‘ನೆನಪಿರಲಿ‘ ಸಿನಿಮಾದಿಂದ ಸ್ಯಾಂಡಲ್ವುಡ್ ಪ್ರೇಕ್ಷಕರಿಗೆ ಪರಿಚಿತರಾದ ಲವ್ಲಿ ಸ್ಟಾರ್ ಪ್ರೇಮ್ ಯುವತಿಯರ ಮೋಸ್ಟ್ ಫೇವರೆಟ್. ಪ್ರೇಮ್ ವೃತ್ತಿ ಜೀವನದ 25 ನೇ ಸಿನಿಮಾಗೆ ಶೀರ್ಷಿಕೆ ಫಿಕ್ಸ್ ಆಗಿದೆ.
ಈ ಚಿತ್ರಕ್ಕೆ ‘ಪ್ರೇಮಂ ಪೂಜ್ಯಂ’ ಎಂದು ಹೆಸರಿಡಲಾಗಿದ್ದು ಇಂದು ಸಿನಿಮಾದ ಮೊದಲ ಲುಕ್ ರಿವೀಲ್ ಆಗಿದೆ. ಯುಗಾದಿ ಬಳಿಕ ಸಿನಿಮಾದ ಚಿತ್ರೀಕರಣ ಆರಂಭವಾಗಲಿದೆ. ಸಿನಿಮಾಗೆ ಬಿ.ಎಸ್. ರಾಘವೇಂದ್ರ ಕಥೆ, ಚಿತ್ರಕಥೆ ಬರೆದು ನಿರ್ದೇಶನ ಮಾಡಿದ್ದಾರೆ. ಚಿತ್ರದ ಹಾಡುಗಳಿಗೆ ಸಾಹಿತ್ಯ ಹಾಗೂ ಸಂಗೀತ ಕೂಡಾ ರಾಘವೇಂದ್ರ ಅವರೇ ನೀಡಿದ್ದಾರೆ. ರಕ್ಷಿತ್ ಕೆಡಂಬಡಿ ಹಾಗೂ ರಾಜಕುಮಾರ್ ಜಾನಕೀರಾಮ್ ಈ ಚಿತ್ರದ ನಿರ್ಮಾಪಕರು, ಚಿತ್ರಕ್ಕೆ ನವೀನ್ ಕುಮಾರ್ ಛಾಯಾಗ್ರಹಣವಿದ್ದು, ಪಾತ್ರವರ್ಗಕ್ಕೆ ಸದ್ಯದಲ್ಲೇ ಆಯ್ಕೆ ನಡೆಯಲಿದೆ.
ಲವ್ಲಿ ಸ್ಟಾರ್ ಪ್ರೇಮ್ 2004 ರಲ್ಲಿ ಬಿಡುಗಡೆಯಾದ ‘ಪ್ರಾಣ’ ಸಿನಿಮಾ ಮೂಲಕ ಸ್ಯಾಂಡಲ್ವುಡ್ಗೆ ಕಾಲಿಟ್ಟರೂ ಅವರಿಗೆ ಹೆಸರು ತಂದುಕೊಟ್ಟಿದ್ದು ಮಾತ್ರ ‘ನೆನಪಿರಲಿ’ ಸಿನಿಮಾ. ನಂತರ ತೂಗುದೀಪ ಪ್ರೊಡಕ್ಷನ್ ಬ್ಯಾನರ್ ಅಡಿ ತಯಾರಾದ ‘ಜೊತೆ ಜೊತೆಯಲಿ’, ಹಾಗೂ ಆರ್. ಚಂದ್ರು ನಿರ್ಮಿಸಿ, ನಿರ್ದೇಶಿಸಿದ ’ಚಾರ್ ಮಿನಾರ್’ ಕೂಡಾ ಅವರಿಗೆ ಹೆಸರು ತಂದುಕೊಟ್ಟವು. ದ್ವಾರಕೀಶ್ ಚಿತ್ರ ‘ಚೌಕ’ ಪ್ರೇಮ್ ಅವರ ಇತ್ತೀಚಿನ ಸೂಪರ್ ಹಿಟ್ ಸಿನಿಮಾ.
