ದಯಾಳ್ ಪದ್ಮನಾಭನ್ ನಿರ್ದೇಶನದ ಆ ಕರಾಳ ರಾತ್ರಿ ತೆಲುಗು ರಿಮೇಕ್ 'ಅನಗನಗಾ ಓ ಅತಿಥಿ' ಸಿನಿಮಾ ಟೀಸರ್ ಬಿಡುಗಡೆಯಾಗಿದೆ. ಕನ್ನಡದಲ್ಲಿ ಅನುಪಮಾ ಗೌಡ, ಜಯರಾಮ್ ಕಾರ್ತಿಕ್ ನಟಿಸಿರುವ ಈ ಚಿತ್ರಕ್ಕೆ ರಾಜ್ಯಪ್ರಶಸ್ತಿ ದೊರೆತಿತ್ತು. ಅನಗನಗಾ ಓ ಅತಿಥಿ ಬಿಡುಗಡೆಗೆ ಸಿದ್ಧವಾಗಿದ್ದು ತೆಲುಗು ಪ್ರೇಕ್ಷಕರು ಟೀಸರ್ ನೋಡಿ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.
- " class="align-text-top noRightClick twitterSection" data="">
ತೆಲುಗು ಖ್ಯಾತ ನಿರ್ಮಾಪಕ ಅಲ್ಲು ಅರವಿಂದ್ ಈ ಚಿತ್ರವನ್ನು ನಿರ್ದೇಶಿಸಿದ್ದಾರೆ. 'ಅನಗನಗಾ ಓ ಅತಿಥಿ' ಚಿತ್ರದಲ್ಲಿ ಅನುಪಮಾ ಗೌಡ ಪಾತ್ರವನ್ನು 'ಆರ್ಎಕ್ಸ್ 100' ಖ್ಯಾತಿಯ ಪಾಯಲ್ ರಜಪೂತ್ ಮಾಡಿದ್ದಾರೆ. ಜಯರಾಮ್ ಕಾರ್ತಿಕ್ ಮಾಡಿದ್ದ ಪಾತ್ರವನ್ನು ತೆಲುಗಿನಲ್ಲಿ ಚೈತನ್ಯ ಕೃಷ್ಣ ಮಾಡಿದ್ದಾರೆ. ಇನ್ನು ಕನ್ನಡದಲ್ಲಿ ವೀಣಾಸುಂದರ್ ಹಾಗೂ ನವೀನ್ ಕೃಷ್ಣ ಮಾಡಿದ್ದ ಪಾತ್ರವನ್ನು ತೆಲುಗಿನಲ್ಲೂ ಅವರೇ ನಿಭಾಯಿಸಿದ್ದಾರೆ. ಈ ಮೂಲಕ ವೀಣಾ ಸುಂದರ್ ಹಾಗೂ ನವೀನ್ ಕೃಷ್ಣ ಮೊದಲ ಬಾರಿಗೆ ಟಾಲಿವುಡ್ಗೆ ಎಂಟ್ರಿ ನೀಡಿದ್ದಾರೆ.
'ಪ್ರತಿ ಮನುಷ್ಯನಿಗೆ ಪ್ರತಿ ನಿಮಿಷಕ್ಕೂ ಒಂದು ಆಸೆ ಹುಟ್ಟುತ್ತದೆ' ಎಂಬ ಡೈಲಾಗ್ನಿಂದ ಈ ಟೀಸರ್ ಆರಂಭವಾಗುತ್ತದೆ. ಇದುವರೆಗೂ ಗ್ಲ್ಯಾಮರಸ್ ಪಾತ್ರಗಳಲ್ಲಿ ನಟಿಸಿರುವ ಪಾಯಲ್ ರಜಪೂತ್ ಇದೇ ಮೊದಲ ಬಾರಿಗೆ ಹಳ್ಳಿ ಹುಡುಗಿಯಾಗಿ ನಟಿಸಿದ್ದಾರೆ. ಟೀಸರ್ ಸಿನಿಪ್ರಿಯರಲ್ಲಿ ಕುಹೂಹಲ ಕೆರಳಿಸಿದೆ. ಇದೇ ನವೆಂಬರ್ 20 ರಂದು 'ಅನಗನಗಾ ಓ ಅತಿಥಿ' ಆಹಾ ಡಿಜಿಟಲ್ ಪ್ಲಾಟ್ಫಾರ್ಮ್ನಲ್ಲಿ ಬಿಡುಗಡೆಯಾಗಲಿದೆ.
