ಮೂರನೇ ವಾರ ಬಿಗ್ ಬಾಸ್ ಮನೆಯಿಂದ ನಟಿ ಗೀತಾ ಭಾರತಿ ಭಟ್ ಮನೆಯಿಂದ ಹೊರ ಬಂದಿದ್ದಾರೆ.
ಕಾರ್ಕಳ ಮೂಲದ ಗೀತಾ ಭಾರತಿ ಭಟ್ ಮೂರನೇ ವಾರದ ಎಲಿಮಿನೇಷನ್‌ನಲ್ಲಿ ಹೆಚ್ಚಿನ ವೋಟ್ ಸಿಗದೇ ಎಲಿಮಿನೇಟ್ ಆಗಿದ್ದಾರೆ. ಕಳೆದ ಎರಡು ವಾರದಿಂದ ಗೀತಾ ನಾಮಿನೇಟ್ ಆಗಿದ್ದರು. ಕಳೆದ ವಾರವೇ ಸುದೀಪ್ ಎಚ್ಚರಿಕೆ ನೀಡಿದ್ದರು.
ಸೂಪರ್ ಸಂಡೇ ವಿತ್ ಸುದೀಪ್ ಎಪಿಸೋಡ್ನಲ್ಲಿ ಶಮಂತ್, ದಿವ್ಯ ಉರುಡುಗ, ರಘು, ವಿಶ್ವ ಹಾಗೂ ಗೀತಾ ನಾಮಿನೇಷನ್ ಪಟ್ಟಿಯಲ್ಲಿದ್ದರು. ಮನೆಯ ಹೆಚ್ಚು ಸದಸ್ಯರ ಪೈಕಿ ಶಮಂತ್ ಈ ವಾರ ಮನೆಯಿಂದ ಹೊರ ಹೋಗುವ ಎಲ್ಲಾ ಸಾಧ್ಯತೆಗಳಿವೆ ಎಂದು ನಂಬಿದ್ದರು. ಆದರೆ ಅನಿರೀಕ್ಷಿತವಾಗಿ ಗೀತಾ ಹೊರ ಬಂದಿದ್ದಾರೆ.
ಸುದೀಪ್ ಅವರೊಂದಿಗೆ ವೇದಿಕೆ ಮೇಲೆ ಮಾತನಾಡಿದ ಗೀತಾ, ನನ್ನದು ಹೆಚ್ಚು ಯಾರಿಗೂ ನೋವು ಕೊಡದೆ ಇರುವ ವ್ಯಕ್ತಿತ್ವ. ಸಣ್ಣ ವಿಷಯಕ್ಕೂ ನಾನು ಎಮೋಷನಲ್ ಆಗುತ್ತೇನೆ. ಶಾಂತವಾಗಿ ಎಲ್ಲರನ್ನು ಗೆಲ್ಲುವ ವಿಶ್ವಾಸ ನನಗಿದೆ. ಅದಕ್ಕೂ ಮೀರಿದ ಪರಿಸ್ಥಿತಿ ಬಂದರೆ ಎದುರು ನಿಲ್ಲುವ ಶಕ್ತಿ ನನಗಿದೆ ಎಂದಿದ್ದೆ. ಆದರೆ ಅಂತಹ ಪರಿಸ್ಥಿತಿ ಕಳೆದ ಮೂರು ವಾರದಲ್ಲಿ ಬರಲಿಲ್ಲ.
ನಟನೆ ಹಾಗೂ ಹಾಡು ಮುಂದುವರೆಸುತ್ತೇನೆ. ನಾವು ಇಂದಿಗೂ ಶೀಟ್ ಮನೆಯಲ್ಲೇ ಇದ್ದೀವಿ. ಜೀವನ ದೊಡ್ಡದು, ಅವಕಾಶಗಳು ಸಿಗಲಿವೆ. ಆರೋಗ್ಯದ ಬಗ್ಗೆ ಗಮನ ಕೊಡ್ತೀನಿ ಎಂದು ಭಾವುಕರಾಗಿ ನುಡಿದರು.
