ಹೈದರಾಬಾದ್: ನಟ ಪ್ರಭಾಸ್ ಅವರು ಸಂಗ್ರಹ ಮಾಡಿದ ಕಾರುಗಳ ಲಿಸ್ಟ್ಗೆ ಮತ್ತೊಂದು ಐಷಾರಾಮಿ ಕಾರು ಸೇರ್ಪಡೆಗೊಂಡಿದೆ. ಬಾಹುಬಲಿ ಖ್ಯಾತಿಯ ನಟ ಪ್ರಭಾಸ್ 6 ಕೋಟಿ ರೂ. ಬೆಲೆಯ ಲ್ಯಾಂಬೋರ್ಗಿನಿ ಅವೆಂಟಡಾರ್ ಎಸ್ ರೋಡ್ಸ್ಟರ್ ಕಾರನ್ನು ಖರೀದಿಸಿದ್ದಾರೆ.
ಈ ಐಷಾರಾಮಿ ಕಾರಿನಲ್ಲಿ ಪ್ರಭಾಸ್ ಸವಾರಿ ಮಾಡುತ್ತಿರುವ ವಿಡಿಯೋ ಮತ್ತು ಫೋಟೋಗಳು ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿವೆ. ಪ್ರಭಾಸ್ ಈಗಾಗಲೇ ಬಿಎಂಡಬ್ಲ್ಯು 520 ಡಿ, ಇನ್ನೋವಾ ಕ್ರಿಸ್ಟಾ, ಜಾಗ್ವಾರ್ ಎಕ್ಸ್‌ಜೆಎಲ್ ಮತ್ತು ರೇಂಜ್ ರೋವರ್ ವೋಗ್‌ನಂತಹ ಐಷಾರಾಮಿ ಕಾರುಗಳನ್ನು ಹೊಂದಿದ್ದಾರೆ.
- " class="align-text-top noRightClick twitterSection" data="
">
ಲ್ಯಾಂಬೋರ್ಗಿನಿ ಕಾರು ಅತೀ ಹೆಚ್ಚು ಬೆಲೆಬಾಳುವ ಕಾರುಗಳಲ್ಲಿ ಒಂದು. ಇದನ್ನು ಖ್ಯಾತ ಭಾರತೀಯ ಸೆಲೆಬ್ರಿಟಿಗಳು ಖರೀದಿಸಿದ್ದಾರೆ. ಪ್ರಭಾಸ್ ಅಭಿಮಾನಿಗಳು ತಮ್ಮ ನೆಚ್ಚಿನ ನಟ ಕಾರು ಖರೀದಿಸಿದ್ದರಿಂದ ಸಂತೋಷಗೊಂಡಿದ್ದು, ಟ್ವಿಟರ್ನಲ್ಲಿ ಟ್ರೆಂಡಿಂಗ್ ಕ್ರಿಯೇಟ್ ಮಾಡಿದ್ದಾರೆ.
ಸೋಶಿಯಲ್ ಮೀಡಿಯಾದಲ್ಲಿ ಹರಿದಾಡುತ್ತಿರುವ ವೈರಲ್ ವಿಡಿಯೋಗಳಲ್ಲಿ, ಪ್ರಭಾಸ್ ಅವರು ಕಾರನ್ನು ಅನಾವರಣಗೊಳಿಸುವುದು ಮತ್ತು ರಾತ್ರಿ ವೇಳೆ ಚಲಾಯಿಸುತ್ತಿರುವುದು ಕಾಣಬಹುದು.
ಪ್ರಭಾಸ್ ತಮ್ಮ ಮುಂಬರುವ ಸಿನಿಮಾ ಆದಿಪುರುಷ್ಗಾಗಿ ಸಿದ್ಧತೆ ಮಾಡುತ್ತಿದ್ದಾರೆ. ಈ ವರ್ಷದ ಜುಲೈ 30 ರಂದು ತೆಲುಗು, ತಮಿಳು, ಹಿಂದಿ, ಕನ್ನಡ ಮತ್ತು ಮಲಯಾಳಂನಲ್ಲಿ ಬಿಡುಗಡೆಯಾಗಲಿರುವ ರಾಧೆ - ಶ್ಯಾಮ್ ಎಂಬ ರೊಮ್ಯಾಂಟಿಕ್ ಸಿನಿಮಾದಲ್ಲಿಯೂ ಪ್ರಭಾಸ್ ಅಭಿನಯಿಸಿದ್ದಾರೆ.
