ಬಿಗ್ ಬಾಸ್ ಫಿನಾಲೆ‌ಗೆ ದಿನಗಣನೆ ಆರಂಭವಾಗಿದೆ. ಮನೆಯ ಸದಸ್ಯರು ವೈಯುಕ್ತಿಕ ಆಟಗಳನ್ನು ಆಡುತ್ತಾ ತಮ್ಮ ಸ್ಥಾನ ಭದ್ರಪಡಿಸಿಕೊಳ್ಳುತ್ತಿದ್ದಾರೆ. ಈ ನಡುವೆ ಬಿಗ್ ಬಾಸ್ ನೀಡಿದ್ದ 'ನೀನಾ ನಾನಾ' ಟಾಸ್ಕ್ನಲ್ಲಿ ಶುಭಾ ಪೂಂಜಾ ಅತಿ ಕಡಿಮೆ ಅಂಕಗಳನ್ನು ಗಳಿಸಿ ಮುಂದಿನ ವಾರಕ್ಕೆ ನೇರ ನಾಮಿನೇಟ್ ಆಗಿದ್ದಾರೆ.
ಟಾಸ್ಕ್ಗಳಲ್ಲಿ ಭಾಗವಹಿಸಿರೂ ಗೆಲ್ಲಲು ಸಾಧ್ಯವಾಗದೇ ಶುಭಾ ಹಿಂದುಳಿದಿದ್ದು, ಹಾಗಾಗಿ, ಬಿಗ್ ಬಾಸ್ ಶುಭಾಗೆ ಶಾಕ್ ನೀಡಿದ್ದಾರೆ.
"ಶುಭಾ ನೀವು ಕಡಿಮೆ ಅಂಕ ಪಡೆದು ಕೊನೆಯ ಸ್ಥಾನದಲ್ಲಿದ್ದೀರಿ. ಹೀಗಾಗಿ, ಈ ವಾರ ಎಲಿಮಿನೇಷ್ನಿಂದ ಸೇವ್ ಆದರೂ, ನೀವು ಕಡಿಮೆ ಅಂಕ ಹೊಂದಿದ್ದರಿಂದ ಮುಂದಿನ ವಾರಕ್ಕೆ ನೇರವಾಗಿ ನಾಮಿನೇಟ್ ಆಗುತ್ತೀರಿ' ಎಂದು ಬಿಗ್ ಬಾಸ್ ಹೇಳಿದೆ. ಹಾಗಾಗಿ, ಟಾಪ್ ಐದರಲ್ಲೂ ಶುಭಾ ಇರುವುದು ಸಂದೇಹವಾಗಿದೆ.
ಓದಿ : Bigg Boss ಮನೆಯಲ್ಲಿ ಮತ್ತೆ ಜೈಲು ಸೇರಿದ ಪ್ರಶಾಂತ್ ಸಂಬರಗಿ
ಬಿಗ್ಬಾಸ್ ಆರಂಭದಿಂದಲೂ ಮನೆಯಲ್ಲಿ ಮಗುವಿನಂತೆ ಆಡಿಕೊಂಡು ಎಲ್ಲರನ್ನೂ ನಗಿಸುತ್ತಾ ಶುಭಾ ಇದ್ದರು. ಆದರೆ, ಟಾಸ್ಕ್ಗಳಲ್ಲಿ ಗೆಲ್ಲಲು ಶ್ರಮವಹಿಸಲಿಲ್ಲ. ಹಲವು ವಾರಗಳ ಕಾಲ ನಾಮಿನೇಷನ್ ತೂಗುಗತ್ತಿ ಶುಭಾ ತಲೆ ಮೇಲೆ ಇತ್ತು. ಬಿಗ್ ಬಾಸ್ ಪ್ರಕಾರ ಈ ವಾರ ಸೇವ್ ಆದರೂ, ಮುಂದಿನ ವಾರ ಡಬಲ್ ಎಲಿಮಿನೇಷನ್ ನಡೆಯಬಹುದು. ಆಗ ಶುಭಾ ಹೊರಹೋಗಲುಬಹುದು.
