ಬಾರ್ಸಿಲೋನಾ : ಭಾರತದ ಅನುಭವಿ ಬ್ಯಾಡ್ಮಿಂಟನ್ ಆಟಗಾರ್ತಿ ಸೈನಾ ನೆಹ್ವಾಲ್ ಕಾರ್ಟರ್ ಫೈನಲ್ನಲ್ಲಿ ಥಾಯ್ಲೆಂಡ್ನ ಆಟಗಾರ್ತಿ ವಿರುದ್ಧ ಸೋಲು ಕಾಣುವ ಮೂಲಕ ಬಾರ್ಸಿಲೋನಾ ಸ್ಪೇನ್ ಮಾಸ್ಟರ್ಸ್‌ನಿಂದ ಹೊರ ಬಿದ್ದಿದ್ದಾರೆ.
ಸೈನಾ ನೆಹ್ವಾಲ್ ಕ್ವಾರ್ಟರ್ ಫೈನಲ್ನಲ್ಲಿ ಥಾಯ್ಲೆಂಡ್ನ ಬುಸನನ್ ಒಂಗ್‌ಬಮ್ರುಂಗ್‌ಫಾನ್‌ ವಿರುದ್ಧ 20-22, 19-21 ಅಂತರದಲ್ಲಿ ರೋಚಕ ಸೋಲು ಕಂಡಿದ್ದಾರೆ. ಸೈನಾ ಥಾಯ್ ಆಟಗಾರ್ತಿಯ ವಿರುದ್ಧ 3-2ರಲ್ಲಿ ಮುನ್ನಡೆ ಇದ್ದರೂ ಈ ಪಂದ್ಯದಲ್ಲಿ ಬುಸನೆನ್ ವಿರುದ್ಧ ಗೆಲ್ಲಲಾಗಲಿಲ್ಲ. ಈ ಮೂಲಕ ಪ್ರಶಸ್ತಿ ಬರ ಮುಂದುವರಿಸುವಂತಾಯಿತು. ಮೊದಲ ಮೂರು ಕಾದಾಟದಲ್ಲಿ ಬುಸನನ್ ವಿರುದ್ಧ ಗೆಲುವು ಸಾಧಿಸಿದ್ದ ಸೈನಾ, ಇದೀಗ ಕೊನೆಯ ಮೂರೂ ಪಂದ್ಯಗಳಲ್ಲಿ ಸೋಲು ಕಂಡಂತಾಗಿದೆ.
ಪುರುಷರ ಕ್ವಾರ್ಟರ್ ಫೈನಲ್ನಲ್ಲಿ ಅಜಯ್ ಜಯರಾಮ್ ಫ್ರಾನ್ಸ್ನ ಥಾಮಸ್ ರೌಕ್ಸೆಲ್ ವಿರುದ್ಧ 21-14, 21-15ರಲ್ಲಿ ಮಣಿಸಿ ಸೆಮಿಫೈನಲ್ ಪ್ರವೇಶಿಸಿದ್ದಾರೆ. ಅವರು ಈ ಹಿಂದಿನ ಸುತ್ತಿನಲ್ಲಿ ಭಾರತದ ಸ್ಟಾರ್ ಆಟಗಾರ ಕಿಡಂಬಿ ಶ್ರೀಕಾಂತ್ ವಿರುದ್ಧ ಗೆಲುವು ಸಾಧಿಸಿದ್ದರು.
ಕ್ವಾರ್ಟರ್ ಫೈನಲ್ ಪ್ರವೇಶಿಸಿದ್ದ ಮತ್ತೊಬ್ಬ ಭಾರತೀಯ ಆಟಗಾರ ಸಮೀರ್ ವರ್ಮಾ ಥಾಯ್ಲೆಂಡ್ನ ಕುನ್ಲಾವತ್‌ ವಿತಿದ್‌ಸರ್ನ್‌ ವಿರುದ್ಧ 21-17, 17-21, 12-21 ರಿಂದ ಸೋಲು ಕಾಣುವ ಮೂಲಕ ನಿರಾಶೆ ಅನುಭವಿಸಿದರು.
