100 ಪರ್ಸೆಂಟ್ ವರ್ಜಿನಿಟಿ ಅಂತಾ ಟ್ಯಾಗ್ ಲೈನ್ ಹೊಂದಿರುವ ಚಿತ್ರ 'ಬ್ರಹ್ಮಚಾರಿ'. ನೀನಾಸಂ ಸತೀಶ್ ಮತ್ತು ಅದಿತಿ ಪ್ರಭುದೇವ ಅಭಿನಯಿಸಿರೋ ಈ ಚಿತ್ರ, ಇದೇ ತಿಂಗಳು 29ರಂದು ರಾಜ್ಯಾದ್ಯಂತ ರಿಲೀಸ್ ಆಗ್ತಾಯಿದೆ. ಈ ಬಗ್ಗೆ ಮಾತನಾಡೋದಿಕ್ಕೆ ನಿರ್ಮಾಪಕ ಉದಯ್ ಮೆಹ್ತಾ, ಹಿರಿಯ ನಟ ದತ್ತಣ್ಣ, ನೀನಾಸಂ ಸತೀಶ್, ಅದಿತಿ ಪ್ರಭುದೇವ ಹಾಗು ಸಂಗೀತ ನಿರ್ದೇಶಕ ಧರ್ಮವೀಶ್ ಬ್ರಹ್ಮಚಾರಿ ಸಿನಿಮಾ ರಿಲೀಸ್ಗೂ ಮುಂಚೆ ಸಕ್ಸಸ್ ಖುಷಿಯನ್ನ ಹಂಚಿಕೊಂಡ್ರು.
ನೀನಾಸಂ ಸತೀಶ್ ಅಭಿನಯದ 'ಲವ್ ಇನ್ ಮಂಡ್ಯ' ಸಿನಿಮಾ ರಿಲೀಸ್ ಆಗಿ ಇಂದಿಗೆ ಐದು ವರ್ಷ ತುಂಬುತ್ತಿದೆ .ಹೀಗಾಗಿ 'ಬ್ರಹ್ಮಚಾರಿ' ಸಿನಿಮಾ ಕೂಡ ಇದೇ ತಿಂಗಳು ತೆರೆ ಕಾಣುತ್ತಿದೆ. ಇನ್ನು ಬ್ರಹ್ಮಚಾರಿ ಚಿತ್ರ ರಿಲೀಸ್ಗೂ ಮುಂಚೆ ಬಿಸಿನೆಸ್ ಮಾಡಿರೋದು ನೀನಾಸಂ ಸತೀಶ್ ಹಾಗು ನಿರ್ಮಾಪಕ ಉದಯ್ ಮೆಹ್ತಾ ಕರಿಯರ್ನಲ್ಲಿ ಮೊದಲಂತೆ. ಹೀಗಾಗಿ ನಮ್ಮ ಸಿನಿಮಾ ರಿಲೀಸ್ ಆಗುವುದಕ್ಕಿಂತ ಮುಂಚೆ ಸಕ್ಸಸ್ ಆಗಿದ್ದು, ಇದ್ರಿಂದ ನಮಗೆ ಖುಷಿ ಇದೆ ಅಂತಾ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.
ಇನ್ನು ಬ್ರಹ್ಮಚಾರಿಯ ರಾಣಿಯಾಗಿ ಅದಿತಿ ಪ್ರಭುದೇವ ಫಸ್ಟ್ ಟೈಮ್ ಕಾಮಿಡಿ ಕ್ಯಾರೆಕ್ಟರ್ನಲ್ಲಿ ಕಾಣಿಸಿಕೊಂಡಿದ್ದಾರೆ. ದತ್ತಣ್ಣ ಈ ಚಿತ್ರದಲ್ಲಿ ನಾಟಿ ವೈದ್ಯನ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಟ್ರೇಲರ್‌ ಮತ್ತು ಹಾಡುಗಳ ಮೂಲಕ ಸುದ್ದಿಯಾಗಿದ್ದ ಬ್ರಹ್ಮಚಾರಿ ಚಿತ್ರಕ್ಕೆ ಸಂಗೀತ ನಿರ್ದೇಶಕ, ಧರ್ಮವೀಶ್ ಮ್ಯೂಸಿಕ್ ನೀಡಿದ್ದಾರೆ. 'ಬಾಂಬೆ ಮಿಠಾಯಿ' ಸಿನಿಮಾ ಮಾಡಿದ್ದ ಚಂದ್ರ ಮೋಹನ್ ಬ್ರಹ್ಮಚಾರಿ ಚಿತ್ರಕ್ಕೆ ನಿರ್ದೇಶನ ಮಾಡಿದ್ದಾರೆ.
ಡಬಲ್‌ ಮೀನಿಂಗ್‌ ಡೈಲಾಗ್‌ಗಳಿರುವಂತೆ ಎನ್ನಿಸಿದರೂ ಬ್ರಹ್ಮಚಾರಿ ಸಿನಿಮಾ ಫ್ಯಾಮಿಲಿ ಎಂಟರ್ಟೈನರ್ ಚಿತ್ರವಂತೆ. ನೀನಾಸಂ ಸತೀಶ್ ಹೇಳುವ ಪ್ರಕಾರ ಒಂದು ದಿನ ಮುಂಚಿತವಾಗಿ ಬೆಂಗಳೂರು ಹಾಗು ಮೈಸೂರಿನ ಕೆಲ ಮಾಲ್ಗಳಲ್ಲಿ ಚಿತ್ರವನ್ನ ನೋಡಬಹುದು. ಆದ್ರೆ ಶುಕ್ರವಾರ ಬರೋಬ್ಬರಿ 250ಕ್ಕೂ ಹೆಚ್ಚು ಚಿತ್ರಮಂದಿರಗಳಲ್ಲಿ ಬ್ರಹ್ಮಚಾರಿ ಆಟ ಶುರುವಾಗಲಿದೆ.
