ಸೆಂಚುರಿ ಸ್ಟಾರ್ ಶಿವರಾಜ್ ಕುಮಾರ್ ಹಾಗೂ ರಿಯಲ್ ಸ್ಟಾರ್ ಉಪೇಂದ್ರ ಅವರ 'ರುಸ್ತುಂ' ಹಾಗೂ 'ಐ ಲವ್ ಯು' ಸಿನಿಮಾಗಳು ಒಂದೇ ದಿನ ಬಿಡುಗಡೆಯಾಗುತ್ತಿವೆ ಎಂದು ಸುದ್ದಿಯಾಗಿತ್ತು. ಇದರಿಂದ ತೆರೆಯ ಮೇಲೆ ಈ ಚಿತ್ರಗಳು ಕ್ಲಾಶ್ ಆಗಿ, ಬಾಕ್ಸಾಫೀಸಿನಲ್ಲಿ ಹೊಡೆತ ಬೀಳುವ ಸಾಧ್ಯತೆಯಿತ್ತು.
ಇದನ್ನು ಮನಗಂಡಿರುವ ಜಯಣ್ಣ ಕಂಬೈನ್ಸ್ 'ರುಸ್ತುಂ' ಚಿತ್ರವನ್ನು ಎರಡು ವಾರ ಮುಂದಕ್ಕೆ ಹಾಕಿದ್ದಾರೆ. ಆದ್ದರಿಂದ ಶಿವಣ್ಣ ಖಡಕ್ ಪೊಲೀಸ್ ಆಫೀಸರ್ ಪಾತ್ರ ನೋಡಲು ತಿಂಗಳ ಕೊನೇ ತನಕ ಕಾಯಬೇಕು.
ಆರ್.ಚಂದ್ರು ನಿರ್ದೇಶನದ ‘ಐ ಲವ್ ಯು’ ಚಿತ್ರ ಎರಡು ತಿಂಗಳ ಹಿಂದೆಯೇ ಬಿಡುಗಡೆ ಆಗಬೇಕಿತ್ತು. ಆದರೆ, ಲೋಕ ಸಭೆ ಚುನಾವಣೆ ಚಿತ್ರದ ರಿಲೀಸ್ಗೆ ಅಡ್ಡಿ ಆಯಿತು. ಕಾರಣ ಉಪೇಂದ್ರ ಅವರ ಉತ್ತಮ ಪ್ರಜಕೀಯ ಪಕ್ಷ ಚುನಾವಣೆಗೆ ಸ್ಪರ್ಧೆ ಮಾಡಿದ್ದು. ಈಗ ಜೂನ್ 14ರಂದು 'ಐ ಲವ್ ಯು' ಬಿಡುಗಡೆ ದಿನಾಂಕ ನಿಗದಿ ಮಾಡಲಾಗಿದೆ. ಈ ದಿನದಂದೇ 'ರುಸ್ತುಂ' ಸಹ ಬಿಡುಗಡೆ ಎಂಬ ಸುದ್ದಿ ಬಂದಿತು. ಈಗ ಎಲ್ಲವೂ ಕ್ಲಿಯರ್ ಆಗಿದೆ. 14 ರಂದು 'ಐ ಲವ್ ಯು', 28 ರಂದು 'ರುಸ್ತುಂ' ಚಿತ್ರ ಬಿಡುಗಡೆಯಾಗುತ್ತಿವೆ.
ಅಂದಹಾಗೆ ಮುಂದಿನ ಶನಿವಾರ ವಿಶಾಖಪಟ್ಟಣಂನಲ್ಲಿ ಐ ಲವ್ ಯು ಚಿತ್ರದ ತೆಲುಗು ಆವತರಣಿಕೆಯ ಟ್ರೈಲರ್ ಹಾಗೂ ಕನ್ನಡದ ಒಂದು ಹಾಡು ಬಿಡುಗಡೆ ಆಗಲಿದೆ.
