ನಿನ್ನೆಯಷ್ಟೇ ಟ್ರೇಲರ್ ರಿಲೀಸ್ ಮಾಡಿರುವ ಚಿತ್ರತಂಡ ಸದ್ಯ ಸಿನಿಮಾ ಪ್ರಮೋಷನ್ನಲ್ಲಿ ಬ್ಯುಸಿಯಾಗಿದೆ. ಎಲ್ಲೆಡೆ 'ಡಿಯರ್ ಕಾಮ್ರೆಡ್' ಪರಿಚಯಿಸಲು ಹೊರಟಿರುವ ವಿಜಯ್, ಕನ್ನಡದ ಸೂಪರ್ ಸ್ಟಾರ್ ಯಶ್ ಅವರ ಸಹಾಯ ಪಡೆಯಲು ಮುಂದಾಗಿದ್ದಾರಂತೆ.
ಬೆಂಗಳೂರಿನಲ್ಲಿ ತಮ್ಮ ಚಿತ್ರದ ಅದ್ಧೂರಿ ಆಡಿಯೋ ಫೆಸ್ಟಿವಲ್ ಕಾರ್ಯಕ್ರಮ ಹಮ್ಮಿಕೊಂಡು, ರಾಕಿಭಾಯ್ ಅವರನ್ನು ಆಹ್ವಾನಿಸಲಿದ್ದಾರಂತೆ. ಈ ಮೂಲಕ ಯಶ್ ಅಭಿಮಾನಿಗಳನ್ನು ತಮ್ಮ ಚಿತ್ರದತ್ತ ಸೆಳೆಯುವ ಪ್ಲಾನ್ ಮಾಡಲಿದ್ದಾರಂತೆ. ಅದೇ ರೀತಿ ಕೊಚ್ಚಿ, ಚೆನ್ನೈ ಹಾಗೂ ಹೈದ್ರಾಬಾದ್ನಲ್ಲೂ ಈ ಆಡಿಯೋ ಫೆಸ್ಟಿವಲ್ ನಡೆಯಲಿದೆಯಂತೆ.
ಇನ್ನು ಕನ್ನಡತಿ ರಶ್ಮಿಕಾ ಮಂದಣ್ಣ ಮುಖ್ಯಪಾತ್ರದಲ್ಲಿ ನಟಿಸಿರುವ ಈ ಚಿತ್ರ ಸ್ಯಾಂಡಲ್ವುಡ್ ಸೇರಿದಂತೆ ಪಂಚ ಭಾಷೆಗಳಲ್ಲಿ ತೆರೆಗೆ ಬರುತ್ತಿದೆ. ವಿಜಯ್ ದೇವರಕೊಂಡ ಅವರ ಅರ್ಜುನ್ ರೆಡ್ಡಿ ಸಿನಿಮಾ ಕರ್ನಾಟಕದಲ್ಲಿ ಭರ್ಜರಿ ಹಿಟ್ ಆಗಿತ್ತು. ನಂತರ ಗೀತ ಗೋವಿಂದಂ ಸಿನಿಮಾಕ್ಕೂ ಒಳ್ಳೆಯ ರೆಸ್ಪಾನ್ಸ್ ಸಿಕ್ಕಿತ್ತು. ತಮ್ಮ ಹಿಂದಿನ ಚಿತ್ರಗಳಿಗೆ ಸಿಕ್ಕ ಪ್ರೊತ್ಸಾಹ ಡಿಯರ್ ಕಾಮ್ರೆಡ್ಗೂ ಸಿಗುತ್ತದೆ ಎನ್ನುವ ನಿರೀಕ್ಷೆಯಲ್ಲಿದ್ದಾರಂತೆ ವಿಜಯ್ ದೇವರಕೊಂಡ.
