆ ಸೃಷ್ಟಿಯಾಯಿತು. ಸ್ಪಾರ್ಟನ್ಸ್ ತಂಡದ ನಾಯಕ ಅಭಿಷೇಕ್ ತನ್ವರ್ ಪಂದ್ಯದ ಮೊದಲ ಇನ್ನಿಂಗ್ಸ್‌ನ 20ನೇ ಓವರ್‌ನ ಕೊನೆಯ ಓವರ್​​​ನಲ್ಲಿ ಸತತ ನೋಬಾಲ್​, ವೈಡ್​ ಎಸೆದು 18 ರನ್​ ದಂಡಿಸಿಕೊಂಡರು. 2022 ರ ಆವೃತ್ತಿಯಲ್ಲಿ ಅಭಿಷೇಕ್ ತನ್ವರ್ ಅತಿ ಹೆಚ್ಚು ವಿಕೆಟ್ ಪಡೆದ ಬೌಲರ್ ಆಗಿ ಹೊರಹೊಮ್ಮಿದ್ದರು. ಆದರೆ, ಸೂಪರ್ ಗಿಲ್ಲಿಸ್ ವಿರುದ್ಧದ ಪಂದ್ಯದಲ್ಲಿ ಲಯ ಕಂಡುಕೊಳ್ಳಲು ಹೆಣಗಾಡಿದರು.

ಕೊನೆಯ ಒಂದು ಎಸೆತವನ್ನು ಪೂರ್ಣಗೊಳಿಸಲು ಒದ್ದಾಡಿದ ಬೌಲರ್​ ಎದುರಾಳಿ ತಂಡಕ್ಕೆ ಕಾಣಿಕೆಯಾಗಿ 18 ರನ್​ ನೀಡುವುದು ಜೊತೆಗೆ, ಓವರ್​​ನಲ್ಲಿ 26 ರನ್​ ಬಿಟ್ಟುಕೊಟ್ಟರು. ಇದರಿಂದ ಚೆಪಾಕ್ ಸೂಪರ್ ಗಿಲ್ಲಿಸ್ 5 ವಿಕೆಟ್​ಗೆ 217 ರನ್​ಗಳ ಬೃಹತ್​ ಮೊತ್ತ ಗಳಿಸಿತು.

ಹೀಗಿತ್ತು ಕೊನೆ ಓವರ್​​ನ ಕೊನೆ ಎಸೆತ: 19.5 ಓವರ್‌ ಇದ್ದಾಗ ಅಭಿಷೇಕ್​ ಕ್ರೀಸ್​ ದಾಟಿ ನೋ ಬಾಲ್ ಎಸೆದರು. ಬಳಿಕ ಮುಂದಿನ ಎಸೆತದಲ್ಲಿ ಮತ್ತೊಂದು ನೋ ಬಾಲ್‌ ಹಾಕಿದಾಗ ಬ್ಯಾಟರ್​ ಅದನ್ನು ಸಿಕ್ಸರ್‌ ಗಟ್ಟಿದರು. ಇದಾದ ಮುಂದಿನ ಎಸೆತವೂ ನೋ ಬಾಲ್ ಆಗಿದ್ದಾಗ ಬ್ಯಾಟರ್‌ಗಳು 2 ರನ್ ಕದ್ದರು. ಒಟ್ಟು 11 ರನ್ ಗಳಿಕೆಯಾದವು. ನಂತರ ಅಭಿಷೇಕ್​ ಚೆಂಡನ್ನು ವೈಡ್ ಎಸೆದರು. ಒಟ್ಟು 12 ರನ್‌ಗಳು ದಾಖಲಾದವು. ಕೊನೆಯದಾಗಿ ಉತ್ತಮ ಎಸೆತ ಹಾಕಿದಾಗ ಬ್ಯಾಟರ್​ ಅದನ್ನು ಸಿಕ್ಸರ್‌ ಬಾರಿಸಿದರು. ಇದರಿಂದ ಒಟ್ಟಾರೆ 18 ರನ್‌ಗಳು ಬಂದವು. (1+4+0+1+NB+1+NB+6NB+2NB+WD+6)

ಕೊನೆಯ ಓವರ್​ ಎಸೆತ ದುರದೃಷ್ಟಕರವಾಗಿತ್ತು. ಅದರ ಪೂರ್ಣ ಹೊಣೆಯನ್ನು ನಾನೇ ಹೊರುವೆ. ನಾಲ್ಕು ನೋ ಬಾಲ್‌, ಒಂದು ವೈಡ್​ ಸಮೇತ ಒಟ್ಟು 26 ರನ್​ ಬಿಟ್ಟುಕೊಟ್ಟಿದ್ದು ನಿರಾಸೆ ಮೂಡಿಸಿದೆ. ಗಾಳಿಯ ಕಾರಣದಿಂದಾಗಿ ನಾನು ಸರಿಯಾಗಿ ಬೌಲ್ ಮಾಡಲು ಆಗಲಿಲ್ಲ ಎಂದು ಸೇಲಂ ಸ್ಪಾರ್ಟನ್ಸ್ ತಂಡದ ನಾಯಕ ಅಭಿಷೇಕ್​ ತನ್ವರ್ ಪಂದ್ಯದ ನಂತರ ಬೇಸರ ವ್ಯಕ್ತಪಡಿಸಿದರು.

ತಂಡದ ನಾಯಕ ಮತ್ತು ಹಿರಿಯ ಆಟಗಾರನ ಈ ದುಬಾರಿ ಓವರ್​ ಟೀಕೆಗೆ ಗುರಿಯಾಗಿದೆ. ಅಲ್ಲದೇ, ಪಂದ್ಯದಲ್ಲಿ ಸೇಲಂ ಸ್ಪಾರ್ಟನ್​ ತಂಡ ಕೇವಲ 9 ವಿಕೆಟ್​ಗೆ 165 ಗಳಿಸಿ, 52 ರನ್​ಗಳಿಂದ ಭಾರಿ ಅಂತರದ ಸೋಲು ಕಂಡಿತು.

ಓದಿ: India Cricket Schedule 2023: ಭಾರತ ತಂಡದ ಟಿ20, ಏಕದಿನ, ಟೆಸ್ಟ್ ಪಂದ್ಯಗಳ ಸಂಪೂರ್ಣ ವೇಳಾಪಟ್ಟಿ