ಡ್ರಗ್ಸ್ ಹಾಗೂ ಗಾಂಜಾ ಮಾಫಿಯಾ ಈಗ ಸ್ಯಾಂಡಲ್ವುಡ್ನಲ್ಲಿ ಹೆಚ್ಚು ಸೌಂಡ್ ಮಾಡುತ್ತಿದೆ. ಕನ್ನಡ ಚಿತ್ರರಂಗದಲ್ಲಿ ಕೆಲ ನಟ, ನಟಿಯರು ಹಾಗೂ ಸಂಗೀತ ನಿರ್ದೇಶಕರು ಈ ಡ್ರಗ್ಸ್, ಗಾಂಜಾ ಮತ್ತಿನಲ್ಲಿ ತೇಲುತ್ತಿದ್ದಾರೆ ಎಂಬ ಆಶ್ಚರ್ಯಕರ ಮಾಹಿತಿಯನ್ನು ಎನ್ಸಿಬಿ ಹೊರ ಹಾಕಿದೆ.
ಈಗಾಗಲೇ ಕೆಲ ನಟರು ಹಾಗು ನಿರ್ದೇಶಕರು ಈ ಡ್ರಗ್ಸ್ ಮಾಫಿಯಾ ನಮಗೆ ಗೊತ್ತಿಲ್ಲ ಎಂದು ಹೇಳಿಕೆ ನೀಡಿದ್ದಾರೆ. ಸದ್ಯ ನಟಿ ಶರ್ಮಿಳಾ ಮಾಂಡ್ರೆ ಡ್ರಗ್ಸ್ ಹಾಗೂ ಗಾಂಜಾ ಜಾಲದ ಬಗ್ಗೆ ಪರೋಕ್ಷವಾಗಿ ಹೇಳಿಕೆ ಕೊಟ್ಟಿದ್ದಾರೆ. ಸದ್ಯ ಸ್ಯಾಂಡಲ್ವುಡ್ ನಲ್ಲಿ ಹೆಚ್ಚು ಕೇಳಿ ಬರುತ್ತಿರುವ ವಿಷ್ಯದ ಬಗ್ಗೆ ನನಗೇನೂ ಗೊತ್ತಿಲ್ಲ, ಜೊತೆಗೆ ನನಗೆ ಯಾವತ್ತೂ ಈ ರೀತಿ ಅನುಭವ ಆಗಿಲ್ಲ. ನಾನು ಸಿನಿಮಾ ಹಿನ್ನೆಲೆ ಕುಟುಂಬದಿಂದ ಬಂದವಳು, ನಮ್ಮ ತಾತ , ನಮ್ಮ ತಂದೆ ಚಿತ್ರರಂಗದಲ್ಲಿ ಪ್ರಖ್ಯಾತ ಸಿನಿಮಾ ವಿತರಕರು ಎಂದು ಶರ್ಮಿಳಾ ಮಾಂಡ್ರೆ ಪರೋಕ್ಷವಾಗಿ ಹೇಳಿದ್ದಾರೆ.
ಈಗ ಶರ್ಮಿಳಾ ಮಾಂಡ್ರೆ ಈ ಹೇಳಿಕೆ ಕೊಡೋದಿಕ್ಕೆ ಕಾರಣ, ಲಾಕ್ಡೌನ್ ಸಂದರ್ಭದಲ್ಲಿ ಶರ್ಮಿಳಾ ಸ್ನೇಹಿತರು ಜೊತೆಗೂಡಿ ಭರ್ಜರಿ ಪಾರ್ಟಿ ಮಾಡಿ, ಕಾರು ಅಪಘಾತವಾಗಿ ಈ ಬೆಂಗಳೂರು ಚೆಲುವೆ ಹೆಚ್ಚು ಸುದ್ದಿಯಾಗಿದ್ದಳು. ಹೀಗಾಗಿ ಡ್ರಗ್ಸ್ ಜಾಲದಲ್ಲಿ ಶರ್ಮಿಳಾ ಹೆಸರು ಕೇಳಿ ಬಂದಿತ್ತು. ಈ ಕಾರಣಕ್ಕೆ ಶರ್ಮಿಳಾ ಈ ಘಟನೆ ಬಗ್ಗೆ ತಮ್ಮ ರಿಯಾಕ್ಷನ್ ಕೊಟ್ಟಿದ್ದಾರೆ.
