ಕನ್ನಡದ ಜನಪ್ರಿಯ ರಿಯಾಲಿಟಿ ಶೋ ಬಿಗ್ ಬಾಸ್ ಈ ತಿಂಗಳಿನಲ್ಲಿ ಆರಂಭಗೊಳ್ಳಲಿದೆ. ಈಗಾಗಲೇ ಯಾರೆಲ್ಲಾ ಬಿಗ್ ಬಾಸ್ ಮನೆಯೊಳಗೆ ಕಾಲಿಡಲಿದ್ದಾರೆ ಎಂಬ ಲೆಕ್ಕಾಚಾರ ನಡೆಯುತ್ತಿದೆ. ಒಂದಷ್ಟು ಹೆಸರುಗಳು ಕೂಡಾ ಕೇಳಿಬಂದಿವೆ. ಇವರಲ್ಲಿ ನಟಿ ಗೀತಾ ಭಾರತ್ ಭಟ್ ಕೂಡಾ ಬಿಗ್ಬಾಸ್ಗೆ ಹೋಗಲಿದ್ದಾರೆ ಎನ್ನಲಾಗುತ್ತಿದೆ.
ಗೀತಾ ಸದ್ಯಕ್ಕೆ 'ಬ್ರಹ್ಮಗಂಟು' ಧಾರಾವಾಹಿಯಲ್ಲಿ ನಾಯಕಿ ಗೀತಾ ಆಗಿ ನಟಿಸುತ್ತಿದ್ದು ಬಿಗ್ಬಾಸ್ ಸೀಸನ್ 8 ರ ಸ್ಪರ್ಧಿಯಾಗಿ ಭಾಗವಹಿಸಲಿದ್ದಾರೆ ಎನ್ನಲಾಗುತ್ತಿದೆ. ಹಾಗಾದ್ರೆ ಇನ್ಮುಂದೆ ಗೀತಾ 'ಬ್ರಹ್ಮಗಂಟು' ಧಾರಾವಾಹಿಯಲ್ಲಿ ಕಾಣಿಸಿಕೊಳ್ಳುವುದಿಲ್ವಾ ಎಂದು ಅನುಮಾನ ಕಾಡುವುದು ಸಹಜ. ಆದರೆ ಗೀತಾ ಧಾರಾವಾಹಿಯನ್ನು ಕೂಡಾ ಬಿಡುವುದಿಲ್ಲವಂತೆ. ಇದು ಹೇಗೆ ಸಾಧ್ಯ ಅಂತೀರಾ..? ಬಿಗ್ಬಾಸ್ಗೆ ಹೋಗುವ ಸಲುವಾಗಿ ಗೀತಾ ಧಾರಾವಾಹಿಯ ಮುಂಬರುವ ಎಪಿಸೋಡ್ಗಳಲ್ಲಿ ಹಗಲು ರಾತ್ರಿ ಎನ್ನದೆ ಚಿತ್ರೀಕರಣದಲ್ಲಿ ತೊಡಗಿದ್ದಾರೆ ಎಂಬ ಮಾತು ಕೂಡಾ ಕೇಳಿ ಬರುತ್ತಿದೆ. ಗೀತಾ ಬಿಗ್ಬಾಸ್ಗೆ ಹೋಗಲಿದ್ದಾರಾ ಇಲ್ಲವಾ ಎಂಬುದು ಕಾರ್ಯಕ್ರಮದ ಓಪನಿಂಗ್ನಲ್ಲಿ ತಿಳಿಯಲಿದೆ.
ಇದನ್ನೂ ಓದಿ: ಆ ವಿಶೇಷ ದಿನದಂದು ಅಭಿಮಾನಿಗಳಿಗೆ ಉಡುಗೊರೆ ನೀಡಲು ಮುಂದಾದ 'ರಾಧೇಶ್ಯಾಮ್' ತಂಡ
ಹಿಂದಿಯ ಬಡೋ ಬಹು ರೀಮೇಕ್ ಆಗಿರುವ ಬ್ರಹ್ಮಗಂಟು ಧಾರಾವಾಹಿ ಜೀ ಕನ್ನಡದಲ್ಲಿ ಪ್ರಸಾರವಾಗುತ್ತಿದ್ದು ಗೀತಾ ಈ ಧಾರಾವಾಹಿಯಲ್ಲಿ ಪ್ರಮುಖ ಪಾತ್ರದಲ್ಲಿ ನಟಿಸುತ್ತಿದ್ದಾರೆ. ಇವರೊಂದಿಗೆ ಭರತ್ ಬೋಪಣ್ಣ, ಸಂಜನಾ ಚಿದಾನಂದ್, ಟಿ. ಎಸ್. ನಾಗಾಭರಣ, ಶೋಭಿತಾ ಶಿವಣ್ಣ, ಸ್ವಾತಿ ಹಾಗೂ ಇನ್ನಿತರರು ನಟಿಸುತ್ತಿದ್ದಾರೆ. ಧಾರಾವಾಹಿಯನ್ನು ಶ್ರುತಿ ನಾಯ್ಡ ನಿರ್ಮಿಸುತ್ತಿದ್ದಾರೆ.
