ನವದೆಹಲಿ : ಭಾರತ ಸ್ಟಾರ್ ಶಟ್ಲರ್ ಕಿಡಂಬಿ ಶ್ರೀಕಾಂತ್ ಅವರು ಡೆನ್ಮಾರ್ಕ್ ಆ್ಯಂಡರ್ಸ್ ಆ್ಯಂಟೊನ್ಸನ್ ವಿರುದ್ಧ ಸೆಮಿಫೈನಲ್ಸ್ನಲ್ಲಿ ಸೋಲುವುದರೊಂದಿಗೆ ಇಂಡೋನೇಷಿಯಾ ಮಾಸ್ಟರ್ಸ್ನಲ್ಲಿ ಭಾರತದ ಸವಾಲು ಅಂತ್ಯಗೊಂಡಿದೆ.
ಶನಿವಾರ ನಡೆದ ಸೆಮಿಫೈನಲ್ ಕದನದಲ್ಲಿ ಶ್ರೀಕಾಂತ್ ಆ್ಯಂಟೊನ್ಸನ್ ವಿರುದ್ಧ 14-21, 9-21ರ ನೇರ ಸೆಟ್ಗಳಿಂದ ಸೋಲು ಕಂಡರು. ಇದು ಶ್ರೀಕಾಂತ್ಗೆ ಡೆನ್ಮಾರ್ಕ್ ಶಟ್ಲರ್ ವಿರುದ್ಧ ಸತತ 3ನೇ ಸೋಲಾಗಿದೆ.
ಇದಕ್ಕೂ ಮುನ್ನ ಒಲಿಂಪಿಕ್ಸ್ ಪದಕ ವಿಜೇತೆ ಪಿವಿ ಸಿಂಧು ಕೂಡ ಸೆಮಿಫೈನಲ್ನಲ್ಲಿ ಅಕಾನೆ ಯಮಗುಚಿ 13-21, 9-21ರ ಸೆಟ್ನಲ್ಲಿ ಸೋಲು ಕಂಡು ಟೂರ್ನಿಯಿಂದ ಹೊರ ಬಿದ್ದಿದ್ದರು. ಇವರಿಬ್ಬರ ಸೋಲಿನೊಂದಿಗೆ ಇಂಡೋನೆಷಿಯಾ ಮಾಸ್ಟರ್ಸ್ನಲ್ಲಿ ಭಾರತದ ಸವಾಲು ಅಂತ್ಯವಾಗಿದೆ.
ಇದನ್ನೂ ಓದಿ:2022ರ ಐಪಿಎಲ್ನಲ್ಲಿ ಭಾಗವಹಿಸುವಿಕೆಯ ಬಗ್ಗೆ ಕುತೂಹಲಕಾರಿ ಹೇಳಿಕೆ ನೀಡಿದ ಎಂಎಸ್ ಧೋನಿ
