ಕನ್ನಡ ಚಿತ್ರರಂಗದಲ್ಲಿ ಅತ್ಯಂತ ಸರಳ, ಸಜ್ಜನಿಕೆಯ ವ್ಯಕ್ತಿ ಯಾರು ಎಂದರೆ ಇಡೀ ಚಿತ್ರರಂಗ ಮತ್ತು ಪ್ರೇಕ್ಷಕರು ತೋರಿಸುವುದು ಡಾ. ರಾಜ್ಕುಮಾರ್ ಹಾಗೂ ಅವರ ಕುಟುಂಬವನ್ನು. ಡಾ. ರಾಜ್ಕುಮಾರ್ ಮತ್ತು ಅವರ ಮಕ್ಕಳಷ್ಟು ಬಹಳ ಸ್ನೇಹಮಯಿಗಳು ಎಂದು ಎಲ್ಲರೂ ಹೇಳುತ್ತಾರೆ. ಆದರೆ ಈ ವಿಚಾರದಲ್ಲಿ ಧ್ರುವ ಸರ್ಜಾ, ರಾಜ್ ಅವರ ಮಕ್ಕಳನ್ನೂ ಮೀರಿಸುತ್ತಾರಂತೆ.
- " class="align-text-top noRightClick twitterSection" data="">
ಧ್ರುವ ಸರ್ಜಾ ಬಗ್ಗೆ ಹಾಗೆ ಹೇಳಿದ್ದು ಬೇರೆ ಯಾರೂ ಅಲ್ಲ ಸ್ವತ: ರಾಘವೇಂದ್ರ ರಾಜಕುಮಾರ್. ಶಿವರಾಜ್ಕುಮಾರ್ ಮತ್ತು ಪುನೀತ್ ರಾಜ್ಕುಮಾರ್ ಬಹಳ ಸರಳ, ಸ್ನೇಹಮಯಿ ವ್ಯಕ್ತಿತ್ವದವರು ಎಂದುಕೊಂಡಿದ್ದೆ. ಆದರೆ, ಧ್ರುವ ಸರ್ಜಾ ಜೊತೆಗೆ ಕೆಲಸ ಮಾಡಿದ ನಂತರ ಧ್ರುವ, ಶಿವಣ್ಣ ಹಾಗೂ ಪುನೀತ್ ಇಬ್ಬರನ್ನೂ ಮೀರಿಸುತ್ತಾರೆ ಎಂಬ ಮಾತು ನನಗೆ ಅರ್ಥವಾಯ್ತು ಎನ್ನುತ್ತಾರೆ ರಾಘಣ್ಣ.ಧ್ರುವ ಸರ್ಜಾ ರಾಘಣ್ಣನ ಪುತ್ರನ ವಯಸ್ಸಿನವರಾದರೂ " ನಿಜಕ್ಕೂ ನೀವು ಚೆನ್ನಾಗಿ ಇರ್ತೀರ. ಇಡೀ ದೇಶವೇ ನಿಮ್ಮನ್ನು ತಿರುಗಿ ನೋಡುತ್ತದೆ" ಎಂದು ಹಾರೈಸಿದ್ದಾರೆ.
ಇದನ್ನೂ ಓದಿ: ಕಿಚ್ಚನಿಗೆ ಗ್ರ್ಯಾಂಡ್ ವೆಲ್ಕಮ್ ಕೊಟ್ಟ ದುಬೈ ಕನ್ನಡಿಗರು..
'ಪೊಗರು' ಚಿತ್ರದಲ್ಲಿ ಧ್ರುವ ಜೊತೆ ರಾಘವೇಂದ್ರ ರಾಜ್ಕುಮಾರ್ ನಟಿಸಿದ್ದಾರೆ. ಇಷ್ಟು ವರ್ಷಗಳ ಕಾಲ ಮಾಡದ ಒಂದು ವಿಭಿನ್ನ ಪಾತ್ರದಲ್ಲಿ ರಾಘಣ್ಣ ಈ ಚಿತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. "ನಾವು ಒಳ್ಳೆಯ ಚಿತ್ರ ಮಾಡಿದ್ದೀವಿ ಎನ್ನುವುದಕ್ಕಿಂತ, ಒಳ್ಳೆಯ ಸಿನಿಮಾದಲ್ಲಿ ನಾವಿದ್ದರೆ ಅಷ್ಟೇ ಸಾಕು ಎಂದು ಅಪ್ಪಾಜಿ ಯಾವಾಗಲೂ ಹೇಳುತ್ತಿದ್ದರು. ಅದೇ ರೀತಿ ನಾನು ಈ ಚಿತ್ರದಲ್ಲಿ ಇದ್ದೇನೆ. ಚಿತ್ರದಲ್ಲಿ ನಾನು ನಟಿಸಿದ್ದೇನೆ ಎಂದು ಹೇಳುವುದಕ್ಕಿಂತ ನನ್ನಿಂದ ಪಾತ್ರ ಮಾಡಿಸಿದ್ದಾರೆ ಹಾಗೂ ಇದು ವಿಭಿನ್ನವಾದ ಪಾತ್ರ ಎನ್ನುವುದು ಹೆಚ್ಚು ಸೂಕ್ತ" ಎನ್ನುತ್ತಾರೆ ರಾಘವೇಂದ್ರ ರಾಜ್ಕುಮಾರ್.
