ಯುಟ್ಯೂಬ್ಲ್ಲಿ ‘ಡೆವಿಲ್’ ಟ್ರೈಲರ್ ನೋಡಿದರೆ ಈ ಸುವರ್ಣ ಸುಂದರಿಗೆ ನಿರ್ದೇಶಕ ಎಸ್.ಎಸ್.ಎನ್ ಸೂರ್ಯ, ಎಲ್ಲಿಂದ ಸ್ಫೂರ್ತಿ ಪಡೆದಿದ್ದಾರೆ ಎಂದು ಸುಲಭವಾಗಿ ಊಹಿಸಬಹುದು.
'ಡೆವಿಲ್' ಸಿನಿಮಾದಲ್ಲಿ ಲಿಫ್ಟ್ವೊಳಗೆ ದೆವ್ವ ಸೇರಿಕೊಂಡು, ಅಲ್ಲಿದ್ದ ಏಳು ಜನರನ್ನು ಕೊಲ್ಲುತ್ತಾ ಹೋಗುತ್ತದೆ. ಸುವರ್ಣ ಸುಂದರಿ ಸಿನಿಮಾದಲ್ಲೂ ಅದೇ ರೀತಿ ಲಿಫ್ಟ್ ಒಳಗೆ ಒಬ್ಬ ಜ್ಯೋತಿಷಿ, ದಂಪತಿ, ಲವರ್ಸ್, ಸಾಫ್ಟ್ವೇರ್ ಇಂಜಿನಿಯರ್ ಮತ್ತು ಹೋಟೆಲಿನ ಸೇವಕಿ ಬಂದಿಯಾಗುತ್ತಾರೆ. ಲಿಫ್ಟ್ ಎಂಟನೇ ಮಹಡಿಗೆ ಬರುವ ಸಮಯಕ್ಕೆ, ಅದರೊಳಗೆ ಒಂದು ಅನಿಷ್ಟ ಉಂಟು ಮಾಡುವ ವಿಗ್ರಹ ‘ತ್ರಿನೇತ್ರಿ’ ಇರುವುದು ಗೊತ್ತಾಗುತ್ತದೆ. ಅದು ನಾಯಕಿ ಪೂರ್ಣ ಅವರ ವ್ಯಾನಿಟಿ ಬ್ಯಾಗ್ನಲ್ಲಿರುತ್ತದೆ.
500 ವರ್ಷಗಳ ಹಿಂದೆ ಈ ವಿಗ್ರಹ ಸೌಮ್ಯ,ಸುಂದರವಾಗಿ ರಚನೆ ಆಗಬೇಕಾಗಿರುತ್ತದೆ. ಆದರೆ, ಕಣ್ಣು ಮುಚ್ಚಿಕೊಂಡಿರುವ ಹಾಗೆ ರಚನೆ ಆಗಿದ್ದಕ್ಕೆ ಅದೃಷ್ಟದ ಬದಲು ಅನಿಷ್ಟ ಅಂಟಿಕೊಂಡಿರುತ್ತದೆ. ಈ ವಿಗ್ರಹ ಎಲ್ಲಿರುತ್ತೋ ಅಲ್ಲಿರುವ ವ್ಯಕ್ತಿಗಳು ರಕ್ತ ಕಾರಿ ಸಾಯುತ್ತಾರೆ.
