ಬ್ಯಾಂಕಾಕ್: ಮಿಶ್ರ ಡಬಲ್ಸ್ನಲ್ಲಿ ಸಾತ್ವಿಕ್ ಮತ್ತು ಅಶ್ವಿನಿ ಪೊನ್ನಪ್ಪ ಅವರು ಹಾಂಗ್ಕಾಂಗ್ನ ಚಂಗ್ ತಾಕ್ ಚಿಂಗ್ ಮತ್ತು ಎನ್‌ಜಿ ವಿಂಗ್‌ ಯುಂಗ್‌ ಜೋಡಿಯ ವಿರುದ್ಧ 2ನೇ ಸುತ್ತಿನ ಪಂದ್ಯದಲ್ಲಿ ಸೋಲು ಕಾಣುವ ಮೂಲಕ ಟೂರ್ನಿಯಲ್ಲಿ ಭಾರತೀಯರ ಸವಾಲು ಮುಗಿಯಿತು.
ಭಾರತದ ಪರ ಕೊನೆಯ ಸ್ಪರ್ಧಿಯಾಗಿದ್ದ ಸಾತ್ವಿಕ್ ಮತ್ತು ಪೊನ್ನಪ್ಪ ಜೋಡಿ 12-21, 17-21ರಲ್ಲಿ ಹಾಂಗ್ ಕಾಂಗ್ ಜೋಡಿ ವಿರುದ್ಧ ನೇರ ಗೇಮ್ಗಳ ಸೋಲು ಕಂಡು 10 ತಿಂಗಳ ಬಳಿಕ ನಡೆದ ಅಂತಾರಾಷ್ಟ್ರೀಯ ಟೂರ್ನಿಯಿಂದ ಹೊರಬಿದ್ದರು.
ಇದಕ್ಕೂ ಮುನ್ನ ಗುರುವಾರ ಕಿಡಂಬಿ ಶ್ರೀಕಾಂತ್ ಗಾಯದ ಸಮಸ್ಯೆಯಿಂದ ಟೂರ್ನಿಯಿಂದ ಹೊರಬಂದರೆ ಒಲಿಂಪಿಕ್ ಪದಕ ವಿಜೇತೆ ಸೈನಾ ನೆಹ್ವಾಲ್ ಥಾಯ್ಲೆಂಡ್ನ ಬುಸಾನನ್ ಒಂಗ್ ಬಮ್ರಂಗ್‌ಫಾನ್ ವಿರುದ್ಧದ 23-21, 14-21, 16-21ರ ರೋಚಕ ಕದನದಲ್ಲಿ ಸೋಲು ಕಂಡರು.
ಭಾರತದ ಪುರುಷರ ಡಬಲ್ಸ್ ಜೋಡಿ ಸಾತ್ವಿಕ್ ಸಾಯಿರಾಜ್‌ ರಾಂಕಿರೆಡ್ಡಿ ಮತ್ತು ಚಿರಾಗ್ ಶೆಟ್ಟಿ ಕೂಡ ತಮ್ಮ 2ನೇ ಸುತ್ತಿನ ಪಂದ್ಯದಲ್ಲಿ ಇಂಡೋನೇಷ್ಯಾದ ಮೊಹಮ್ಮದ್ ಅಹ್ಸಾನ್ ಮತ್ತು ಹೆಂಡ್ರಾ ಸೆಟಿಯವಾನ್ ವಿರುದ್ಧ 21-19, 21-17ರಿಂದ ಸೋಲು ಕಂಡರು.
ಇದೇ ಟೂರ್ನಿಯ ಮೊದಲ ಸುತ್ತಿನ ಪಂದ್ಯದಲ್ಲಿ ಒಲಿಂಪಿಕ್ ಬಾಂಡ್ ಸ್ಪರ್ಧಿಗಳಾದ ಪಿವಿ ಸಿಂಧು, ಸಾಯಿ ಪ್ರಣೀತ್ ಮೊದಲ ಸುತ್ತಿನಲ್ಲೇ ಸೋತು ನಿರಾಶೆ ಅನುಭವಿಸಿದ್ದರು.
ಇದನ್ನು ಓದಿ:ಕೇರಳ ಪರ ಶತಕ ಸಿಡಿಸಿದ ಅಜರುದ್ದೀನ್ಗೆ ಬಂಪರ್: 1 ರನ್ಗೆ 1,000 ರೂ.ನಂತೆ ಬಹುಮಾನ!
