ಬದಲಾವಣೆಗಳೊಂದಿಗೆ ಮತ್ತೆ ಬಿಡುಗಡೆಯಾಯ್ತು 'ಕೋಲುಮಂಡೆ' ಹಾಡು

ಗೌರಿ ಹಬ್ಬದಂದು ಚಂದನ್ ಶೆಟ್ಟಿ ಬಿಡುಗಡೆ ಮಾಡಿದ್ದ 'ಕೋಲುಮಂಡೆ' ಹಾಡಿಗೆ ಆಕ್ಷೇಪ ವ್ಯಕ್ತವಾಗಿದ್ದರಿಂದ ಆ ಹಾಡು ಯೂಟ್ಯೂಬ್​​​ನಿಂದ ಡಿಲೀಟ್ ಆಗಿತ್ತು. ಆದರೆ ಇದೀಗ ಮತ್ತೆ ಕೆಲವೊಂದು ಬದಲಾವಣೆಗಳೊಂದಿಗೆ ಚಂದನ್ ಶೆಟ್ಟಿ ಬಿಡುಗಡೆ ಮಾಡಿದ್ದಾರೆ.

ಚಂದನ್​​ ಶೆಟ್ಟಿ, ತಮ್ಮ ವಿಭಿನ್ನ ರ್‍ಯಾಪ್ ಹಾಡುಗಳ ಮೂಲಕವೇ ಸಂಗೀತ ಪ್ರಿಯರ ಮನಗೆದ್ದ ಸಂಗೀತ ನಿರ್ದೇಶಕ. ಬಿಗ್​ ಬಾಸ್​​​​ಗೆ ಬರುವ ಮುನ್ನ ಚಂದನ್ ಶೆಟ್ಟಿ ಬಗ್ಗೆ ಯಾರಿಗೂ ಹೆಚ್ಚಾಗಿ ತಿಳಿದಿರಲಿಲ್ಲ. ಆದರೆ ಬಿಗ್​ ಬಾಸ್​​​ನಲ್ಲಿ ಭಾಗವಹಿಸಿದ ಬಳಿಕವಷ್ಟೇ ಚಂದನ್ ಶೆಟ್ಟಿ ಪ್ರತಿಭೆ ಏನೆಂಬುದು ಎಲ್ಲರಿರೂ ತಿಳಿಯಿತು.

• " class="align-text-top noRightClick twitterSection" data="">

ಇನ್ನು ಚಂದನ್ ಶೆಟ್ಟಿ ಇತ್ತೀಚೆಗೆ ಬಿಡುಗಡೆ ಮಾಡಿದ್ದ 'ಕೋಲುಮಂಡೆ' ಹಾಡು ವಿವಾದಕ್ಕೆ ಒಳಗಾಗಿದ್ದು ಗೊತ್ತಿರುವ ವಿಚಾರ. ಈ ಹಾಡು ಬಿಡುಗಡೆಯಾದಾಗ ಮೈಸೂರು, ಚಾಮರಾಜನಗರ ಭಾಗದ ಜನರು ತೀವ್ರ ಆಕ್ಷೇಪ ವ್ಯಕ್ತಪಡಿಸಿದ್ದರು. ಈ ಹಾಡಿನಲ್ಲಿ ಶರಣೆ ಸಂಕಮ್ಮ ಅವರನ್ನು ಅಶ್ಲೀಲವಾಗಿ ತೋರಿಸಲಾಗಿದೆ. ಈ ಮೂಲಕ ಮಹದೇಶ್ವರ ಭಕ್ತರ ಭಾವನೆಗಳಿಗೆ ಚಂದನ್ ಶೆಟ್ಟಿ ಧಕ್ಕೆಯುಂಟುಮಾಡಿದ್ದಾರೆ ಎಂಬ ಆಕ್ರೋಶ ವ್ಯಕ್ತವಾಯ್ತು. ಆಗ ಚಂದನ್ ಶೆಟ್ಟಿ ಯೂಟ್ಯೂಬ್​​​​ನಿಂದ ಹಾಡನ್ನು ಡಿಲೀಟ್ ಮಾಡಿದ್ದರು. ಕೆಲವರು ಚಂದನ್ ಶೆಟ್ಟಿ ಪರವಾಗಿ ಕೂಡಾ ನಿಂತಿದ್ದರು.

ಚಂದನ್ ಶೆಟ್ಟಿ

ಇದೀಗ ಚಂದನ್ ಶೆಟ್ಟಿ ಮತ್ತೆ ಕೋಲುಮಂಡೆ ಹಾಡನ್ನು ಆನಂದ್ ಆಡಿಯೋ ಯೂಟ್ಯೂಬ್​​ ಮೂಲಕ ಕೆಲವು ಬದಲಾವಣೆಗಳೊಂದಿಗೆ ಬಿಡುಗಡೆ ಮಾಡಿದ್ದಾರೆ. ಆದರೆ ಇದು ಲಿರಿಕಲ್ ವಿಡಿಯೋ ಹಾಡಾಗಿದ್ದು ವಿಡಿಯೋ ಬದಲಿಗೆ ಚಂದನ್​ ಶೆಟ್ಟಿಯ ಕೆಲವೊಂದು ಫೋಟೋಗಳಿವೆ. ಕೋಲುಮಂಡೆ ಹಾಡು ಮತ್ತೊಮ್ಮೆ ಬಿಡುಗಡೆಯಾಗಿರುವುದಕ್ಕೆ ಚಂದನ್ ಶೆಟ್ಟಿ ಅಭಿಮಾನಿಗಳು ಸಂತೋಷ ವ್ಯಕ್ತಪಡಿಸಿದ್ದಾರೆ.