ಶಿಲ್ಪಾ ಶೆಟ್ಟಿ ಶಿವರಾತ್ರಿ ಹಬ್ಬದಂದು ತಮ್ಮ ಅಭಿಮಾನಿ ಬಳಗಕ್ಕೆ ಸಿಹಿ ಸುದ್ದಿ ಕೊಟ್ಟಿದ್ದಾರೆ. ಶಿಲ್ಪಾ ಶೆಟ್ಟಿ ಮತ್ತೆ ತಾಯಿಯಾಗಿದ್ದಾರೆ. ಈ ಬಗ್ಗೆ ತಮ್ಮ ಇನ್ಸ್ಟಾಗ್ರಾಂ ಖಾತೆಯಲ್ಲಿ ಮಾಹಿತಿ ಶೇರ್ ಮಾಡಿರುವ ಕರಾವಳಿ ಚೆಲುವೆ, ನಮ್ಮ ಕುಂದ್ರ ಕುಟುಂಬಕ್ಕೆ ಮತ್ತೊಬ್ಬ ಅತಿಥಿ ಎಂಟ್ರಿಯಾಗಿದ್ದಾರೆ ಎಂದು ಬರೆದುಕೊಂಡಿದ್ದಾರೆ.
- " class="align-text-top noRightClick twitterSection" data="
">
ಮಗು ತನ್ನ ತಾಯಿಯ ಬೆರಳು ಹಿಡಿದುಕೊಂಡಿರುವ ಫೋಟೋ ಹಾಕಿರುವ ಶಿಲ್ಪಾ ಶೆಟ್ಟಿ, ದೇವರಿಗೆ ನಾವು ಮಾಡಿದ ಪ್ರಾರ್ಥನೆ ಫಲಿಸಿದೆ. ನಮ್ಮ ಮನೆಗೆ ಯುವ ರಾಣಿ ಬಂದಿದ್ದಾಳೆ. ಈ ವಿಷಯವನ್ನು ಹೇಳಲು ನಮಗೆ ಥ್ರಿಲ್ ಆಗುತ್ತಿದೆ ಎಂದು ಬರೆದುಕೊಂಡಿದ್ದಾರೆ. ಇನ್ನು ಆ ಹೆಣ್ಣು ಮಗುವಿನ ಬಗ್ಗೆಯೂ ಶಿಲ್ಪಾ ಶೆಟ್ಟಿ ಬರೆದುಕೊಂಡಿದ್ದಾರೆ. ಸಮಿಶಾ ಶೆಟ್ಟಿ ಕುಂದ್ರ, ಈ ಮಗು ಫೆಬ್ರವರಿ 15ರಂದು ಜನಿಸಿದೆ. ಈ ಮಗುವಿನ ಹೆಸರಿನ ಅರ್ಥ 'ಸ' ಅಂದ್ರೆ ಸಂಸ್ಕೃತದಲ್ಲಿ ಹೊಂದಿರುವುದು ಎಂದರ್ಥ. 'ಮಿಶಾ' ಅಂದ್ರೆ ರಷ್ಯಾ ಭಾಷೆಯಲ್ಲಿ ದೇವರನ್ನು ಇಷ್ಟ ಪಡುವುದು ಎಂಬ ಅರ್ಥ ಕೊಡುತ್ತದೆ ಎಂದು ಹೇಳಿದ್ದಾರೆ. ಹಾಗೆಯೇ ತಮ್ಮ ಬರಹವನ್ನು ಮುಂದುವರೆಸಿರುವ ಶಿಲ್ಪಾ ಶೆಟ್ಟಿ, ನಮ್ಮ ಮನೆಗೆ ಜೂನಿಯರ್ ಎಸ್ಎಸ್ಕೆ(ಶಿಲ್ಪಾ ಶೆಟ್ಟಿ ಕುಂದ್ರ) ಬಂದ್ರು ಎಂದು ಬರೆದಿದ್ದಾರೆ.
