ಬೈಕ್ ರೇಸ್ನಲ್ಲಿ ಭಾರತವನ್ನು ಪ್ರತಿನಿಧಿಸಿದ್ದ ಕನ್ನಡಿಗ ಕೆ.ಪಿ. ಅರವಿಂದ್ ಅವರ ಬೈಕ್ ಬಿಗ್ಬಾಸ್ ಮನೆಯ ಗಾರ್ಡನ್ ಏರಿಯಾದಲ್ಲಿ ಕಂಗೊಳಿಸಿತು. ಬೈಕ್ ನೋಡಿ ಅರವಿಂದ್ ಹಾಗೂ ಬಿಗ್ ಬಾಸ್ ಮನೆಯ ಸದಸ್ಯರು ಸಂತಸಗೊಂಡರು.
ಬಿಗ್ ಬಾಸ್ ಮನೆಯಲ್ಲಿ ಈಡೇರದೆ ಇರುವ ಆಸೆಯ ಬಗ್ಗೆ ಹೇಳಿಕೊಳ್ಳಲು ಬಿಗ್ ಬಾಸ್ ಹೇಳಿದ್ದರು. ಅದರಂತೆ ಅರವಿಂದ್ ತಮ್ಮ ಬೈಕ್‌ನ್ನು ಗಾರ್ಡನ್ ಏರಿಯಾದಲ್ಲಿ ನೋಡಬೇಕು ಎಂಬ ಆಸೆಯನ್ನು ವ್ಯಕ್ತಪಡಿಸಿದ್ದರು.
ಅರವಿಂದ್ ಆಸೆಪಟ್ಟಂತೆ ಸಂಜೆ ಹೊತ್ತಿಗೆ ಗಾರ್ಡನ್ ಏರಿಯಾದಲ್ಲಿ ಬೈಕ್ ಸದ್ದು ಮಾಡಿತು. ಬೈಕ್ ಜೊತೆಗೆ ಅರವಿಂದ್ ಅವರ ಫೋಟೋವಾಲ್ ಕೂಡ ಮಾಡಲಾಗಿತ್ತು. ಇದು ಅರವಿಂದ್ ಅವರಿಗೆ ಸಖತ್ ಸರ್ಪ್ರೈಸ್ ನೀಡಿತು. ಬಳಿಕ ಬೈಕ್ ಬಗ್ಗೆ ಮನೆಯ ಸದಸ್ಯರಿಗೆ ಅರವಿಂದ್ ವಿವರಿಸಿದರು. ಅಲ್ಲದೇ, ಅದನ್ನು ಸ್ಟಾರ್ಟ್ ಮಾಡಿ ತೋರಿಸಿದರು. ಮನೆಯ ಸದಸ್ಯರು ಖುಷಿಪಟ್ಟರು.
ಜೊತೆಗೆ ತಮ್ಮ ಫೋಟೋವಾಲ್ ನೋಡಿ ಬಿಗ್ ಬಾಸ್ ಮನೆಯಲ್ಲಿ ಕಳೆದ ದಿನಗಳನ್ನು ನೆನೆದರು. ಬಿಗ್ ಬಾಸ್ ಅನುಮತಿ ನೀಡಿದರೆ ಈ ಫೊಟೋವಾಲ್ ಅನ್ನು ಮನೆಗೆ ತೆಗೆದುಕೊಂಡು ಹೋಗುತ್ತೇನೆ ಎಂಬ ಆಸೆ ವ್ಯಕ್ತಪಡಿಸಿದರು.
