ದಕ್ಷಿಣ ಭಾರತದ ಸಿನಿಮಾ ಇಂಡಸ್ಟ್ರಿಯಲ್ಲಿ ರೊಮ್ಯಾಂಟಿಂಕ್ ಆ್ಯಂಡ್ ಹಾಟ್ ನಟಿಯರ ಸಾಲಿನಲ್ಲಿ ತಮನ್ನಾ ಭಾಟಿಯಾಗೆ ವಿಶೇಷ ಸ್ಥಾನವಿದೆ. ಇತ್ತೀಚೆಗೆ ಇವರು ಕೆಲವು ಸಿನಿಮಾಗಳಲ್ಲಿ ಅತಿಥಿ ಪಾತ್ರಗಳಲ್ಲಿ ನಟಿಸುತ್ತಿದ್ದು, ಕೇವಲ ಒಂದು ಹಾಡಿಗೆ ಹೆಜ್ಜೆ ಹಾಕುತ್ತಾ ಅಭಿಮಾನಿಗಳ ಹೃದಯಕ್ಕೆ ಲಗ್ಗೆ ಇಟ್ಟು ಮರೆಯಾಗುತ್ತಾರೆ.
ಮುಂಬರುವ ಮಹೇಶ್ ಬಾಬು ಸಿನಿಮಾ 'ಸೆರಿಲೇರು ನೀಕೆವ್ವರುವ' ಸಿನಿಮಾದಲ್ಲಿಯೂ ತಮನ್ನಾ ಭಾಟಿಯಾ ಒಂದು ಹಾಡಿಗೆ ಕುಣಿಯಲಿದ್ದಾರೆ.
ಈ ಬಗ್ಗೆ ಅವರು ಪ್ರತಿಕ್ರಿಯಿಸಿದ್ದು, ಹೌದು, ನಾನು ಈ ಸಿನಿಮಾದ ಹಾಡೊಂದರಲ್ಲಿ ಕಾಣಿಸಿಕೊಳ್ಳುತ್ತೇನೆ. ಸಿನಿಮಾ ಸ್ಕ್ರಿಪ್ಟ್ನ ಬೇಡಿಕೆಯಂತೆ ಡ್ಯಾನ್ಸ್ ಮಾಡುತ್ತಿದ್ದೇನೆ. ಈ ಹಾಡನ್ನು ದೇವಿ ಶ್ರೀ ಪ್ರಸಾದ್ ಸಂಯೋಜನೆ ಮಾಡುತ್ತಿದ್ದು, ಅವರ ಜೊತೆ ಕೆಲಸ ಮಾಡಲು ನನಗೆ ಸಂತೋಷವಾಗ್ತಿದೆ ಎಂದಿದ್ದಾರೆ.
ತಮನ್ನಾ ಭಾಟಿಯಾ ಈ ಹಿಂದೆ, ಸ್ಪೀಟು ನೋಡು, ಜೈ ಲವ-ಕುಶಾ, ಅಲ್ಲುಡು ಸೀನು, ಕನ್ನಡದ ಕೆಜಿಎಫ್ ಚಾಪ್ಟರ್-1 ಸಿನಿಮಾಗಳಲ್ಲಿ ಅತಿಥಿ ನಟಿಯಾಗಿ ಪಾಲ್ಗೊಂಡು ಹಾಡುಗಳಲ್ಲಿ ಮಿಂಚಿದ್ದಾರೆ.
ಮಹೇಶ್ ಬಾಬು ನಟಿಸುತ್ತಿರುವ 'ಸೆರಿಲೇರು ನೀಕೆವ್ವರುವ' ಸಿನಿಮಾವನ್ನು ಅನಿಲ್ ರವಿಪುಡಿ ನಿರ್ದೇಶಿಸುತ್ತಿದ್ದು, 2020ರ ಜನವರಿ 10 ರಂದು ತೆರೆ ಕಾಣುವ ಸಾಧ್ಯತೆ ಇದೆ.
