ಕಿಚ್ಚ ಸುದೀಪ್ ಇಂದು ತುಂಬಾ ದೊಡ್ಡ ಮಟ್ಟಕ್ಕೆ ಬೆಳೆದಿದ್ದಾರೆ. ಅವರ ಜೊತೆ ನಾನು ಮೊದಲ ಚಿತ್ರದಲ್ಲಿ ನಟಿಸಿದ್ದು ನನ್ನ ಪುಣ್ಯ ಎಂದು ಸ್ಪರ್ಶ ಸಿನಿಮಾದ ನಟಿ ರೇಖಾ ಹೇಳಿದ್ದಾರೆ. ಸುದೀಪ್ ಚಿತ್ರರಂಗಕ್ಕೆ ಬಂದು ಯಶಸ್ವಿ 25 ವರ್ಷಗಳನ್ನು ಪೂರೈಸಿದ್ದಕ್ಕೆ ಸಂತಸ ವ್ಯಕ್ತಪಡಿಸಿದ ಸ್ಪರ್ಶ ರೇಖಾ, ಸುದೀಪ್ ಜೊತೆಗಿನ ಒಂದಷ್ಟು ನೆನಪುಗಳನ್ನು ಹಂಚಿಕೊಂಡಿದ್ದಾರೆ.
ಬಿಚ್ಚುಗತ್ತಿ ಚಿತ್ರದ ಪ್ರೆಸ್ಮೀಟ್ನಲ್ಲಿ ಮಾತನಾಡಿದ ರೇಖಾ, ಸ್ಪರ್ಶ ಚಿತ್ರದ ಶೂಟಿಂಗ್ ವೇಳೆ ನಡೆದಿದ್ದ ಸ್ವಾರಸ್ಯಕರ ವಿಷಯಗಳನ್ನು ಹಂಚಿಕೊಂಡಿದ್ದಾರೆ. ಅಲ್ಲದೆ ಸುದೀಪ್ ಚಿತ್ರರಂಗದಲ್ಲಿ 25 ವರ್ಷಗಳನ್ನು ಯಶಸ್ವಿಯಾಗಿ ಪೂರೈಸಿರುವುದಕ್ಕೆ ನಾಳೆ ಬಿಗ್ ಬಾಸ್ ಫಿನಾಲೆ ವೇದಿಕೆಯಲ್ಲಿ ಒಂದು ಸಾಂಗ್ ಡೆಡಿಕೇಟ್ ಮಾಡ್ತಿದ್ದೀನಿ ಅಂದ್ರು.
ಸ್ಪರ್ಶ ಶೂಟಿಂಗ್ ವೇಳೆ ಸುದೀಪ್ ಯಾವಾಗಲೂ ನಮ್ಮ ತಾಯಿ ವ್ಯಾನಿಟಿ ಬ್ಯಾಗ್ ಹಿಂದೆಯೇ ಓಡಾಡ್ತಿದ್ರು. ಯಾಕಂದ್ರೆ ನಮ್ಮ ತಾಯಿ ಶೂಟಿಂಗ್ಗೆ ಬರೋವಾಗ ವ್ಯಾನಿಟಿ ಬ್ಯಾಗ್ನಲ್ಲಿ ಚಕ್ಕುಲಿ, ನಿಪ್ಪಟ್ಟು, ಕೋಡು ಬಳೆ ತರ್ತಿದ್ರು. ಚಕ್ಲಿಗಾಗಿ ಸುದೀಪ್ ಅಮ್ಮನ ವ್ಯಾನಿಟಿ ಬ್ಯಾಗ್ ಹಿಂದೆ ಸುತ್ತುತ್ತಿದ್ದರು ಅಂತ ಹೇಳಿದರು
ಸುದೀಪ್ಗೆ ಕುಕಿಂಗ್ ಮೇಲೆ ಆಸಕ್ತಿ ಜಾಸ್ತಿ ಇತ್ತು. ಮಡಿಕೇರಿಯಲ್ಲಿ ಸ್ಪರ್ಶ ಸಾಂಗ್ ಶೂಟ್ ಮಾಡೋ ವೇಳೆ ರೇಖಾ ಅವರ ಅಜ್ಜಿ ಸುದೀಪ್ಗೆ ಮೈಸೂರು ಪಾಕ್ ಮಾಡೊದನ್ನು ಹೇಳಿ ಕೊಟ್ಟಿದ್ದನ್ನು ರೇಖಾ ನೆನಪು ಮಾಡಿಕೊಂಡ್ರು.
