ಟ್ರೈಲರ್ನಿಂದಲೇ ಸುದ್ದಿಯಾದ ಸವರ್ಣ ದೀರ್ಘ ಸಂಧಿ ಚಿತ್ರದ ಹಾಡುಗಳು ಒಂದೊಂದಾಗಿ ರಿಲೀಸ್ ಆಗಿ ಸಿನಿಪ್ರಿಯರಲ್ಲಿ ಸಿನಿಮಾ ಮೇಲೆ ವಿಶೇಷ ಕುತೂಹಲವನ್ನ ಹುಟ್ಟಿಸ್ತಿವೆ. ಅದ್ರಂತೆ, ಇದೀಗ ಕೊಳಲಾದೇ ನಾ ಹಾಡಿನ ವಿಡಿಯೋ ವರ್ಷನ್ ಬಿಡುಗಡೆಯಾಗಿದೆ. ಸಂಗೀತ ನಿರ್ದೇಶಕ ಮನೋಮೂರ್ತಿಯವರ ಯೂಟ್ಯೂಬ್ನಲ್ಲಿ ಈ ಹಾಡನ್ನ ರಿಲೀಸ್ ಮಾಡಿದ್ದು, ಈ ಹಾಡಿಗೆ ಸಿಕ್ಕಾಪಟ್ಟೆ ರೆಸ್ಪಾನ್ಸ್ ಸಿಕ್ತಿದೆ.
ಅಲ್ಲದೇ, ಸವರ್ಣ ದೀರ್ಘ ಸಂಧಿ ಚಿತ್ರದ ಹಾಡುಗಳು ಟಿಕ್ ಟಾಕ್ನಲ್ಲಿ ಮಿಲಿಯನ್ ಗಟ್ಟಲೇ ರೀಚ್ ಆಗ್ತಿರೋದು ಚಿತ್ರತಂಡಕ್ಕೆ ಸಂತಸ ತಂದಿದೆ. ಅಂದ್ಹಾಗೆ ವಿಡಿಯೋ ಹಾಡಿನ ಜೊತೆಗೆ ಸವರ್ಣ ದೀರ್ಘ ಸಂಧಿ ಚಿತ್ರದ ರಿಲೀಸ್ ಡೇಟ್ ಅನೌನ್ಸ್ ಮಾಡಿದೆ.
ಹೌದು, ಈ ಹಿಂದೆ ಅಕ್ಟೋಬರ್ ಮೊದಲ ವಾರದಲ್ಲೇ ಪ್ರೇಕ್ಷಕರೆದುರಿಗೆ ಬರ್ತಿವಿ ಅಂತ ಹೇಳಿದ್ದ ಚಿತ್ರತಂಡ, ಇದೀಗ ಅಕ್ಟೋಬರ್ ಮೂರನೇ ವಾರ ಅಂದ್ರೆ ಅಕ್ಟೋಬರ್ 18ಕ್ಕೆ ಪ್ರೇಕ್ಷಕರೆದುರಿಗೆ ಬರೋದಕ್ಕೆ ದಿನವನ್ನ ಫಿಕ್ಸ್ ಮಾಡಿಕೊಂಡಿದೆ. ಸದ್ಯ ಪ್ರಚಾರದ ಕಾರ್ಯ ಶುರುಮಾಡಿರೋ ಚಿತ್ರತಂಡ, ಪರಭಾಷಾ ದೊಡ್ಡ ಸಿನಿಮಾಗಳೆದುರು ಗಟ್ಟಿಯಾಗಿ ನಿಲ್ಲೋ ಪ್ಲಾನ್ ಮಾಡಿಕೊಳ್ತಿದೆ.
ಸಿನಿಮಾವನ್ನ ವೀರೇಂದ್ರ ಶೆಟ್ಟಿ ಡೈರೆಕ್ಟ್ ಮಾಡಿದ್ದು, ಚಿತ್ರದಲ್ಲಿ ವೀರೇಂದ್ರ ಶೆಟ್ಟಿ, ಕೃಷ್ಣ, ಪದ್ಮಜರಾವ್ ಸೇರಿ ಪ್ರತಿಭಾವಂತ ತಾರಾಬಳಗವಿದೆ. ಮನೂಮೂರ್ತಿ ಸಂಗೀತದ ಜೊತೆಗೆ ನಿರ್ಮಾಣದಲ್ಲೂ ಕೈ ಜೋಡಿಸಿದ್ದಾರೆ.
