ಹೈದರಾಬಾದ್ : ಸಿಟ್ಟಿನಲ್ಲಿ, ಮಾತಿನ ಭರದಲ್ಲಿ ರೆಮ್ಡಿಸಿವಿರ್ ಎನ್ನುವ ಬದಲು 'ರೆಮೊ ಡಿಸೋಜಾ' ಎಂದು ಹೇಳಿರುವ ಯುವಕನ ವಿಡಿಯೋ ಹಲವರಿಗೆ ನಗು ತರಿಸಿದೆ. ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಸಖತ್ ವೈರಲ್ ಆಗಿದೆ.
ಈ ವಿಡಿಯೋ ನೋಡಿ ಬಾಲಿವುಡ್‌ನ ನೃತ್ಯ ಸಂಯೋಜಕ ಹಾಗೂ ನಿರ್ದೇಶಕ ರೆಮೊ ಡಿಸೋಜಾ ಬಿದ್ದು ಬಿದ್ದು ನಕ್ಕಿದ್ದಾರೆ. ಖುದ್ದು ರೆಮೊ ಡಿಸೋಜಾ ಈ ವಿಡಿಯೋವನ್ನು ತಮ್ಮ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ.
ಈ ವಿಡಿಯೋದ ಅಂತ್ಯದ ದೃಶ್ಯವನ್ನು ಮಿಸ್ ಮಾಡಬೇಡಿ, ಎಲ್ಲರು ನಗುವುದಕ್ಕಾಗಿ ಅಷ್ಟೇ ಎಂದು ಬರೆದುಕೊಂಡಿದ್ದಾರೆ.
- " class="align-text-top noRightClick twitterSection" data="
">
ರೆಮ್ಡಿಸಿವಿರ್ ಇಂಜೆಕ್ಷನ್ ಬೆಲೆ ಹಾಗೂ ಸರ್ಕಾರದ ವಿರುದ್ಧ ಯುವಕನೊಬ್ಬ ಖಾಸಗಿ ವಾಹಿನಿಯೊಂದರ ಜೊತೆಗೆ ಮಾತನಾಡುವಾಗ ಆಕ್ರೋಶ ವ್ಯಕ್ತಪಡಿಸಿದ್ದಾನೆ. ಈ ವೇಳೆ ರೆಮ್ಡಿಸಿವಿರ್ ಎನ್ನುವ ಬದಲು ರೆಮೊ ಡಿಸೋಜಾ ಎಂದು ಹೇಳಿದ್ದಾನೆ.
ಏತನ್ಮಧ್ಯೆ, ಜೇ ಭನುಶಾಲಿ, ಭಾರತಿ ಸಿಂಗ್, ಗೌರವ್ ಗೆರಾ, ಸುಗಂಧ ಮಿಶ್ರಾ ಭೋಸಲೆ ಮತ್ತು ಇತರರ ಸೆಲೆಬ್ರಿಟಿಗಳ ಕಾಮೆಂಟ್ಗಳು ಸೇರಿದಂತೆ ರೆಮೋ ಇನ್ಸ್ಟಾಗ್ರಾಮ್ ಪುಟದಲ್ಲಿ ಈ ವಿಡಿಯೋ 2 ಮಿಲಿಯನ್ ವೀಕ್ಷಣೆ ಗಳಿಸಿದೆ.
