ಚಾಲೆಂಜಿಂಗ್ ಸ್ಟಾರ್ ದರ್ಶನ್ ‘ಒಡೆಯ’ ಸಿನಿಮಾ ಸಾಂಗ್ ಶೂಟ್‌ಗಾಗಿ ಸ್ವಿಟ್ಜರ್ಲೆಂಡ್ಗೆ ತೆರಳಿದ್ದು. ಒಡೆಯ ಟೀಂನಿಂದ ಸಾಂಗ್ ಶೂಟಿಂಗ್ನ ಕೆಲವು ಫೋಟೋಗಳು ಹೊರಬಂದಿವೆ.
ಭೂ ಲೋಕದ ಸ್ವರ್ಗ ಸ್ವಿಟ್ಜರ್ಲೆಂಡ್ನ ಮಂಜುಗಡ್ಡೆಯ ಮಧ್ಯೆ ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಕೊರೆಯುವ ಚಳಿಯಲ್ಲಿ ರೆಡ್‌ ಕಲರ್ ಕೋಟ್‌ನಲ್ಲಿ ಸ್ಟೆಪ್ ಹಾಕಿ ಮಿಂಚಿದ್ದಾರೆ. ಹಿಮದ ರಾಶಿಯ ನಡುವೆ ಒಡೆಯ ಚಿತ್ರದ ರೊಮ್ಯಾಂಟಿಕ್ ಸಾಂಗ್ ಶೂಟಿಂಗ್ ನಡೆಯುತ್ತಿದ್ದು. ಸ್ವಿಟ್ಜರ್ಲೆಂಡ್‌ನಲ್ಲೇ 2 ಹಾಡುಗಳ ಶೂಟಿಂಗ್ ಮುಗಿಸಲು ಚಿತ್ರತಂಡ ಪ್ಲಾನ್ ಮಾಡಿಕೊಂಡಿದೆ.
ಅಣ್ಣ- ತಮ್ಮಂದಿರ ಸೆಂಟಿಮೆಂಟ್ ಕಥೆಯುಳ್ಳ ಸಿನಿಮಾ ಇದಾಗಿದೆ. ಚಿತ್ರದಲ್ಲಿ ದಚ್ಚು ಗಜೇಂದ್ರನ ಪಾತ್ರದಲ್ಲಿ ಅಭಿನಯಿಸಿದ್ರೆ, ನಾಯಕಿಯಾಗಿ ರಾಘವಿ ತಿಮ್ಮಯ್ಯ , ಚಿಕ್ಕಣ್ಣ, ಯಶಸ್ ಸೂರ್ಯ, ಪಂಕಜ್ ಚಿತ್ರದಲ್ಲಿ ಬಣ್ಣ ಹಚ್ಚಿದ್ದಾರೆ. ಎಂ. ಡಿ. ಶ್ರೀಧರ್ ಆಕ್ಷನ್ ಕಟ್ ಹೇಳಿದ್ದು, ಸಂದೇಶ್ ನಾಗರಾಜ್ ಚಿತ್ರಕ್ಕೆ ಬಂಡವಾಳ ಹೂಡಿದ್ದಾರೆ.
