ಬ್ಯಾಂಕಾಕ್: ಒಲಿಂಪಿಕ್ ಚಾಂಪಿಯನ್ ಕರೊಲಿನಾ ಮರಿನ್ ಶನಿವಾರ ನಡೆದ ಥಾಯ್ಲೆಂಡ್ ಓಪನ್ ಸೆಮಿಫೈನಲ್ ಪಂದ್ಯದಲ್ಲಿ ಕೊರಿಯಾದ ಆನ್ ಸೆ ಯಂಗ್ ವಿರುದ್ಧ ಗೆದ್ದು ಫೈನಲ್ ಪ್ರವೇಶಿಸಿದ್ದಾರೆ.
5ನೇ ಶ್ರೇಯಾಂಕದ ಸ್ಪೇನಿನ ಆಟಗಾರ್ತಿಯು ಟೂರ್ನಿಯಲ್ಲಿ 7ನೇ ಶ್ರೇಯಾಂಕ ಪಡೆದಿದ್ದ ಕೊರಿಯಾದ ಯುವ ಶಟ್ಲರ್ ಆನ್ ಸೆ ಯಂಗ್ ರನ್ನು 51 ನಿಮಿಷ ನಡೆದ ಕಾದಾಟದಲ್ಲಿ ಸುಲಭವಾಗಿ ಮಣಿಸಿ ಫೈನಲ್ ಪ್ರವೇಶಿಸಿದ್ದಾರೆ. ಮರಿನ್ ಈ ಪಂದ್ಯವನ್ನು 21-18, 21-16ರಲ್ಲಿ ಗೆದ್ದುಕೊಂಡಿದ್ದಾರೆ.
ಥಾಯ್ಲೆಂಡ್ ಸೆಮಿಫೈನಲ್ ಪಂದ್ಯಗಳು
ಮತ್ತೊಂದು ಸೆಮಿಫೈನಲ್ ಪಂದ್ಯದಲ್ಲಿ ತೈವಾನ್ನ ತೈ ತ್ಸು-ಯಿಂಗ್ ಅವರು ಡೆನ್ಮಾರ್ಕ್ನ ಡ್ಯಾನಿಸ್ ಮಿಯಾ ಬ್ಲಿಚ್ಫೀಲ್ಡ್ ಅವರನ್ನು 21-8, 23-21ರಲ್ಲಿ ಮಣಿಸಿ ಫೈನಲ್ ಪ್ರವೇಶಿಸಿದ್ದಾರೆ. ಬ್ಲಿಚ್ಫೇಲ್ಡ್ ಭಾರತದ ಸ್ಟಾರ್ ಶಟ್ಲರ್ ಹಾಗೂ ವಿಶ್ವಚಾಂಪಿಯನ್ ಸಿಂಧುರನ್ನು ಮೊದಲ ಸುತ್ತಿನಲ್ಲಿ ಮಣಿಸಿ ಅಚ್ಚರಿ ಮೂಡಿಸಿದ್ದರು.
